യുവതിയെ പീഡിപ്പിച്ചു പിന്നീട്​ വിവാഹം കഴിച്ചു; എങ്കിലും പൊലീസുകാരന്​ ആറ്​ മാസം തടവ്​

ദുബൈ: വിവാഹം ആലോചിച്ച യുവതിയെ പീഡിപ്പിച്ച പൊലീസുകാരനെ കോടതി ആറ്​ മാസംതടവിന്​ ശിക്ഷിച്ചു. കഴിഞ്ഞ മാർച്ചിലായിരുന്നു​ കേസിനാസ്​പദമായ സംഭവം. 28 വയസുകാരനായ പൊലീസുകാരൻ വിമാനത്താവളത്തിലാണ്​ ജോലി ​െചയ്​തിരുന്നത്​. അവിടെ വെച്ച്​ പരിചയപ്പെട്ട യുവതിയാണ്​ പരാതിക്കാരി. ഒരു വിമാനക്കമ്പനിയിൽ ജോലി ​െചയ്യുന്ന യുവതിയുമായി അടുത്ത സൗഹൃദം സ്​ഥാപിച്ച ​െപാലീസുകാരൻ പിന്നീട്​ വിവാഹം ആലോചിക്കുകയായിരുന്നു. നേരത്തെ വിവാഹം കഴിക്കുകയും പിന്നീട്​ ഭർത്താവുമായി വേർപിരിയുകയും ചെയ്​ത യുവതി ഇക്കാര്യങ്ങളെല്ലാം തുറന്നു പറഞ്ഞുവെങ്കിലും പൊലീസുകാരൻ പിൻമാറിയില്ല. തുടർന്ന്​ വീട്ടിൽ വന്ന്​ വിവാഹം ആലോചിക്കാൻ യുവതി നിർദേശിച്ചു. ഇതിനിടെ ഒരു ദിവസം പൊലീസുകാരൻ യുവതിയെ കാറിൽ കയറ്റിക്കൊണ്ടുപോയി വിജനമായ സ്​ഥലത്ത്​ എത്തിച്ച്​ പീഡിപ്പിച്ചുവെന്നാണ്​ കേസ്​.

ഉടൻ തന്നെ യുവതി പൊലീസിൽ പരാതിയും നൽകി. പിന്നീട്​ ഇരുവരും വിവാഹിതരാവുകയും ചെയ്​തു. കേസ്​ വിചാരണക്കെത്തിയപ്പോൾ പീഡിപ്പിച്ചുവെന്ന വാദം നിലനിൽക്കില്ലെന്ന്​ പ്രതിയുടെ അഭിഭാഷകൻ വാദിച്ചു. പ്രതി യുവതിയുടെ വീട്ടുകാരുമായി വിവാഹം പറഞ്ഞ്​ ഉറപ്പിച്ചതാണ്​. ഇക്കാര്യം സുഹൃത്തുക്കളെയും ബന്ധുക്ക​െളയും അറിയിക്കുകയും ചെയ്​തിരുന്നു. ഇതോടെ വിവാഹബന്ധം നിലവിൽ വന്നുവെന്ന്​ കരുതാമെന്നായിരുന്നു പ്രതിഭാഗത്തി​​െൻറ നിലപാട്​. പ്രശ്​നം വിവാഹത്തോടെ ഒത്തുതീർപ്പായെന്ന്​ യുവതിയും നേരത്തെ കോടതിയെ അറിയിച്ചിരുന്നു. എന്നാൽ ഇൗ വാദങ്ങൾ അംഗീകരിക്കാതിരുന്ന കോടതി സംഭവംനടക്കു​േമ്പാൾ യുവതി പ്രതിയുടെ ഭാര്യയായിരുന്നില്ലെന്ന്​ ചൂണ്ടിക്കാട്ടിയാണ്​ ശിക്ഷ വിധിച്ചത്​.