സ്ഥാ​പ​ക നേ​താ​ക്ക​ളെ ആ​ദ​രി​ച്ച്​ സ്വ​ർ​ണ, വെ​ള്ളി നാ​ണ​യ​ങ്ങ​ൾ

ദു​ബൈ: രാ​ഷ്ട്ര സ്ഥാ​പ​ക നേ​താ​ക്ക​ളാ​യ ശൈ​ഖ്​ സാ​യി​ദ്​ ബി​ൻ സു​ൽ​ത്താ​ൻ ആ​ൽ ന​ഹ്​​യാ​നെ​യും ശൈ​ഖ്​ റാ​ശി​ദ്​ ബി​ൻ സ​ഈ​ദ്​ ആ​ൽ മ​ക്​​തൂ​മി​നെ​യും ആ​ദ​രി​ച്ച്​ സ്വ​ർ​ണ, വെ​ള്ളി നാ​ണ​യ​ങ്ങ​ൾ പു​റ​ത്തി​റ​ക്കി സെ​ൻ​ട്ര​ൽ ബാ​ങ്ക്​ ഓ​ഫ്​ യു.​എ.​ഇ. രാ​ഷ്​​ട്ര സ്ഥാ​പ​ന​ത്തി​ലും ദേ​ശീ​യ സ്വ​ത്വം ശ​ക്തി​പ്പെ​ടു​ത്തു​ന്ന​തി​ലും ഇ​രു​വ​രും വ​ഹി​ച്ച പ​ങ്കി​നെ അ​ട​യാ​ള​പ്പെ​ടു​ത്തു​ന്ന​തി​ന്​ കൂ​ടി​യാ​ണ്​ നാ​ണ​യ​ങ്ങ​ൾ പു​റ​ത്തി​റ​ക്കി​യ​ത്.

രാ​ജ്യ​ത്തി​ന്‍റെ സ്ഥാ​പ​ന​ത്തി​ൽ നി​ർ​ണാ​യ​ക പ​ങ്കു​വ​ഹി​ച്ച അ​ബൂ​ദ​ബി ഭ​ര​ണാ​ധി​കാ​രി​യാ​യി​രു​ന്ന ശൈ​ഖ്​ സാ​യി​ദ്​ ആ​ദ്യ യു.​എ.​ഇ പ്ര​സി​ഡ​ന്‍റും ദു​ബൈ ഭ​ര​ണാ​ധി​കാ​രി​യാ​യി​രു​ന്ന ​ശൈ​ഖ്​ റാ​ശി​ദ്​ ആ​ദ്യ വൈ​സ്​ പ്ര​സി​ഡ​ന്‍റു​മാ​യി​രു​ന്നു. രാ​ജ്യ​ത്തി​ന​ക​ത്തും പു​റ​ത്തും എ​ല്ലാ​വ​രാ​ലും ആ​ദ​രി​ക്ക​പ്പെ​ടു​ന്ന വ്യ​ക്തി​ത്വ​ങ്ങ​ളാ​യ ഇ​രു​വ​രും പ​ര​സ്പ​രം ആ​ശ്ലേ​ഷി​ക്കു​ന്ന ചി​ത്ര​മാ​ണ്​ നാ​ണ​യ​ങ്ങ​ളി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

സ്വ​ർ​ണ നാ​ണ​യ​ത്തി​ന്​ 40 ഗ്രാം ​തൂ​ക്ക​വും 40 മി.​മീ​റ്റ​ർ വ്യാ​സ​വു​മാ​ണു​ള്ള​ത്. ഇ​തി​ന്‍റെ മു​ൻ​ഭാ​ഗ​ത്താ​ണ്​ സ്ഥാ​പ​ക നേ​താ​ക്ക​ളു​ടെ ചി​ത്രം ആ​ലേ​ഖ​നം ചെ​യ്തി​ട്ടു​ള്ള​ത്. മ​റു​ഭാ​ഗ​ത്ത്​ ദേ​ശീ​യ ചി​ഹ്നം, അ​റ​ബി​യി​ലും ഇം​ഗ്ലീ​ഷി​ലും സെ​ൻ​ട്ര​ൽ ബാ​ങ്കി​ന്‍റെ പേ​ര്​ എ​ന്നി​വ​യും രേ​ഖ​പ്പെ​ടു​ത്തി​യി​ട്ടു​ണ്ട്.

സെ​ൻ​ട്ര​ൽ ബാ​ങ്കി​ന്‍റെ അ​ബൂ​ദ​ബി​യി​ലെ ആ​സ്ഥാ​ന​ത്തു​നി​ന്ന്​ മാ​ത്ര​മാ​ണ് ഈ ​നാ​ണ​യം വാ​ങ്ങാ​ൻ സാ​ധി​ക്കു​ക. വെ​ള്ളി നാ​ണ​യം സ്വ​ർ​ണ​ത്തേ​ക്കാ​ൾ അ​ൽ​പം വ​ലു​താ​ണ്. 50 ഗ്രാം ​തൂ​ക്ക​വും 50 മി.​മീ​റ്റ​ർ​ വ്യാ​സ​വു​മാ​ണു​ള്ള​ത്. മു​ൻ​ഭാ​ഗ​ത്ത്​ നേ​താ​ക്ക​ളു​ടെ ചി​ത്ര​വും പി​റ​കി​ൽ ദേ​ശീ​യ ചി​ഹ്ന​ത്തി​നും ബാ​ങ്ക്​ നാ​മ​ത്തി​നു​മൊ​പ്പം ‘സ്മാ​ര​ക നാ​ണ​യം’ എ​ന്ന്​ അ​റ​ബി​യി​ൽ ആ​ലേ​ഖ​നം ചെ​യ്തി​ട്ടു​മു​ണ്ട്. സെ​ൻ​ട്ര​ൽ ബാ​ങ്കി​ന്‍റെ വെ​ബ്​​സൈ​റ്റ്​ വ​ഴി വെ​ള്ളി നാ​ണ​യം വാ​ങ്ങാ​നും സൗ​ക​ര്യ​മു​ണ്ട്. സ്ഥാ​പ​ക നേ​താ​ക്ക​ൾ അ​വ​ശേ​ഷി​പ്പി​ച്ച ദേ​ശീ​യ പൈ​തൃ​ക​മാ​യ വി​ശ്വ​സ്ത​ത​യു​ടെ​യും ഉ​ൾ​ക്കൊ​ള്ള​ലി​ന്‍റെ​യും ആ​ശ​യ​ങ്ങ​ൾ പേ​റു​ന്ന സ്മാ​ര​ക നാ​ണ​യ​ങ്ങ​ൾ അ​ഭി​മാ​ന​പൂ​ർ​വ​മാ​ണ്​ പു​റ​ത്തി​റ​ക്കു​ന്ന​തെ​ന്ന്​ സെ​ൻ​ട്ര​ൽ ബാ​ങ്ക്​ ഗ​വ​ർ​ണ​ർ ഖാ​ലി​ദ്​ മു​ഹ​മ്മ​ദ്​ ബ​ലാ​മ പ​റ​ഞ്ഞു. രാ​ജ്യ​ത്തി​ന്‍റെ ഐ​ക്യ​ത്തി​ന്‍റെ​യും വി​ക​സ​ന​ത്തി​ന്‍റെ​യും മൂ​ല്യ​ങ്ങ​ൾ ഉ​റ​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ ന​ട​ക്കു​ന്ന ‘സാ​യി​ദ്​ റാ​ശി​ദ്​’ കാ​മ്പ​യി​നോ​ട​നു​ബ​ന്ധി​ച്ചാ​ണ്​ സം​രം​ഭം ന​ട​പ്പി​ലാ​ക്കി​യ​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.