അബൂദബിയിൽ പൊതുബസുകൾക്ക്​  പുതിയ നിയമം; പിഴകളും പുതുക്കി

അബൂദബി: പൊതു ബസുകളിൽ യാത്ര​ െചയ്യുന്നവർക്കായി അബൂദബിയിൽ പുതിയ നിയമങ്ങൾ ഏർപ്പെടുത്തി. ഇതനുസരിച്ച്​ 10 വയസിൽ താഴെ പ്രായമുള്ള കുട്ടികൾ, 55 വയസിന്​ മുകളിലുള്ളവർ, നിശ്​ചയദാർഢ്യ വിഭാഗത്തിലുള്ളവർ എന്നിവർക്ക്​ യാത്രാക്കൂലിയിൽ 50 ശതമാനം ഇളവ്​ ലഭിക്കും. 12 വയസിൽ താ​ഴെ പ്രായമുള്ളവർക്ക്​ മുതിർന്നവരുടെ സംരക്ഷണയിലല്ലാതെ യാത്ര ചെയ്യാനാവില്ല. ട്രാൻസ്​പോർട്ട്​ വകുപ്പ്​ തലവൻ ശൈഖ്​ തെയാബ്​ ബിൻ മുഹമ്മദ്​ ബിൻ സായദ്​ ആൽ നഹ്യാൻ ആണ്​ ഇത്​ സംബന്ധിച്ച ഉത്തരവ്​ പുറപ്പെടുവിച്ചത്​. യാത്രക്കാർ ബസിനുള്ളിൽ തിന്നുകയോ കുടിക്കുകയോ തുപ്പുകയോ ചൂയിംഗം ചവക്കുകയോ പുക വലിക്കുകയോ ചെയ്​തുകൂട. സഹയാത്രികരെ ശല്ല്യപ്പെടുത്തുന്നതും മോശം ഭാഷ ഉപയോഗിക്കുന്നതും വിലക്കിയിട്ടുണ്ട്​. 

കൂർത്ത ആയുധങ്ങൾ, തീപിടിക്കുന്ന സാധനങ്ങൾ, മദ്യം, സൈക്കിൾ എന്നിവ കൊണ്ടുപോകുന്നത്​ നിരോധിച്ചു. ഡ്രൈവരുടെ ശ്രദ്ധ തിരിക്കുന്നതും കുറ്റകരമാണ്​. ആവശ്യമുള്ളപ്പോൾ മാത്രമെ സ്​റ്റോപ്​ ബട്ടൺ അമർത്താവൂ. അന്ധരോടൊപ്പമുള്ള നായ്​ക്കൾ അല്ലാതെ മറ്റ്​ വളർത്തുമൃഗങ്ങളെയുംഅനുവദിക്കില്ല. ബാഗേജുകൾ മറ്റ്​ യാത്രികർക്ക്​ തടസമുണ്ടാകാത്ത വിധത്തിൽ മാത്രമെ വെക്കാവൂ. ആവശ്യത്തിന്​ പണമുള്ള കാർഡ്​ ഉപയോഗിച്ച്​ മാത്രമെ യാത്ര ചെയ്യാനാവൂ. നിയമം ലംഘിക്കുന്നവർക്ക്​ 200 മുതൽ 2000 ദിർഹം വരെ പിഴയും പുതിയ നിയമങ്ങളിൽ ഏർപ്പെടുത്തിയിട്ടുണ്ട്​.