ഇന്ത്യൻ വ്യവസായ പ്രതിനിധി സംഘത്തിന്​ അബൂദബി ചേംബർ സ്വീകരണം നൽകി

അബൂദബി: ഇന്ത്യൻ വ്യവസായ കോൺഫെഡറേഷൻ പ്രസിഡൻറും അ​േപാളോ ഹോസ്​പിറ്റൽസ്​ വൈസ്​ ​െചയർ പേഴ്​സനുമായ ശോഭന കാമിനേനിയുടെ നേതൃത്വത്തിലുള്ള ഇന്ത്യൻ വ്യവസായ പ്രതിനിധി സംഘത്തിന്​ അബൂദബി ചേംബർ സ്വീകരണം നലകി. അബൂദബിയിൽ ചേംബർ ആസ്​ഥാനത്തായിരുന്നു സ്വീകരണം. 

ഇന്ത്യൻ പ്രധാനമന്ത്രി നരേന്ദ്ര മോദിയുടെ യു.എ.ഇ സന്ദർശനത്തിനും അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാ​​​െൻറ യു.എ.ഇ സന്ദർശനത്തിനും ശേഷം ഇരു രാഷ്​ട്രങ്ങളും തമ്മിലുള്ള സാമ്പത്തിക^വ്യാപാര ബന്ധം ശക്​തിപ്പെട്ടതായി സ്വീകരണ യോഗത്തിൽ ഇബ്രാഹിം മഹ്​മൂദ്​ ആൽ മഹ്​മൂദ്​ അഭിപ്രായപ്പെട്ടു. 
ഇരു രാജ്യങ്ങൾക്കുമിടയിലെ വ്യാപാര ബന്ധം കൂടുതൽ ശക്​തമാക്കുന്നതിൽ മറ്റൊരു നാഴികക്കല്ലായിരിക്കും ഉന്നതതല പ്രതിനിധി സംഘത്തി​​​െൻറ സന്ദർശനമെന്നും അദ്ദേഹം പറഞ്ഞു.

പ്രതിനിധി സംഘത്തി​​​െൻറ സന്ദർശനം വ്യാപാരം സംബന്ധിച്ച പ്രധാനപ്പെട്ട കാൽവെപ്പാണെന്നും ഇരു രാജ്യങ്ങൾക്കും നേട്ടമുണ്ടാകുന്ന വിധം കൂടുതൽ നിക്ഷേപാവസരങ്ങൾ തുറക്കുമെന്നും യു.എ.ഇയി​െല ഇന്ത്യൻ സ്​ഥാനപതി നവ്​ദീപ്​ സിങ്​ സൂരി പറഞ്ഞു. ശോഭന കാമിനേനി, അബൂദബി ചേംബർ ബോർഡ്​ അംഗംഎം.എ. യൂസഫലി തുടങ്ങിവരും സംസാരിച്ചു. 

മന്ത്രി ശൈഖ്​ നഹ്​യാനുമായി ചർച്ച നടത്തി
അബൂദബി: ഇന്ത്യൻ വ്യവസായ പ്രതിനിധി സംഘത്തെ നയിക്കുന്ന ശോഭന കാമിനേനി സാംസ്​കാരിക–വിജ്ഞാന വികസന വകുപ്പ് മന്ത്രി ശൈഖ് നഹ്​യാൻ ബിൻ മുബാറക് ആൽ നഹ്​യാനെ സന്ദർശിച്ച്​ ചർച്ച നടത്തി. ഇന്ത്യൻ സ്​ഥാനപതി നവ്​ദീപ്​ സിങ്​ സൂരി, അബൂദബി ചേംബർ ഒാഫ്​ കോമേഴ്​സ്​ ബോർഡ്​ അംഗങ്ങൾ, 40 കമ്പനികളുടെ പ്രതിനിധികൾ തുടങ്ങിയവരും സംബന്ധിച്ചു. 
ഇരു രാജ്യങ്ങൾക്കുമിടയിൽ പുതിയ വ്യാപാര മേഖലകൾ ആരംഭിക്കാനും വ്യാപാര ബന്ധം ശക്​തിപ്പെടുത്താനും ഇൗ സന്ദർശനം കാരണമാകുമെന്ന്​ മന്ത്രി അഭിപ്രായപ്പെട്ടു.