യു.എ.ഇയുടെ അഞ്ച്​ വർഷത്തെ മൾട്ടിപ്പ്​ൾ എൻട്രി വിസ എങ്ങിനെ ലഭിക്കും?

660 ദിർഹമിന്​ അഞ്ച്​ വർഷത്തെ മൾട്ടിപ്പ്​ൾ എൻട്രി വിസ യു.എ.ഇ പ്രഖ്യാപിച്ചതോടെ നിരവധി പ്രവാസികളാണ്​ അപേക്ഷിക്കാൻ ​ശ്രമിക്കുന്നത്​. മൂന്ന്​ മാസത്തെ വിസക്ക്​ പോലും 750 ദിർഹമിന്​ മുകളിൽ നൽകേണ്ട അവസ്​ഥയുള്ളപ്പോഴാണ്​ കുറഞ്ഞ നിരക്കിൽ അഞ്ച്​ വർഷ വിസ നൽകുന്നത്​. വിസ ആദ്യമായി സ്വന്തമാക്കിയ മലയാളികളിൽ ഒരാളും സൗദി പ്രവാസിയുമായ മുഹമ്മദ്​ ഇബ്രാഹിം വിസ എടുത്തത്​ എങ്ങിനെയാണെന്ന്​ വിശദീകരിക്കുന്നു.

കഴിഞ്ഞ മാസം 30നാണ്​ വിസ എടുക്കാനായി ആദ്യമായി ശ്രമിച്ചത്​. smartservices.ica.gov.ae എന്ന്​ വെബ്​സൈറ്റ്​ വഴി ശ്രമിച്ചെങ്കിലും നടന്നില്ല (ദുബൈ വിസ ആവശ്യമുള്ളവർ www.gdrfad.gov.ae എന്ന സൈറ്റ് വഴിയാണ്​ അപേക്ഷിക്കേണ്ടത്​). രണ്ട്​ ദിവസം തുടർച്ചയായി ശ്രമിച്ചപ്പോഴാണ്​ സൈറ്റിൽ പ്രവേശിക്കാൻ കഴിഞ്ഞത്​. ഇ-തിൽ ഇ -ചാനൽ എന്ന ഓപ്​ഷൻ വഴിയാണ്​ പ്രവേശിച്ചാൽ വിവിധ വിസകൾക്ക്​ അപേക്ഷിക്കാൻ കഴിയും. ഫൈവ്​ ഇയർ മൾട്ടിപ്പ്​ൾ എൻട്രി വിസ എന്നതും ഇവിടെ കാണാം. ഇതിലാണ്​ അപേക്ഷിക്കേണ്ടത്​. ഇതിന്​ മുൻപ്​ നാല്​ ഡോക്യുമെൻറുകൾ കരുതണം. പാസ്​പോർട്ട്​ സൈസ്​ ഫോ​ട്ടോ, പാസ്​പോർട്ട്​, ആറ്​ മാസത്തെ ബാങ്ക്​ സ്​റ്റേറ്റ്​മെൻറ്​, ഇൻഷുറൻസ്​ എന്നിവയുടെ സ്​കാൻ ചെയ്​ത കോപ്പ​ിയോ പി.ഡി.എഫോ അപ്​ലോഡ്​ ചെയ്യണം.

താമസിക്കുന്ന രാജ്യത്തെ ബാങ്കിലെ ആറ്​ മാസത്തെ സ്​റ്റേറ്റ്​മെൻറാണ്​ സമർപ്പി​ക്കേണ്ടത്​. മൂന്ന്​ ലക്ഷം രൂ​പക്ക്​ സമാനമായ തുക ആറ്​ മാസത്തിനിടെ അക്കൗണ്ടിൽ ഉണ്ടായിരിക്കണം. ഓൺലൈൻ വഴി ലഭിക്കുന്ന സ്​റ്റേറ്റ്​മെൻറ്​ മതി. ബാങ്കിൽ പോയി നേരിട്ട്​ സീൽ ചെയ്​ത്​ വാങ്ങണമെന്നില്ല. ഇൻറർനാഷനൽ ട്രാവൽ ഇൻഷ്വറൻസി​െൻറ കോപ്പിയും വേണം. ഇത്​ ഇൻഷ്വറൻസ്​ കമ്പനിയുടെ വെബ്​സൈറ്റിൽ നിന്ന്​ ലഭിക്കും. ഒമ്പത്​ മാസം കൂടി കാലാവധിയുള്ള ഇൻഷുറൻസ്​ സർട്ടിഫിക്കറ്റാണ്​ ഞാൻ സമർപ്പിച്ചത്​. യു.എ.ഇയിലെ പരിചയക്കാരുടെ മേൽവിലാസവും ചോദിക്കുന്നുണ്ട്​. യു.എ.ഇയിൽ എത്തിയാൽ താമസിക്കാൻ ഉദ്ദേശിക്കുന്ന ഹോട്ടലി​െൻറ വിലാസമാണ്​ നൽകിയത്​.

വിവരങ്ങൾ അപ്​ലോഡ്​ ചെയ്​താൽ പണം അടക്കാൻ കഴിയും. ക്രെഡിറ്റ്​കാർഡ്​ ഉപയോഗിച്ച്​ ഓൺലൈൻ വഴി പണം അടക്കാം. 660 ദിർഹമാണ്​ അടച്ചത്​. സബ്​മിറ്റ്​ ചെയ്യുന്നതോടെ രജിസ്​ട്രേഷൻ നമ്പർ ലഭിക്കും. ഇത്​ ഉപയോഗിച്ച്​ തുടർ ദിവസങ്ങളിൽ നമ്മുടെ വിസ സ്​റ്റാറ്റസ്​ അറിയാൻ കഴിയും. അപ്രൂവ്​ എന്ന്​ കാണുന്നുണ്ടെങ്കിൽ അതിനടുത്തുള്ള ഐക്കണിൽ ക്ലിക്ക്​ ചെയ്​ത്​ വിസ പ്രിൻറ്​ എടുക്കാം. വിസ ഏതെങ്കിലും കാരണവശാൽ റദ്ദാക്കപ്പെട്ടാൽ 500 ദിർഹം തിരികെ കിട്ടും എന്നാണ്​ മനസിലാകുന്നത്​. ഈ വിസ ഉപയോഗിച്ചുള്ള ആദ്യ യാത്ര 22ന്​ നടത്തണ​ം എന്ന്​ കരുതുന്നു. ഇടക്കിടെ യു.എ.ഇയിൽ എത്തുന്ന എന്നെപോലുള്ളവർക്ക്​ വളരെ ഉപകാരപ്രദമാണ്​ ഈ വിസ. ഒരു വർഷത്തിൽ എത്ര തവണ വരാം എന്നതിനെ കുറിച്ച്​ അവ്യക്​തത നിലനിൽക്കുന്നുണ്ട്​. ദുബൈയിൽ വന്ന്​ മടങ്ങുന്നതോ​െട ഇക്കാര്യത്തിലും വ്യക്​തത ഉണ്ടാകുമെന്ന്​ കരുതുന്നു.