യു.എ.ഇയും ചൈനയും 13 കരാറുകളിൽ ഒപ്പിട്ടു

അബൂദബി: ചൈനീസ്​ പ്രസിഡൻറ്​ ഷി ചിൻപിങി​​െൻറ സന്ദർശനത്തോടനുബന്ധിച്ച്​ യു.എ.ഇയും ചൈനയും 13 കരാറുകളിൽ ഒപ്പിട്ടു. അബൂദബിയിൽ പ്രസിഡൻറി​​െൻറ കൊട്ടാരത്തിൽ നടന്ന ചടങ്ങിൽ ഉൗർജം, സാമ്പത്തികം, കൃഷി, ഇ കൊമേഴ്​സ്​ തുടങ്ങി വിവിധ മേഖലകളിലെ സഹകരണം ഉദ്ദേശിച്ചുള്ള കരാറുകളിലാണ്​ ഇരു രാജ്യങ്ങളും ഒപ്പിട്ടത്​.  ഒരു മണിക്കൂർ നീണ്ട ചർച്ചയിൽ ബന്ധം ശക്തിപ്പെടുത്തുന്നതിനെക്കുറിച്ചും അന്താരാഷ്​ട്ര തലത്തിലും മേഖലയിലും ഇരുവർക്കും താൽപര്യമുള്ള വിഷയങ്ങളിലും ചർച്ച നടന്നു. 

ഇരു രാജ്യങ്ങളും തമ്മിൽ വിവിധ തലങ്ങളിലുള്ള സഹകരണത്തിന്​ ശക്തമായ അടിത്തറയാണിട്ടിരിക്കുന്നതെന്ന്​ യു.എ.ഇ. വൈസ്​ ​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​​ ആൽ മക്തും പറഞ്ഞു. ശൈഖ്​ സായിദ്​ മുൻകൈയ്യെടുത്ത്​  28 വർഷം മുമ്പ്​ സ്​ഥാപിച്ച യു.എ.ഇ. ^ചൈന ബന്ധത്തിലെ നിർണ്ണായക നാഴികക്കല്ലാണ്​ ഇപ്പോൾ നടക്കുന്ന ചർച്ചയെന്ന്​ അദ്ദേഹം ചൂണ്ടിക്കാട്ടി.  
എംബസികളും മറ്റ്​ കെട്ടിടങ്ങളും സാംസ്​ക്കാരിക കേന്ദ്രങ്ങളും സ്​ഥാപിക്കുന്നതിനായി രണ്ട്​ ധാരണാ പത്രങ്ങളിൽ​ ഒപ്പിട്ടിട്ടുണ്ട്​.

ഇത്​ സംബന്ധിച്ച്​ ഇരു രാജ്യങ്ങളുടെയും വിദേശകാര്യ മന്ത്രാലയങ്ങളാണ്​ ധാരണയിലെത്തിയത്​. ഉൗർജ്ജ രംഗത്തെ സഹകരണത്തിന്​ യു.എ.ഇ. ഉൗർജ്ജ മന്ത്രാലയവും ചൈനയിലെ ദേശീയ ഉൗർജ്ജ കമ്മീഷനും ധാരണയുണ്ടാക്കി. ഇ കൊമേഴ്​സ്​ രംഗത്തെ സഹകരണത്തിനും ​ൈചനയിലെ അന്താരാഷ്​ട്ര ഇംപോർട്ട്​ എക്​സ്​പോയിലെ പങ്കാളിത്തത്തിനുമുള്ള രണ്ട്​ കരാറുകളിൽ യു.എ.ഇ. ധനമന്ത്രാലയവും ചൈനയിലെ വാണിജ്യ മന്ത്രാലയവുമാണ്​ ഒപ്പിട്ടത്​. 
കാർഷക രംഗത്തെ സഹകരണമാണ്​ കരാറുകളിൽ പ്രധാനയിനങ്ങളിലൊന്ന്​. കാർഷികോൽപ്പന്നങ്ങളുടെയും മൽസ്യ മാംസ വ്യാപാരത്തി​​െൻറയും മൊത്തവ്യാപാര വിപണി സ്​ഥാപിക്കുന്നതിനും ധാരണയായിട്ടുണ്ട്​. യു.എ.ഇ. പരിസ്​ഥിതി കാലാവസ്​ഥാ വ്യതിയാന വകുപ്പും ചൈനീസ്​ കൃഷി വകുപ്പുമാണ്​ ഇൗ കരാറുകൾ ഒപ്പിട്ടത്​. 

സിൽക്ക്​ റൂട്ട്​ പദ്ധതിയുമായി ബന്ധപ്പെട്ട കരാറുകളിലും ഇരു രാജ്യത്തി​​െൻറയും പ്രതിനിധികൾ ഒപ്പുവെച്ചു. ലോകത്തെ ഏറ്റവും വലിയ സൗരോർജ പദ്ധതി, കസ്​റ്റംസ്​ ​പ്രശ്​നങ്ങളിലെ സഹകരണം, ബെൽറ്റ്​ ആൻറ്​ റോഡ്​ പദ്ധതി എന്നിവയുമായി ബന്​ധപ്പെട്ട കരാറുകളും ഒപ്പുവെക്കപ്പെട്ടു.
അബൂദബി നാഷണൽ ഒായിൽ കമ്പനി ( അഡ്​നോക്​) എണ്ണപര്യവേഷണത്തിന്​ ചൈന നാഷണൽ പെട്രോളിയം കമ്പനിയുമായി കരാർ ഉണ്ടാക്കിയിട്ടുണ്ട്​. എണ്ണ ഉൽപാദക മേഖലയിൽ വിദേശ നിക്ഷേപം ആകർഷിക്കാനും സഹകരണം വർധിപ്പിക്കാനുമുള്ള അഡ്​നോക്കി​​െൻറ പദ്ധതികളുടെ ഭാഗമാണ്​ ഇൗ കരാർ. ചൈന സർക്കാരി​​െൻറ ഉടമസ്​ഥതയിലുള്ള ഇൻഡസ്​ട്രിയൽ കപാസിറ്റി കോ ^ഒാപറേഷൻ ഫിനാൻഷ്യൽ ​ഗ്രൂപ്പ്​ അബൂദബിയുടെ ഫിനാൻസ്​ ഹബ്ബിൽ പ്രവർത്തനം തുടങ്ങാനുള്ള തീരുമാനവുമെടുത്തിട്ടുണ്ട്​. യു.എ.ഇ.^ ൈചന സാമ്പത്തിക ഫോറവും വെള്ളിയാഴ്​ച രാത്രി ചേർന്നു.  ത്രിദിന സന്ദർശനത്തിനായി വ്യാഴാഴ്​ച ൈവകിട്ടാണ്​ ചൈനീസ്​ പ്രസിഡൻറി​​െൻറ നേതൃത്വത്തിലുള്ള പ്രതിനിധി സംഘം യു.എ.ഇയിലെത്തിയത്​. സെനഗൽ, റുവാണ്ട, ദക്ഷിണാഫ്രിക്ക എന്നീ രാജ്യങ്ങൾ സന്ദർശിക്കാനായി ചൈനീസ്​ സംഘം ശനിയാഴ്​ച യൂ.എ.ഇയിൽ നിന്ന്​ പുറപ്പെടും.