മദാമില്‍ ട്രക്ക് കത്തി നശിച്ചു; ഡ്രൈവറെ സിവില്‍ ഡിഫന്‍സ് രക്ഷപ്പെടുത്തി

ഷാര്‍ജ: ഷാര്‍ജയുടെ ഉപനഗരമായ അല്‍ മദാമില്‍ ഓടികൊണ്ടിരുന്ന ട്രക്ക് പൂർണമായി കത്തി നശിച്ചു. ബുധനാഴ്ച പകലായിരുന്നു അപകടം. ഇതിലുണ്ടായിരുന്ന ഡ്രൈവറെ സിവില്‍ഡിഫന്‍സ് രക്ഷപ്പെടുത്തി. നിര്‍മാണാവശ്യത്തിനുള്ള ഇരുമ്പ് കമ്പികളുമായി വരികയായിരുന്ന ട്രക്കി​​െൻറ മുന്‍വശത്ത് പെട്ടെന്ന് തീപിടിക്കുകയായിരുന്നു. സംഭവം അറിഞ്ഞ ഉടനെ സിവില്‍ഡിഫന്‍സ്, പൊലീസ് സംഘങ്ങള്‍ സംഭവ സ്ഥലത്ത് എത്തി രക്ഷാപ്രവര്‍ത്തനം നടത്തി. അപകട ദിശയിലേക്ക് വരുന്ന വാഹനങ്ങള്‍ താത്ക്കാലികമായി വഴിതിരിച്ച് വിട്ടാണ് രക്ഷാപ്രവര്‍ത്തനത്തിന് ആക്കം കൂട്ടിയത്. അപകട കാരണം അറിവായിട്ടില്ല.