'ട്രൂ ടാലൻറ്​ അബൂദബി' ടിക് ടോക് കൂട്ടായ്​മ

അബൂദബി: 'ട്രൂ ടാലൻറ്​ അബൂദബി' ടിക് ടോക് കൂട്ടായ്​മ രൂപവത്ക​രിച്ചു. അബൂദബിയിലെ മലയാളികളിൽനിന്ന് പ്രാഗത്ഭ്യമുള്ള പ്രതിഭകളെ കണ്ടെത്താനും മുഖ്യധാരയിലേക്ക് ഉയർത്താനുമാണ് കൂട്ടായ്​മ ലക്ഷ്യമിടുന്നത്. ലോഗോ പ്രകാശനം റെഡ് എക്‌സ് മീഡിയ കോൺഫറൻസ് സെൻററിൽ സായിദ് തിയറ്റർ ഫോർ ടാലൻറ്​സ് ആൻഡ് യൂത്ത് ഡയറക്​ടർ ഫദൽ സലാഹ് അൽ തമീമി പ്രകാശനം ചെയ്​തു. ഷജീർ പാപ്പിനിശ്ശേരി അധ്യക്ഷത വഹിച്ചു.

ഡോ. അപർണ സത്യദാസ് അവതാരികയായിരുന്നു. റെഡ് എക്‌സ് മീഡിയ മാനേജിങ് ഡയറക്​ടർ ഹനീഫ് കുമരനല്ലൂർ, സമീർ കല്ലറ, ബഷീർ പാടത്തകായിൽ, നയ്​മ അഹമ്മദ്, ടിക്ടോക് കലാകാരന്മാരായ മുഹമ്മദ് നവാസ്, ഷിനു സുൾഫിക്കർ, ഷെറിൻ എസ്.എൻ. കല്ലറ എന്നിവർ പങ്കെടുത്തു.