ഗൾഫിൽ നിന്ന്​ ഇന്ത്യയിലേക്കുള്ള സഞ്ചാരികളുടെ എണ്ണത്തിൽ വർധന

ദുബൈ: യു.എ.ഇയിൽ നിന്ന്​ ഇന്ത്യയിലേക്കുള്ള സഞ്ചാരികളുടെ എണ്ണത്തിൽ വർധന. 1.3 ശതമാനം വർധനയാണ്​ 2017ൽ രേഖപ്പെടുത്തിയിരിക്കുന്നത്​. വരും വർഷങ്ങളിൽ ആരോഗ്യ-വിദ്യാഭ്യാസ ടൂറിസം മേഖലയിൽ ഇന്ത്യ വൻ കുതിപ്പിനൊരുങ്ങുകയാണെന്നും  അറേബ്യൻ ട്രാവൽ മാർക്കറ്റ്​ (എ.ടി.എം) മീഡിയാ സ​​​െൻററിൽ നടന്ന ഇന്ത്യാ ടൂറിസം വാർത്താ സമ്മേളനത്തിൽ   അംബാസഡർ നവ്​ദീപ്​ സിംഗ്​ സുരി വ്യക്​തമാക്കി.

നിലവിൽ 50000 വിദേശ വിദ്യാർഥികളാണ്​ ഇന്ത്യയിൽ പഠനം നടത്തുന്നത്​. എന്നാൽ പൊതു^സ്വകാര്യ മേഖലയിലെ ഉന്നത വിദ്യാഭ്യാസ സ്​ഥാപനങ്ങളുടെ വളർച്ച കൂടുതൽ വിദ്യാർഥികളെ ഇന്ത്യയിലേക്കെത്തിക്കും. ഏഷ്യയിലെ രണ്ടാമത്തെ ഏറ്റവും വലിയ ആരോഗ്യപരിരക്ഷാ ഹബ്ബായി ഇന്ത്യ മാറിക്കഴിഞ്ഞു. മാനസികവും ശാരീരികവും ബൗദ്ധികവുമായ ഉല്ലാസത്തിനും ഉണർവിനും ലോകത്തിനു വേണ്ടതെല്ലാം ഇന്ത്യ ഒരുക്കി വെച്ചിട്ടുണ്ടെന്നു പറഞ്ഞ ​അ​േദ്ദഹം ആയുർവേദത്തി​​​​െൻറ സൗഖ്യം തേടാൻ കേരളത്തിലേക്ക്​ വരാനും മാധ്യമപ്രവർത്തകരെയും സഞ്ചാര കുതുകികളെയും ക്ഷണിച്ചു.

കശ്​മീരിൽ നടന്ന അതിക്രമം ഒരു സമൂഹത്തിലും സംഭവിക്കാൻ പാടില്ലാത്തത്ര ഭീതികരമായ കൃത്യമാണെന്ന്​ ഒരു ചോദ്യത്തിനു മറുപടിയായി അംബാസഡർ പറഞ്ഞു. ഏവരും ശക്​തമായി അപലപിക്കുന്ന സംഭവമാണത്​. എന്നാൽ അത്തരം സംഭവങ്ങൾക്കെതിരെ  ആവർത്തിക്കാതിരിക്കാൻ ശക്​തമായ നിയമം നിർമിക്കുക വഴി ഇന്ത്യ പ്രശ്​നത്തെ പ​ക്വമായി നേരിട്ടിരിക്കുന്നു. വലിയ ഭൂപ്രദേശമായ ഇന്ത്യൻ ഉപഭൂഖണ്ഡത്തിൽ ഏതെങ്കിലുമൊരു ഭാഗത്ത്​ ഒറ്റപ്പെട്ട രീതിയിൽ നടക്കുന്ന പ്രശ്​നങ്ങളുടെ ​േപരിലല്ല ഇൗ മേഖല വിലയിരുത്തപ്പെടുകയെന്നും അദ്ദേഹം കൂട്ടിച്ചേർത്തു. ടൂറിസം മന്ത്രാലയം അസി. ഡി.ജി മാനസ്​ രഞ്​ജൻ പട്​നായിക് ഇന്ത്യൻ വിസ്​മയങ്ങളെക്കുറിച്ച്​ വിവരിച്ചു.  ഇന്ത്യ ടൂറിസം അഡീഷനൽ ഡയറക്​ടർ ബ്രജ്​ബിഹാരി മുഖർജിയും സംബന്ധിച്ചു.മൂന്നാറും ഡൽഹിയും മുംബൈയും രുചിഭേദങ്ങളുമെല്ലാം നിറഞ്ഞു നിന്ന ഇൻക്രഡിബിൾ ഇന്ത്യ അവതരണങ്ങളിൽ പതിവിനു വിപരീതമായി താജ്​മഹൽ ഒഴിവാക്കിയിരുന്നു.
 പതിവ്​ ചിത്രങ്ങളിൽ മാറ്റം വരുത്തി ഇന്ത്യയുടെ വിശാലതയെ വിപുലമായി അവതരിപ്പിക്കുകയാണ്​ ഇതുകൊണ്ട്​ ലക്ഷ്യമിടുന്നതെന്നാണ്​ അംബാസഡറും ടൂറിസം അധികൃതരും ഇതേക്കുറിച്ച്​ വിശദീകരിച്ചത്​.