ചൂട്​ കനത്തു, മുൻകരുതൽ നിർബന്ധം

ദുബൈ:  യു.എ.ഇയുടെ പല ഭാഗങ്ങളിലും താപനില 50 ഡി​ഗ്രിയോടടുത്ത സാഹചര്യത്തിൽ കടുത്ത ചൂടു മൂലമുണ്ടാവുന്ന പ്രയാസങ്ങളെ നേരിടാൻ പ്രതിരോധ മാർഗങ്ങൾ നിർബന്ധമാവുന്നു. മെസൈറയിൽ ബുധനാഴ്​ച 49.6 ചൂടാണ്​ രേഖപ്പെടുത്തിയത്​. വാരാന്ത്യത്തിൽ ചൂട്​ കൂടുമെന്നാണ്​ കാലാവസ്​ഥാ ഗവേഷണ കേന്ദ്രം നൽകുന്ന സൂചന.  ഇനി ആഗസ്​റ്റ്​ അവസാനം വരെ ചൂട്​ ഉയർന്ന നിലയിൽ തുടരുകയും ചെയ്യും.  

ചൂടിൽ പുറത്തിറങ്ങുന്നവർ മികച്ച മുൻകരുതലുകൾ സ്വീകരിക്കണമെന്ന്​ വിദഗ്​ധർ  മുന്നറിയിപ്പ്​ നൽകുന്നു. നോമ്പുകാലമാകയാൽ എളുപ്പം ജലനഷ്​ടം സംഭവിക്കാൻ ഇത്​ ഇടയാക്കും. ചൂട്​ കടുക്കുന്ന ഉച്ച നേരങ്ങളിൽ കഴിയുന്നത്ര പുറത്തിറങ്ങാതിരിക്കാനാണ്​ നിർദേശം. കുഞ്ഞുങ്ങളുമായി പുറത്തിറങ്ങുന്നതിനെ ശക്​തമായി നിരുൽസാഹപ്പെടുത്തുന്നുമുണ്ട്​. കോട്ടൻ, ലിനൻ വസ്​ത്രങ്ങൾ ധരിക്കുന്നതാണ്​  നല്ലത്​. പുറത്തു പോകു​േമ്പാൾ മുഖാവരണവും കൂളിംഗ്​ ഗ്ലാസുകളും കരുതണം. കുടയും തൊപ്പിയും ഉപ​േയാഗിക്കുന്നത്​ ഏറെ അഭികാമ്യം.

നോമ്പ്​ തുറന്ന ശേഷം വെള്ളവും പഴച്ചാറുകളും പഴങ്ങളും ധാരാളമായി ഉപയോഗിക്കണം. നോമ്പ്​ അനുഷ്​ഠിക്കാത്തവർ പുറത്തിറങ്ങും മുൻപ്​ കഴിയുന്നത്ര വെള്ളം കുടിക്കുകയും വെള്ളക്കുപ്പികൾ കരുതുകയും വേണം. ഉപ്പ്​ ചേർത്ത നാരങ്ങാ വെള്ളം കുടിക്കുന്നത്​ ഗുണകരമാണ്​. വെയിലിൽ യാത്ര ചെയ്​ത്​ അകത്തെത്തിയാലുടൻ കാലുകൾ തണുത്ത വെള്ളത്തിൽ കഴുകുന്നത്​ ശരീരം തണുപ്പിക്കാൻ സഹായിക്കും. എന്നാൽ ഉടനടി തണുത്ത വെള്ളം കുടിക്കുന്നത്​ ആരോഗ്യ പ്രശ്​നങ്ങൾക്ക്​ വഴിവെക്കും. ചർമ സംരക്ഷണത്തിന്​ സൺസ്​ക്രീൻ ലോഷനുകളോ പ്രകൃതി ദത്ത ഒൗഷധക്കൂട്ടുകളോ ഉപയോഗിക്കണം.