മലയാളി മരിച്ച കേസിൽ 47 ലക്ഷം നഷ്​ടപരിഹാരം;  തുക വാങ്ങാനിരുന്ന മാതാവും അപകടത്തിൽ മരിച്ചു

ദുബൈ:  മലയാളി യുവാവ്​ വാഹനാപകടത്തിൽ മരിച്ച കേസിൽ 2.70 ലക്ഷം ദിർഹം (ഏ​കദേശം 47 ലക്ഷം രൂപ)നഷ്​ടപരിഹാരം നൽകാൻ വിധി. എന്നാൽ തുക ലഭിക്കും മുമ്പ്​ യുവാവി​​​​​െൻറ മാതാവ്​ നാട്ടിൽ വാഹനാപകടത്തിൽ മരിച്ചു.  2012 റാസൽഖൈമയിലുണ്ടായ വാഹനാപകടത്തിൽ ഒരേ നാട്ടുകാരായ മൂന്ന്​ യുവാക്കൾ മരണപ്പെട്ടിരുന്നു. 

കൊല്ലം കരുനാഗപ്പള്ളി താലൂക്കിൽ ആദിനാട്​ തെക്ക്​​ നെടിയത്ത്​ പടിക്കത്തിൽ  പരേതനായ അബ്​ദുറഹ്​മാ​ൻ കുഞ്ഞി​​​​​െൻറയും സുബൈദാബീവിയുടെയും 22 വയസുള്ള ഹാഷിമും ഇതിലുൾപ്പെടുന്നു. റാസൽഖൈമയിലെ ഒരു മൊബൈൽകടയിലെ വിസയിലെത്തി അഞ്ചാമത്തെ ദിവസമാണ്​ റാസൽഖൈമ^ ദുബൈ റോഡിൽ ഹാഷിമും സൃഹൃത്തുക്കളും മരണപ്പെട്ടത്​. സുബൈദാ ബീവിയുടെ ഏക സന്താനമായിരുന്നു ഹാഷിം . മക​​​​​െൻറ മരണശേഷം മാനസികമായി തളർന്ന  അവസ്​ഥയിലായിരുന്നു സുബൈദ ബീവി.

പിന്നീട്​ സുബൈദാ ബീവിയും ഹാഷിമി​​​​​െൻറ പിതാവി​​​​​െൻറ ആദ്യഭാര്യയിലുള്ള മക്കളും ചേർന്ന്​ ദുബൈ അൽക്കബ്ബാൻ അസോസിയേറ്റ്​സിലെ സീനിയർ ലീഗൽ കൺസൾട്ടൻറ്​ അഡ്വ. ഷംസുദ്ദീൻ കരുനാഗപ്പള്ളിക്ക്​ മുഖേന നഷ്​ടപരിഹാര കേസ്​ ഫയൽ ചെയ്തു. നാലു ലക്ഷം ദിർഹം നഷ്​ടപരിഹാരം ചോദിച്ച്​ ഫയൽ ചെയ്​ത സിവിൽ കേസിൽ ദുബൈ കോടതി 2.70 ലക്ഷം ദിർഹം നഷ്​ട പരിഹാരമായി  വിധിച്ചിരുന്നു. എന്നാൽ ഇൻഷ്വറൻസ്​ കമ്പനിയും അപ്പീൽ ഫയൽ ചെയ്​തെങ്കിലും​ ദുബൈ അപ്പീൽ കോടതി പ്രാഥമിക കോടതി വിധി ശരിവെക്കുകയുമായിരുന്നു.

ഇൗ തുക ലഭിക്കാനുള്ള നടപടി ക്രമങ്ങൾ പൂർത്തിയാക്കി തുക കൈമാറാനിരിക്കെയാണ്​​ ​മാതാവും തുകയുടെ അവകാശിയുമായ സുബൈദാ ബീവി ഇക്കഴിഞ്ഞ മേയ്​ ഒന്നിന്​ പുതിയ കാവിൽ വാഹനം തട്ടി മരണപ്പെട്ടത്​.
 നഷ്​ടപരിഹാര കേസിനെക്കുറിച്ച്​ അഭിഭാഷകനുമായി ഇവർ നിരന്തരം ബന്ധപ്പെട്ടിരുന്നു. ഇൗ സാഹചര്യത്തിൽ നഷട്​പരിഹാര തുക സുബൈദാബീവിയുടെ അനന്തരാവകാശികൾക്ക്​ നിയമാനുസരണം കൈമാറ്റം ചെയ്യുമെന്ന്​ അഡ്വ. ഷംസുദ്ദീൻ കരുനാഗപ്പള്ളി അറിയിച്ചു.