യു.​എ.​ഇ ദേ​ശീ​യ പ​താ​ക ദി​നം ആ​ച​രി​ച്ചു

ദു​ബൈ: ച​തു​ർ​വ​ർ​ണ ശോ​ഭ​യി​ൽ യു.​എ.​ഇ ദേ​ശീ​യ പ​താ​ക​ദി​നം ആ​ച​രി​ച്ചു. രാ​ജ്യ​ത്തെ സ​ർ​ക്കാ​ർ സ്ഥാ​പ​ന​ങ്ങ​ളും വി​ദ്യാ​ഭ്യാ​സ സ്ഥാ​പ​ന​ങ്ങ​ളും മ​ന്ത്രാ​ല​യ മ​ന്ദി​ര​ങ്ങ​ളും തെ​രു​വു​ക​ളും വീ​ടു​ക​ളു​മെ​ല്ലാം ദേ​ശീ​യ പ​താ​ക​യാ​ൽ അ​ലം​കൃ​ത​മാ​യി. രാ​ജ്യ​ത്തി​ന്‍റെ ഐ​ക്യം വി​ളി​ച്ചോ​തി രാ​വി​ലെ 11ന്​ ​വി​വി​ധ ഭാ​ഗ​ങ്ങ​ളി​ൽ ദേ​ശീ​യ പ​താ​ക ഉ​യ​ർ​ത്തി. യു.​എ.​ഇ സേ​ന​യു​ടെ ആ​കാ​ശ അ​ഭ്യാ​സ​ങ്ങ​ളും അ​ര​ങ്ങേ​റി.

2004ല്‍ ​യു.​എ.​ഇ​യു​ടെ പ്ര​സി​ഡ​ന്‍റാ​യി ശൈ​ഖ്​ ഖ​ലീ​ഫ സ്ഥാ​ന​മേ​റ്റെ​ടു​ത്ത​തി​നോ​ട​നു​ബ​ന്ധി​ച്ച്​ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ് മു​ഹ​മ്മ​ദ് ബി​ന്‍ റാ​ശി​ദ്​ ആ​ൽ മ​ക്​​തൂ​മാ​ണ് 2013 മു​ത​ൽ​ പ​താ​ക​ദി​നം വി​ഭാ​വ​നം ചെ​യ്ത​ത്. എ​ല്ലാ എ​മി​റേ​റ്റു​ക​ളി​ലും വൈ​വി​ധ്യ​മാ​ർ​ന്ന പ​രി​പാ​ടി​ക​ൾ സം​ഘ​ടി​പ്പി​ച്ചു. വാ​ഹ​ന​ങ്ങ​ളും ദേ​ശീ​യ പ​താ​ക​യി​ൽ കു​ളി​ച്ച്​ നി​ന്നു. യു.​എ.​ഇ മു​ദ്ര​യു​ള്ള തൊ​പ്പി​ക​ള്‍, ടീ ​ഷ​ര്‍ട്ടു​ക​ള്‍, കീ​ച്ചെ​യി​ന്‍ തു​ട​ങ്ങി​യ ഉ​ല്‍പ​ന്ന​ങ്ങ​ളും വ്യാ​പ​ക​മാ​യി​രു​ന്നു. യു.​എ.​ഇ പൗ​ര​ന്മാ​രു​ടെ വീ​ടു​ക​ളും ദേ​ശീ​യ പ​താ​ക​യി​ൽ തി​ള​ങ്ങി​നി​ന്നു.

ദു​ബൈ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം ലൈ​ബ്ര​റി​യി​ൽ ശൈ​ഖ്​ മ​ൻ​സൂ​ർ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം പ​താ​ക ഉ​യ​ർ​ത്തി. അ​ബൂ​ദ​ബി പ്ര​സി​ഡ​ൻ​ഷ്യ​ൽ കോ​ർ​ട്ടി​ൽ യു.​എ.​ഇ ഉ​പ​പ്ര​ധാ​ന​മ​ന്ത്രി ശൈ​ഖ്​ മ​ൻ​സൂ​ർ ബി​ൻ സാ​യി​ദ്​ ആ​ൽ ന​ഹ്​​യാ​ൻ ദേ​ശീ​യ പ​താ​ക ഉ​യ​ർ​ത്തി. ജി.​ഡി.​ആ​ർ.​എ​ഫ്.​എ മു​ഖ്യ​കാ​ര്യാ​ല​യ​മാ​യ ജാ​ഫ​ലി​യ ഓ​ഫി​സ് ക​വാ​ട​ത്തി​ൽ ദി​നാ​ച​ര​ണ ച​ട​ങ്ങു​ക​ൾ സം​ഘ​ടി​പ്പി​ച്ചു. മേ​ധാ​വി ല​ഫ്റ്റ​ന​ന്‍റ്​ ജ​ന​റ​ൽ മു​ഹ​മ്മ​ദ് അ​ഹ്‌​മ​ദ്‌ അ​ൽ മ​ർ​റി ദേ​ശീ​യ പ​താ​ക ഉ​യ​ർ​ത്തി. തു​ട​ർ​ന്ന് എ​മി​ഗ്രേ​ഷ​ൻ ഉ​ദ്യോ​ഗ​സ്ഥ​രു​ടെ സൈ​നി​ക പ​രേ​ഡും ന​ട​ന്നു. ഡ​യ​റ​ക്ട​ർ ജ​ന​റ​ൽ സ​ല്യൂ​ട്ട് സ്വീ​ക​രി​ച്ചു.

1971ൽ ​അ​ബ്​​ദു​ല്ല അ​ൽ മാ​യ്​​ന​യാ​ണ്​ യു.​എ.​ഇ ദേ​ശീ​യ പ​താ​ക​ക്ക്​ രൂ​പം​ന​ൽ​കി​യ​ത്. അ​റ​ബ്​ ലോ​ക​ത്തി​ന്‍റെ ഐ​ക്യ​ത്തെ പ്ര​തി​നി​ധാ​നം ചെ​യ്ത്​ ച​വു​പ്പ്, വെ​ള്ള, ക​റു​പ്പ്, പ​ച്ച എ​ന്നീ നി​റ​ങ്ങ​ളാ​ണ്​ ദേ​ശീ​യ പ​താ​ക​ക്ക്​ ന​ൽ​കി​യി​രി​ക്കു​ന്ന​ത്. ദു​ബൈ എ​ക്സ്പോ ന​ഗ​രി, പൊ​ലീ​സ്​ ആ​സ്​​ഥാ​നം, ആ​ർ.​ടി.​എ ദു​ബൈ ഹെ​ൽ​ത്ത്​ ​അ​തോ​റി​റ്റി, അ​ബൂ​ദ​ബി എ​ക്സി​ക്യൂ​ട്ടി​വ്​ ഓ​ഫി​സ്​ തു​ട​ങ്ങി​യ സ്ഥ​ല​ങ്ങ​ളി​ലും പ​താ​ക ഉ​യ​ർ​ത്തി. ലോ​ക രാ​ജ്യ​ങ്ങ​ളി​ലെ നേ​താ​ക്ക​ളും യു.​എ.​ഇ ഭ​ര​ണാ​ധി​കാ​രി​ക​ളും ദേ​ശീ​യ പ​താ​ക ദി​ന​ത്തി​ൽ ആ​ശം​സ​യ​ർ​പ്പി​ച്ചു.