ജി.സി.സിക്ക് പുറമേ സൗദിയും യു.എ.ഇയും പുതിയ കൂട്ടായ്മക്ക്

ദുബൈ: ഗൾഫ് രാജ്യങ്ങളുടെ കൂട്ടായ്മായ ഗൾഫ് കോപറേഷൻ കൗൺസിലിന് (ജി.സി.സി) പുറമേ സൗദി അറേബ്യയും യു.എ.ഇയും പുതിയ സൈനിക വ്യാപാര സഖ്യം രൂപീകരിക്കും. സൈനിക-സാമ്പത്തിക-രാഷ്ട്രീയ-വ്യാപാര-സാംസ്കാരിക മേഖലകളിൽ സഹകരിക്കാനും ഏകോപിച്ച് നടത്താനും യു.എ.ഇയും സൗദിയും ധാരണയിലെത്തിയതായി യു.എ.ഇ വിദേശകാര്യമാന്ത്രാലയം പുറത്തിറക്കിയ പ്രസ്താവനയിൽ പറയുന്നു. 

ഖത്തർ, ബഹ്റൈൻ, ഒമാൻ, കുവൈറ്റ് എന്നിവയാണ് ജി.സി.സിയിലെ മറ്റ് അംഗരാജ്യങ്ങൾ. ഖത്തറിനെതിരായ ഉപരോധം ജി.സി.സിയിൽ പ്രതിസന്ധി സൃഷ്ടിച്ചിരുന്നു. അതേസമയം ഇന്ന് കുവൈറ്റിൽ ജി.സി.സി വാർഷിക ഉച്ചകോടി നടന്നിരുന്നു.