ഗൾഫ് ഉദ്യോഗാർഥികൾക്ക് നാട്ടിൽ പരിശീലനം; കരാറിൽ ഒപ്പുവെച്ചു

ദു​ബൈ: ഗ​ൾ​ഫി​ൽ ജോ​ലി തേ​ടാ​ൻ ആ​ഗ്ര​ഹി​ക്കു​ന്ന ഉ​ദ്യോ​ഗാ​ർ​ഥി​ക​ൾ​ക്ക്​ നാ​ട്ടി​ൽ പ​രി​ശീ​ല​നം ന​ൽ​കു​ന്ന ട്രെ​യി​നി​ങ് ഫോ​ർ എ​മി​റേ​റ്റ്സ് ജോ​ബ്സ് ആ​ൻ​ഡ് സ്കി​ൽ​സ് (തേ​ജ​സ്) പ​ദ്ധ​തി തു​ട​ങ്ങു​ന്നു. ഇ​തു​സം​ബ​ന്ധി​ച്ച് ദു​ബൈ​യി​ലെ​ ര​ണ്ടു​ സ്ഥാ​പ​ന​ങ്ങ​ളു​മാ​യി നാ​ഷ​ന​ൽ സ്കി​ൽ ഡെ​വ​ല​പ്​​മെ​ന്‍റ്​ കോ​ർ​പ​റേ​ഷ​ൻ (എ​ൻ.​എ​സ്.​ഡി.​സി) ധാ​ര​ണ​യാ​യി. വി.​എ​ഫ്.​എ​ക്സ് ഗ്ലോ​ബ​ൽ, എ​ഡെ​ക്കോ മി​ഡി​ലീ​സ്റ്റ് എ​ന്നീ സ്ഥാ​പ​ന​ങ്ങ​ളു​മാ​യാ​ണ്​ എ​ൻ.​എ​സ്.​ഡി.​സി ധാ​ര​ണ​പ​ത്രം ഒ​പ്പു​വെ​ച്ച​ത്.

യു.​എ.​ഇ​യി​ലെ തൊ​ഴി​ൽ മേ​ഖ​ല​ക്ക് അ​നു​യോ​ജ്യ​മാ​യ​വി​ധം ഉ​ദ്യോ​ഗാ​ർ​ഥി​ക​ളെ വ​ള​ർ​ത്തി​യെ​ടു​ക്കാ​ൻ പ​രി​ശീ​ല​നം ന​ൽ​കും. ഇ​ന്ത്യ​യി​ലെ​മ്പാ​ടു​മു​ള്ള എ​ൻ.​എ​സ്.​ഡി.​സി കേ​ന്ദ്ര​ങ്ങ​ൾ വ​ഴി​യാ​കും ഉ​ദ്യോ​ഗാ​ർ​ഥി​ക​ൾ​ക്ക് ഗ​ൾ​ഫി​ലേ​ക്കു​ള്ള പ​രി​ശീ​ല​ന പ​രി​പാ​ടി​ക​ൾ ന​ട​പ്പാ​ക്കു​ക.

തേ​ജ​സ് പ​ദ്ധ​തി ക​ഴി​ഞ്ഞ​വ​ർ​ഷം കേ​ന്ദ്ര​മ​ന്ത്രി അ​നു​രാ​ഗ് ഠാ​കു​ർ ദു​ബൈ എ​ക്സ്പോ​യി​ലാ​ണ് പ്ര​ഖ്യാ​പി​ച്ച​ത്. മാ​ന​വ​വി​ഭ​വ​ശേ​ഷി രം​ഗ​ത്തെ കൂ​ടു​ത​ൽ സ്ഥാ​പ​ന​ങ്ങ​ളു​മാ​യി ഇ​ത്ത​രം ധാ​ര​ണ രൂ​പ​പ്പെ​ടു​ത്തും. ഇ​ന്ത്യ​യി​ൽ​നി​ന്ന് ഗ​ൾ​ഫി​ൽ തൊ​ഴി​ൽ തേ​ടു​ന്ന​വ​ർ​ക്കാ​യി നാ​ട്ടി​ലാ​യി​രി​ക്കും കൂ​ടു​ത​ൽ പ​രി​ശീ​ല​ന പ​രി​പാ​ടി​ക​ൾ. എ​ന്നാ​ൽ, ഗ​ൾ​ഫി​ൽ നി​ല​വി​ൽ ജോ​ലി ചെ​യ്യു​ന്ന​വ​രു​ടെ തൊ​ഴി​ൽ വൈ​ദ​ഗ്ധ്യം വ​ർ​ധി​പ്പി​ക്കാ​നും പ​ദ്ധ​തി ല​ക്ഷ്യ​മി​ടു​ന്നു​ണ്ടെ​ന്ന് കോ​ൺ​സ​ൽ ജ​ന​റ​ൽ ഡോ. ​അ​മ​ൻ പു​രി പ​റ​ഞ്ഞു. വി​വി​ധ രാ​ജ്യ​ങ്ങ​ളി​ലെ തൊ​ഴി​ൽ സാ​ധ്യ​ത​ക​ൾ തി​രി​ച്ച​റി​ഞ്ഞ് ഉ​ദ്യോ​ഗാ​ർ​ഥി​ക​ളെ പ​രി​ശീ​ലി​പ്പി​ക്കു​മെ​ന്ന് അ​ഡെ​ക്കോ മി​ഡി​ലീ​സ്റ്റ് ക​ൺ​ട്രി ഹെ​ഡ് മാ​യ​ങ്ക് പ​ട്ടേ​ൽ പ​റ​ഞ്ഞു.