മൃതദേഹങ്ങൾ നാട്ടിലെത്തിക്കാൻ പുതിയ കടമ്പ

ദുബൈ: മൃതദേഹങ്ങൾ ഇന്ത്യയിലേക്ക്​ വിമാനത്തിലയക്കു​േമ്പാൾ നിർദിഷ്​ട വിമാനത്താവളത്തിൽ എത്തുന്നതിന്​ 48 മണിക്കൂർ മുമ്പ്​ ബന്ധപ്പെട്ട സർട്ടിഫിക്കറ്റുകൾ ഹാജരാക്കി മുൻകൂർ അനുമതി വാങ്ങണമെന്ന്​ ഉത്തരവ്​. അന്താരാഷ്​ട്ര ആരോഗ്യ ചട്ടങ്ങളും ഇന്ത്യൻ വിമാന പൊതു ആരോഗ്യ ചട്ടങ്ങളും അനുസരിച്ചാണ്​ ഇൗ നിബന്ധനയെന്ന്​ ഇന്ത്യയിലെ വിവിധ വിമാനത്താവളങ്ങൾ പുറപ്പെടുവിച്ച ഉത്തരവിൽ പറയുന്നു.  

വിദേശത്ത്​ മരിക്കുന്ന പ്രവാസികളുടെ മൃതദേഹങ്ങൾ നാട്ടിലെത്തുന്നത്​ ദിവസങ്ങൾ വൈകിക്കുന്ന നിബന്ധനയാണിത്​. കോഴിക്കോട്​ വിമാനത്താവളത്തിൽ മൃതദേഹം  എത്തുന്നതിന്​ രണ്ടു ദിവസം  മുമ്പ്​ മരണ സർട്ടിഫിക്കറ്റ്​ ഉൾപ്പെടെ നാലു  സർട്ടിഫിക്കറ്റുകൾ ഹാജരാക്കണമെന്ന്​ കരിപ്പൂരിലെ ഹെൽത്ത്​ ഇൻസ്​പെക്​ടർ പുറത്തിറക്കിയ കുറിപ്പിൽ പറയുന്നു. എംബാമിങ്​ സർട്ടിഫിക്കറ്റ്​, ഇന്ത്യൻ എംബസിയിൽ നിന്നുള്ള നിര​ാക്ഷേപ പത്രം (എൻ.ഒ.സി), റദ്ദാക്കിയ പാസ്​പോർട്ടി​​​​​​െൻറ പകർപ്പ്​ എന്നിവയാണ്​ 48 മണിക്കൂർ മുമ്പ്​ ഹാജരാക്കേണ്ട മറ്റു രേഖകൾ. 

ഇവ ഇ -മെയിലായോ ആരുടെയെങ്കിലും കൈവശമോ വിമാനത്താവളത്തിലെ ഹെൽത്ത്​ കൗണ്ടറിൽ എത്തിച്ച്​ മുൻകൂർ അനുമതി വാങ്ങണം.  മൃതദേഹം കൊണ്ടുവരു​േമ്പാഴും ഇൗ സർട്ടിഫിക്കറ്റുകൾ കൂടെയുള്ളവർ ഹാജരാക്കണം.  എന്നാൽ ഇൗ സർട്ടിഫിക്കറ്റുകൾ മുൻകൂർ ലഭിക്കുക അസാധ്യമാകയാൽ ഇവയെല്ലാം കിട്ടി രണ്ടു ദിവസം കാത്തുനിന്ന ശേഷമേ മൃതദേഹം അയക്കാൻ സാധിക്കൂവെന്ന്​​ ഇൗ രംഗത്ത്​ പ്രവർത്തിക്കുന്നവർ ചൂണ്ടിക്കാട്ടുന്നു. മൃതദേഹം കൊണ്ടുപോകാനുള്ള വിമാനടിക്കറ്റ്​ ഹാജരാക്കിയാലേ യു.എ.ഇയിലെ എംബാമിങ്​ കേ​ന്ദ്രങ്ങളിൽ നിന്ന്​ എംബാം സർട്ടിഫിക്കറ്റുകൾ ലഭിക്കൂവെന്ന്​ പ്രമുഖ സാമൂഹിക പ്രവർത്തകനായ അശ്​റഫ്​ താമരശ്ശേരി ‘ഗൾഫ്​ മാധ്യമ’ത്തോട്​ പറഞ്ഞു. അപ്പോൾ ഇത്​ 48 മണിക്കൂർ മുമ്പ്​ നാട്ടിലെ വിമാനത്താവളത്തിൽ എങ്ങനെ ഹാജരാക്കാൻ സാധിക്കുമെന്ന്​ അദ്ദേഹം ചോദിച്ചു.

നിലവിൽ പ്രവാസികൾ മരിച്ചാൽ അന്ന്​ തന്നെയോ അല്ലെങ്കിൽ പിറ്റേന്നോ മൃതദേഹം നാട്ടിലെത്തിക്കാനാവ​​ുന്ന​​ുണ്ട്​. മരണ​ം നടന്ന രാജ്യത്തെ പൊലീസി​​​​​​െൻറയും മറ്റു അധികൃതരുടെയും ഇന്ത്യൻ എംബസി അധികൃതരുടെയും നിരവധി സർട്ടിഫിക്കറ്റുകൾ ഇതിന്​ ആവശ്യമുണ്ട്​. അ​െതല്ലാം കിട്ടിയാലും ഇനി മൃതദേഹം നാട്ടിലേക്കയക്കാൻ പറ്റാത്ത അവസ്​ഥയാണ്​.പുതിയ ഉത്തരവ്​ ചൂണ്ടിക്കാട്ടി വ്യാഴാഴ്​ച വാരാണസിയിലേക്കും കോഴിക്കോ​േട്ടക്കും കൊണ്ടുപോകാനുള്ള മൃതദേഹങ്ങൾ ഏറ്റെടുക്കാൻ കാർഗോ കമ്പനികൾ  വിസമ്മതിച്ചതായി അശ്​റഫ്​ താമരശ്ശേരി പറഞ്ഞു. മരണ സർട്ടിഫിക്കറ്റിൽ  മരണ കാരണം വ്യക്​തമായി രേഖപ്പെടുത്തണമെന്നും നിർദേശമുണ്ട്​. അങ്ങനെ പറയാൻ സാധിക്കാത്ത മരണങ്ങളിൽ പകർച്ചവ്യാധിയോ അന്താരാഷ്​ട്ര ആരോഗ്യ മേഖലയിൽ നോട്ടിഫൈ ചെയ്​ത രോഗമോ  അല്ല മരണകാരണമെന്ന്​​ അതത്​ രാജ്യത്തെ ആരോഗ്യ വകുപ്പ്​ സാക്ഷ്യപ്പെടുത്തണം.