യു.എ.ഇ പൗരന്മാർക്ക് ലെബനനിലേക്ക് യാത്ര ചെയ്യാൻ അനുമതി

അബൂദബി: യു.എ.ഇ സ്വദേശികൾക്ക് സഹോദര രാജ്യമായ ലെബനനിലേക്ക് യാത്ര ചെയ്യുന്നതിനുള്ള വിലക്ക് നീക്കിയതായി വിദേശകാര്യ മന്ത്രാലയം അറിയിച്ചു. ജൂൺ 29 തിങ്കളാഴ്ച മുതൽ ഈ അനുമതി നിലവിൽ വന്നു.ലെബനനിലേക്ക് പോകുന്നതിന് മുൻപ് ഗവൺമെന്റിന്റെ 'തവാജുദി' സേവനത്തിൽ നിർബന്ധമായും രജിസ്റ്റർ ചെയ്യണമെന്ന് മന്ത്രാലയം നിർദേശിച്ചു. ഈ രജിസ്ട്രേഷൻ പൂർത്തിയാക്കാതെ യു.എ.ഇയിലെ വിമാനത്താവളങ്ങൾ വഴിയോ മറ്റ് അതിർത്തികൾ വഴിയോ യാത്രക്കാരെ രാജ്യം വിടാൻ അനുവദിക്കില്ല.