സ​ഞ്ചാ​രി​ക​ളേ ഇ​തി​ലേ ഇ​തി​ലേ... ഇ​ന്ന്​ ലോ​ക ടൂ​റി​സ്​​റ്റ്​ ഗൈ​ഡ്​ ദി​നം നൂ​റു രാ​ജ്യ​ങ്ങ​ൾ കറങ്ങുവാ​നു​ള്ള ഒ​രു​ക്ക​ത്തി​ൽ ഒ​രു ച​ങ്ങാ​തി​ക്കൂ​ട്ട്​

ദു​ബൈ: യു.​എ.​ഇ​യു​ടെ സ​മീ​പ രാ​ജ്യ​ങ്ങ​ൾ സ​ന്ദ​ർ​ശി​ക്കു​ക എ​ന്ന​ത്​ ഇ​വി​ടെ ബി​സി​ന​സ്​ ന​ട​ത്തു​ന്ന ആ​ളു ​ക​ൾ​ക്കി​ട​യി​ൽ പു​തു​മ​യ​ല്ല. വ്യ​വ​സാ​യ വി​പ്ല​വം ക​ത്തി​ക്ക​യ​റു​ന്ന ചൈ​ന​യി​ലോ ഏ​റെ എ​ളു​പ്പം പോ​കാ ​വു​ന്ന ജോ​ർ​ജി​യ, അ​ർ​മേ​നി​യ എ​ന്നി​വി​ട​ങ്ങ​ളി​ൽ ഒ​രി​ക്ക​ലെ​ങ്കി​ലും പോ​യ​വ​രും ഏ​റെ​യു​ണ്ടാ​വും. എ​ ന്നാ​ൽ ദു​ബൈ​യി​ലെ യാ​ത്ര​ക്കൂ​ട്ടു​കാ​രാ​യ മൂ​ന്നു പേ​ർ ഇ​തി​ന​കം പോ​യ​ത്​ 25 ലേ​റെ രാ​ജ്യ​ങ്ങ​ൾ. ദു​ബൈ​യി ​ൽ ഷി​പ്പി​ങ്​ ക​മ്പ​നി ന​ട​ത്തു​ന്ന മി​ർ​ഷാ​ദ് മൂ​പ്പ​ൻ, ദു​ബൈ എ​യ​ർ​പോ​ർ​ട്ടി​ൽ ജോ​ലി ചെ​യ്യു​ന്ന സ​മ​ദ് അ​ബ്​​ദു​ൽ, അ​ൻ​വ​ർ ഷൈ​ൻ എ​ന്നി​വ​രാ​ണ് ഈ ​സ​ഞ്ചാ​രി ച​ങ്കു​ക​ൾ. ബി​സി​ന​സ് ആ​വ​ശ്യാ​ർ​ഥ​വും വി​നോ​ദ​ത്തി​നും സ​ന്ദ​ർ​ശി​ക്കു​ന്ന സ്ഥ​ല​ങ്ങ​ളു​ടെ വി​ശേ​ഷ​ങ്ങ​ൾ മി​ർ​ഷാ​ദ്​ സു​ഹൃ​ത്തും നാ​ട്ടു​കാ​ര​നു​മാ​യ സ​മ​ദു​മാ​യി പ​ങ്കു​വെ​ക്കു​ക പ​തി​വാ​യി​രു​ന്നു. അ​തി​ൽ ആ​വേ​ശം കൊ​ണ്ടാ​ണ് സ​മ​ദും ഒ​രു​നാ​ൾ ഇ​റ​ങ്ങി​ത്തി​രി​ച്ച​ത്. കൂ​ടെ ജോ​ലി ചെ​യ്യു​ന്ന സ​മാ​ന​ചി​ന്താ​ഗ​തി​ക്കാ​ര​നാ​യ തി​രു​വ​ന​ന്ത​പു​രം സ്വ​ദേ​ശി അ​ൻ​വ​റി​നെ​യും ഒ​പ്പം കൂ​ട്ടി.

മ​ല​പ്പു​റം തി​രൂ​ർ സ്വ​ദേ​ശി​യാ​യ മി​ർ​ഷാ​ദ് ഇ​തി​നോ​ട​കം 28 രാ​ജ്യ​ങ്ങ​ൾ സ​ന്ദ​ർ​ശി​ച്ചി​ട്ടു​ണ്ട്. ജി.​സി.​സി രാ​ജ്യ​ങ്ങ​ളി​ലും ചൈ​ന പോ​ലു​ള്ള ഏ​ഷ്യ​ൻ രാ​ജ്യ​ങ്ങ​ളി​ലും ജോ​ലി സം​ബ​ന്ധ​മാ​യ യാ​ത്ര​ക​ളാ​ണ് എ​ന്ന​തൊ​ഴി​ച്ചാ​ൽ ബാ​ക്കി​യു​ള്ള​തൊ​ക്കെ നാ​ടു​ക​ൾ കാ​ണു​വാ​നു​ള്ള അ​ട​ങ്ങാ​ത്ത ആ​ഗ്ര​ഹം ഒ​ന്ന് കൊ​ണ്ട് മാ​ത്രം പോ​യ​താ​ണ്. ചു​രു​ങ്ങി​യ​ത് 100 രാ​ജ്യ​ങ്ങ​ളെ​ങ്കി​ലും കാ​ണ​ണം എ​ന്ന​താ​ണ്​ മ​ന​സി​ലെ മോ​ഹം. സ​മ​ദ് അ​ബ്​​ദു​ൽ മൂ​ന്ന് വ​ർ​ഷം മു​മ്പാ​ണ് യാ​ത്ര​ക​ൾ​ക്ക്​ തു​ട​ക്ക​മി​ട്ട​ത്. വീ​ട്ടു​കാ​രു​ടെ ഭ​യം മൂ​ലം നാ​ട്ടി​ലു​ള്ള​പ്പോ​ൾ യാ​ത്ര​ക​ൾ​ക്കൊ​ന്നും അ​നു​വാ​ദം ല​ഭി​ക്കാ​തി​രു​ന്ന ഇ​ദ്ദേ​ഹം ദു​ബൈ​യി​ൽ എ​ത്തി​യ​പ്പോ​ൾ കി​ട്ടി​യ സ്വാ​ത​ന്ത്ര്യം ശ​രി​ക്കു​മ​ങ്ങ്​ ഉ​പ​യോ​ഗ​പ്പെ​ടു​ത്തു​ക​യാ​യി​രു​ന്നു.

23 രാ​ജ്യ​ങ്ങ​ൾ ത​െ​ൻ​റ പ​ട്ടി​ക​യി​ൽ എ​ഴു​തി​ച്ചേ​ർ​ത്ത സ​മ​ദ് അ​യ​ർ​ല​ൻ​ഡ് സ​ന്ദ​ർ​ശി​ക്കാ​നാ​യി ബാ​ഗ്​ ഒ​രു​ക്കു​ന്ന തി​ര​ക്കി​ലാ​ണ്. 26 രാ​ജ്യ​ങ്ങ​ൾ സ​ന്ദ​ർ​ശി​ച്ച അ​ൻ​വ​ർ ഷൈ​ൻ ഈ ​വ​ർ​ഷാ​രം​ഭ​ത്തി​ൽ ത​ന്നെ താ​യ്‌​വാ​ൻ, ഫി​ലി​പ്പൈ​ൻ​സ്, റൊ​മാ​നി​യ എ​ന്നി​വി​ട​ങ്ങ​ൾ ക​റ​ങ്ങി​യ​തി​െ​ൻ​റ ആ​വേ​ശ​ത്തി​ലാ​ണ്. ഒ​ന്നി​ച്ചു ന​ട​ത്തി​യ​വ​യി​ൽ മ​റ​ക്കാ​നാ​വാ​ത്ത​ത് ഇ​റ്റ​ലി യാ​ത്ര​യാ​ണെ​ന്ന് മൂ​വ​രും ഒ​രേ സ്വ​ര​ത്തി​ൽ പ​ങ്കു​വെ​ക്കു​ന്നു. മി​ർ​ഷാ​ദി​െ​ൻ​റ കു​ടും​ബ​വും പ​ങ്കു​ചേ​ർ​ന്ന ഈ ​യാ​ത്ര​യി​ൽ അ​തി​രാ​വി​ലെ വ​ത്തി​ക്കാ​നി​ൽ നി​ന്ന്​ കാ​ർ ഡ്രൈ​വ് ചെ​യ്തു പി​സ, ഫ്ലോ​റ​ൻ​സി​യ വ​ഴി വെ​നീ​സി​ലേ​ക്കു​ള്ള 1200 കി​ലോ​മീ​റ്റ​ർ റോ​ഡ് യാ​ത്ര ഒ​രി​ക്ക​ലും മാ​യാ​ത്ത കാ​ഴ്ച്ച​വി​രു​ന്നാ​ണ് സ​മ്മാ​നി​ച്ച​ത്.

ക്രൊ​യേ​ഷ്യ​ൻ പ​ര്യ​ട​ന​ത്തി​ൽ അ​വി​ടു​ത്തെ ജ​ന​ങ്ങ​ളി​ൽ നി​ന്ന്​ അ​നു​ഭ​വി​ച്ച​റി​ഞ്ഞ ആ​തി​ഥ്യ​മ​ര്യാ​ദ​ക​ൾ എ​ടു​ത്തു പ​റ​യേ​ണ്ട​താ​ണെ​ന്നു ഇ​വ​ർ സാ​ക്ഷ്യ​പ്പെ​ടു​ത്തു​ന്നു. നോ​ർ​വെ​യും ന്യൂ​സി​ലാ​ൻ​ഡും പോ​കാ​ൻ ത​യാ​റെ​ടു​ക്കു​ന്ന ഈ ​സം​ഘം മ​റ്റു സ​ഞ്ചാ​ര​പ്രേ​മി​ക​ളെ​യും ത​ങ്ങ​ളു​ടെ കൂ​ടെ യാ​ത്ര​ചെ​യ്യാ​ൻ പ്രേ​രി​പ്പി​ക്കു​ന്നു​ണ്ട്. സ​ഞ്ചാ​രി എ​ന്ന പ്ര​മു​ഖ യാ​ത്രാ ഗ്രൂ​പ്പി​ലെ സ​ജീ​വ അം​ഗ​ങ്ങ​ളു​മാ​ണ്​ ഇ​വ​ർ. ക​ട​മ്പ​ക​ൾ ഏ​റെ​യു​ള്ള നോ​ർ​ത്ത് പോ​ളി​ലേ​ക്കു​ള്ള ഒ​രു സാ​ഹ​സി​ക​യാ​ത്ര​യാ​ണ് മൂ​വ​രു​ടെ​യും അ​ടു​ത്ത സം​യു​ക്​​ത ല​ക്ഷ്യം. അ​തി​നാ​യു​ള്ള പ്ര​യ​ത്ന​ങ്ങ​ൾ ഇ​പ്പോ​ഴേ തു​ട​ങ്ങി​ക്ക​ഴി​ഞ്ഞു.