മ​ത്സ​ര​ക്ഷ​മ​ത​യി​ൽ യു.​എ.​ഇ മു​ൻ​നി​ര​യി​ൽ

ദു​ബൈ: മ​ത്സ​ര​ക്ഷ​മ​ത​യി​ൽ ലോ​ക​ത്തെ മു​ൻ​നി​ര രാ​ജ്യ​ങ്ങ​ളി​ൽ ഉ​ൾ​​പ്പെ​ട്ട്​ യു.​എ.​ഇ. ആ​ഗോ​ള ത​ല​ത്തി​ൽ ഇ​ക്കാ​ര്യ​ത്തി​ൽ ഏ​റ്റ​വും മു​ന്നി​ൽ നി​ൽ​ക്കു​ന്ന ആ​ദ്യ അ​ഞ്ചു രാ​ജ്യ​ങ്ങ​ളി​ലാ​ണ്​ ഉ​ൾ​പ്പെ​ട്ടി​രി​ക്കു​ന്ന​ത്. ക​ഴി​ഞ്ഞ ദി​വ​സം ന​ട​ന്ന യു.​എ.​ഇ മ​ന്ത്രി​സ​ഭ യോ​ഗ​ത്തി​ലാ​ണ്​ ഇ​ത്​ സം​ബ​ന്ധി​ച്ച റി​പ്പോ​ർ​ട്ട്​ ച​ർ​ച്ച ചെ​യ്ത​ത്. അ​ബൂ​ദ​ബി​യി​ലെ ഖ​സ്​​ർ അ​ൽ വ​ത്നി​ലാ​ണ്​ യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ അ​ധ്യ​ക്ഷ​ത​യി​ൽ മ​ന്ത്രി​സ​ഭ യോ​ഗം ന​ട​ന്ന​ത്.വേ​ൾ​ഡ് കോം​പ​റ്റി​റ്റീ​വ്‌​നെ​സ് സെ​ന്റ​റാ​ണ്​ 2025 ലെ ​വാ​ർ​ഷി​ക മ​ത്സ​ര​ക്ഷ​മ​ത റി​പ്പോ​ർ​ട്ട്​ പു​റ​ത്തി​റ​ക്കി​യ​ത്. റി​പ്പോ​ർ​ട്ട്​ പ്ര​കാ​രം സാ​മ്പ​ത്തി​ക മ​ത്സ​ര​ശേ​ഷി, സ​ർ​ക്കാ​ർ കാ​ര്യ​ക്ഷ​മ​ത, നി​യ​മ​നി​ർ​മ്മാ​ണ ക​രു​ത്ത്, ബി​സി​ന​സ് അ​ന്ത​രീ​ക്ഷം എ​ന്നി​വ​യി​ൽ യു.​എ.​ഇ ആ​ഗോ​ള​ത​ല​ത്തി​ൽ അ​ഞ്ചാം സ്ഥാ​ന​ത്താ​ണു​ള്ള​ത്. ഏ​റ്റ​വും ഉ​യ​ർ​ന്ന റാ​ങ്കി​ങ്​ നേ​ടി​യ രാ​ജ്യം സ്വി​റ്റ്സ​ർ​ല​ൻ​ഡാ​ണ്.

സിം​ഗ​പ്പൂ​ർ, ഹോ​ങ്കോം​ഗ്, ഡെ​ൻ​മാ​ർ​ക്ക് എ​ന്നി​വ​യാ​ണ്​ ആ​ദ്യ നാ​ല് സ്ഥാ​ന​ങ്ങ​ളി​ൽ ഇ​ടം നേ​ടി​യ മ​റ്റു രാ​ജ്യ​ങ്ങ​ൾ.16 വ​ർ​ഷ​ങ്ങ​ൾ​ക്ക് മു​മ്പ് മ​ത്സ​ര​ക്ഷ​മ​ത കേ​ന്ദ്രം സ്ഥാ​പി​ക്കു​ക​യും ഏ​റ്റ​വും പ്ര​ധാ​ന​പ്പെ​ട്ട ദേ​ശീ​യ സ്ഥാ​പ​ന​ങ്ങ​ളു​ടെ ശ്ര​മ​ങ്ങ​ൾ കാ​ര്യ​ക്ഷ​മ​മാ​ക്കു​ക​യും ചെ​യ്തു​വെ​ന്നും, ഈ ​ശ്ര​മ​ങ്ങ​ളി​ലൂ​ടെ 2009ൽ ​ആ​ഗോ​ള​ത​ല​ത്തി​ലെ 28ാം സ്ഥാ​ന​ത്ത് നി​ന്ന് യു.​എ.​ഇ ലോ​ക​ത്തി​ലെ ഏ​റ്റ​വും മ​ത്സ​രാ​ധി​ഷ്ഠി​ത​മാ​യ അ​ഞ്ച് രാ​ജ്യ​ങ്ങ​ളി​ലേ​ക്ക് ഉ​യ​ർ​ന്നു​വെ​ന്നും ​ശൈ​ഖ്​ മു​ഹ​മ്മ​ദ്​ എ​ക്സ്​ അ​ക്കൗ​ണ്ടി​ൽ കു​റി​ച്ചു.ക​ഴി​ഞ്ഞ വ​ർ​ഷ​ത്തേ​ക്കാ​ൾ ര​ണ്ട്​ സ്ഥാ​ന​ങ്ങ​ളാ​ണ്​ യു.​എ.​ഇ മു​ന്നേ​റി​യി​ട്ടു​ള്ള​ത്. 1,800 സ്വ​ദേ​ശി​ക​ൾ​ക്ക്​ വേ​ണ്ടി​യു​ള്ള 120കോ​ടി ദി​ർ​ഹ​മി​ന്‍റെ ഭ​വ​ന സ​ഹാ​യ പ​ദ്ധ​തി​ക്കും മ​ന്ത്രി​സ​ഭ അം​ഗീ​കാ​രം ന​ൽ​കി.യു.​എ.​ഇ പാ​സ് ഡി​ജി​റ്റ​ൽ ഐ​ഡ​ന്റി​റ്റി സം​വി​ധാ​നം ഉ​പ​യോ​ഗി​ക്കു​ന്ന ആ​ളു​ക​ളു​ടെ എ​ണ്ണ​വും യോ​ഗം അ​വ​ലോ​ക​നം ചെ​യ്തു.സം​വി​ധാ​ന​ത്തി​ൽ ര​ജി​സ്റ്റ​ർ ചെ​യ്ത ഉ​പ​യോ​ക്താ​ക്ക​ളു​ടെ എ​ണ്ണം 1.1കോ​ടി​യാ​ണ്. 60കോ​ടി​യി​ല​ധി​കം ലോ​ഗി​നും ഉ​ണ്ടാ​യി​ട്ടു​ണ്ട്. സേ​വ​നം ഇ​പ്പോ​ൾ 13ല​ധി​കം സ​ർ​ക്കാ​ർ സ്ഥാ​പ​ന​ങ്ങ​ളെ ബ​ന്ധി​പ്പി​ക്കു​ന്നു​വെ​ന്ന് ശൈ​ഖ്​ മു​ഹ​മ്മ​ദ് പ​റ​ഞ്ഞു. ക​ള്ള​പ്പ​ണം വെ​ളു​പ്പി​ക്ക​ൽ ത​ട​യു​ന്ന​തി​നു​ള്ള രാ​ജ്യ​ത്തി​ന്റെ ശ്ര​മ​ങ്ങ​ളു​ടെ പു​നഃ​സം​ഘ​ട​ന​ക്കും ചൊ​വ്വാ​ഴ്ച​ത്തെയോ​ഗം അം​ഗീ​കാ​രം ന​ൽ​കി.