വിദ്വേഷംപരത്തുന്ന കവിതയും ചിത്രവുമായി യു.എ.ഇയിലെ മലയാളി വ്യവസായി

ദുബൈ: ​​കോവിഡ്​ വ്യാപിപ്പിക്കുന്നത്​ മതവിശ്വാസികളാണെന്ന​ ആക്ഷേപവുമായി​ യു.എ.ഇയിലെ മലയാളി വ്യവസായിയുടെ കവി ത. ഏരീസ്​ ഗ്രൂപ്പ്​ മേധാവിയും സിനിമാ സംവിധായകനുമായ സോഹൻ റോയ്​ ആണ്​ പ്രത്യേക മത വിശ്വാസികളാണ്​ കോവിഡ്​ പരത് തിന്നത്​ എന്ന്​ ധ്വനിപ്പിക്കുന്ന ചിത്രം സഹിതം കവിത സമൂഹ മാധ്യമങ്ങളിലൂടെ പ്രചരിപ്പിച്ചത്​. സാമൂഹിക വിശകലനം എന ്ന മട്ടിൽ ദിവസങ്ങളായി സോഹൻ റോയ്​ സമൂഹ മാധ്യമങ്ങൾ വഴി ഗ്രാഫിക്​സ്​ സഹിതം കവിത പോസ്​റ്റ്​ ചെയ്യാറുണ്ട്​.

നിസാമുദ്ദീൻ, കോവിഡ്​, നിസാമുദ്ദീൻ കൊറോണ കേസസ്​ തുടങ്ങിയ ഹാഷ്​ടാഗുകൾ സഹിതം പോസ്​റ്റ്​ ചെയ്​ത കവിതയിൽ പള്ളിയിൽ നിന്ന്​ വരുന്ന മുസ്​ലിംകളുടെ ഗ്രാഫിക്​ ചിത്രമാണ്​ ചേർത്തിരിക്കുന്നത്​. മതഭാഷിയുടെ നിർദേശാനുസരണം അണുക്കൾ നാട്ടിൽ പരത്തുകയാണ്​ എന്നാണ്​ കവിതയിലുടെ സോഹൻ കുറ്റപ്പെടുത്തുന്നത്​.സാമൂഹിക വിമർശനം എന്ന മട്ടിൽ പോസ്​റ്റ്​ ചെയ്യുന്ന പല കവിതകളും ഏതെങ്കിലും ഒരു സമൂഹത്തെ അവഹേളിക്കുന്ന രീതിയിലുള്ളവയാണെങ്കിലും പലരും അത്​ അവഗണിക്കുകയായിരുന്നു പതിവ്​.

സ്​ത്രീ വിരുദ്ധ കവിതകളും വ്യാപകമായി അതിഥി തൊഴിലാളികളെ അവഹേളിക്കുന്ന രണ്ടിലേറെ കവിതകൾ ഇദ്ദേഹം പോസ്​റ്റ്​ ചെയ്​തിരുന്നു. അതിഥി തൊഴിലാളികളെ നാടുകടത്തണമെന്നുൾപ്പെ​െടയുള്ള കോവിഡ്​ കാല കവിതകളെല്ലാം ഫേസ്​ബുക്ക്​ വഴി പങ്കുവെച്ചപ്പോൾ മതവിശ്വാസികൾ കോവിഡ്​ പരത്തുന്നു എന്നാക്ഷേപിക്കുന്ന കവിത സംഘ്​ പരിവാർ വാട്ട്​സ്​ആപ്പ്​ ഗ്രൂപ്പുകൾ മുഖേനെയാണ്​ വ്യാപകമായി ഷെയർ ചെയ്​തത്​. വർഗീയ വിദ്വേഷം പരത്തുന്ന പോസ്​റ്റുകൾക്കെതിരെ യു.എ.ഇ കർശന നിലപാട്​ സ്വീകരിക്കുന്ന പശ്​ചാത്തലത്തിൽ ഫേസ്​ബുക്കിലും യൂട്യൂബിലും കവിത മറച്ചുവെച്ചിട്ടുണ്ടെങ്കിലും ട്വിറ്ററിൽ ഇപ്പോഴും കവിത നിലനിർത്തിയിട്ടുണ്ട്​.

ഡാം എന്ന സിനിമയുടെ നിർമാതാവും സംവിധായകനുമായ ഇദ്ദേഹം വർഷങ്ങളായി യു.എ.ഇ കേന്ദ്രീകരിച്ച്​ വ്യവസായങ്ങൾ നടത്തിവരികയാണ്​. ഒരു ഇന്ത്യൻ രൂപ ഒരു ഡോളറിന്​ തുല്യമാക്കുമെന്ന സുബ്രഹ്​മണ്യൻ സ്വാമിയുടെ ആശയത്തി​​​െൻറ പ്രചാരകനുമായിരുന്നു. സമൂഹമാധ്യമങ്ങളിലൂടെ വൈരം പരത്തുന്നവർക്കെതിരെ കഴിഞ്ഞ ദിവസം അറബ്​ ലോകത്തെ പ്രമുഖർ ശബ്​ദമുയർത്തിയതിനു പിന്നാലെയാണ്​ വിദ്വേഷം പരത്തുന്ന ഇൗ കവിതക്കെതിരെയും പ്രതിഷേധമുയരുന്നത്​.