Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightറസ്​റ്റാറൻറ്​...

റസ്​റ്റാറൻറ്​ നടത്തിപ്പ്​ പാഠങ്ങൾ പകർന്ന്​ പരിശീലനം

text_fields
bookmark_border
റസ്​റ്റാറൻറ്​ നടത്തിപ്പ്​ പാഠങ്ങൾ പകർന്ന്​ പരിശീലനം
cancel

ദുബൈ: 'ഗൾഫ്​ മാധ്യമം' ദുബൈ മുനിസിപ്പാലിറ്റിയുടെ പിന്തുണയോടെ സംഘടിപ്പിക്കുന്ന 'കുക്​, കേറ്റർ, കൺസ്യൂം സേഫ്​ലി' കാമ്പയിനി​െൻറ ഭാഗമായി പരിശീലന ക്ലാസ്​ സംഘടിപ്പിച്ചു. മലയാളികളടക്കമുള്ള തെരഞ്ഞെടുത്ത റസ്​റ്റാറൻറ്​ പ്രതിനിധികളെ പ​ങ്കെടുപ്പിച്ചാണ് ഭക്ഷ്യശാലകൾ ആരംഭിക്കു​േമ്പാഴും നടത്തിപ്പിലും ശ്രദ്ധിക്കേണ്ട കാര്യങ്ങൾ വിശദീകരിക്കുന്ന ക്ലാസ്​ സംഘടിപ്പിച്ചത്​.

ദുബൈ ഖിസൈസിലെ ഫോർച്യൂൺ പ്ലാസ ഹോട്ടലിൽ നടന്ന പരിപാടിയിൽ ദുബൈ മുനിസിപ്പാലിറ്റി ഭക്ഷ്യസുരക്ഷ വിഭാഗം സീനിയർ ഫുഡ്​ സ്​പെഷലിസ്​റ്റ്​ ബോബി കൃഷ്​ണ, ​സീനിയർ ഫുഡ്​ ഹെൽത്ത്​ ഇൻസ്​പെക്​ടർ ഓഫിസർ തച്ച്​റപറമ്പത്ത്​ റഹീം, സീനിയർ ഫുഡ്​ ട്രേഡ്​ ഹൈജീൻ ഓഫീസർ ഷാഫി അഷ്​റഫ്​, സീനിയർ ഫുഡ്​ ഹെൽത്ത്​ ഇൻസ്​പെക്​ഷൻ ഓഫിസർ റഹീഫ്​ ഹനീഫ എന്നിവർ ക്ലാസുകൾ നയിച്ചു.

ദുബൈ മുനിസിപ്പാലിറ്റി ഭക്ഷ്യസുരക്ഷക്ക്​ വലിയ പ്രാധാന്യം നൽകുന്നുണ്ടെന്നും ഭക്ഷ്യശാലകളില സുരക്ഷിതവും ശുചിത്വപൂർണവുമായ അന്തരീക്ഷം നിലനിർത്താൻ എല്ലാവരും അധികൃതരുമായി സഹകരിക്കണമെന്നും ഭക്ഷ്യസുരക്ഷ വിഭാഗം സീനിയർ ഫുഡ്​ സ്​പെഷലിസ്​റ്റ്​ ബോബി കൃഷ്​ണ ക്ലാസിൽ ആവശ്യപ്പെട്ടു. ഭക്ഷ്യശാലകളിൽ പാല​ിക്കേണ്ട സുരക്ഷ മാനദണ്ഡങ്ങൾ, എ, ബി ഗ്രേഡുകളിലേക്ക്​ റസ്​റ്റാറൻറുകളെ ഉയർത്താനുള്ള മാർഗങ്ങൾ, ഭക്ഷ്യശാല നടത്തുന്നവരുടെ ഉത്തരവാദിത്തങ്ങളും കടമകളും, പിഴകൾ ഒഴിവാക്കാൻ ശ്രദ്ധിക്കേണ്ട കാര്യങ്ങൾ, സഹായം തേടാനുള്ള സർക്കാർ സംവിധാനങ്ങൾ, ഫുഡ്​ ഇൻസ്​പെക്​ടർമാരെ അഭിമുഖീകരിക്കു​േമ്പാൾ ചെയ്യേണ്ട കാര്യങ്ങൾ തുടങ്ങിയ വിവിധ വിഷയങ്ങൾ ക്ലാസിൽ അവതരിപ്പിക്കപ്പെട്ടു. സദസ്സിനോട്​ സംവദിച്ചുകൊണ്ട്​ നടന്ന പരിശീലനം​ പ​ങ്കെടുത്തവർക്ക്​ അറിവ്​ പകരുന്നതും ആസ്വാദ്യകരവുമായിരുന്നു. തുടർന്ന്​ റസ്​റ്റാറൻറ്​ പ്രതിനിധികൾക്ക് സംശയനിവാരണത്തിനും അവസരം ലഭിച്ചു.


കുക്​, കേറ്റർ, കൺസ്യൂം സേഫ്​ലി'കാമ്പയിനി​െൻറ ഭാഗമായി സംഘടിപ്പിച്ച പരിശീലന ക്ലാസിന്​ ദുബൈ മുനിസിപ്പാലിറ്റി ഭക്ഷ്യസുരക്ഷ വിഭാഗം സീനിയർ ഫുഡ്​ സ്​പെഷലിസ്​റ്റ്​ ബോബി കൃഷ്​ണ നേതൃത്വം നൽകുന്നു



ഭക്ഷ്യസുരക്ഷ കൂട്ടായ ഉത്തരവാദിത്തമാണെന്ന കാഴ്​ചപ്പാടിെൻറ അടിസ്​ഥാനത്തിൽ ജൂലൈ മുതൽ ഡിസംബർ വരെ നീണ്ടുനിൽക്കുന്ന, 'ഗൾഫ്​ മാധ്യമം' ദുബൈ മുനിസിപ്പാലിറ്റിയുടെ പിന്തുണയോടെ ആരംഭിച്ച കാമ്പയിനി​െൻറ ഭാഗമായാണ്​ പരിശീലനം​ ഒരുക്കിയത്​. വിവിധ പ്ലാറ്റ്​ഫോമുകളിലൂടെ നടന്നുകൊണ്ടിരിക്കുന്ന കാമ്പയിനി​െൻറ തുടർച്ചയായാണ്​ ക്ലാസ്​ ഒരുക്കിയത്​. കഴിഞ്ഞമാസവും ബോധവത്​കരണക്ലാസ്​ ഇതോടനുബന്ധിച്ച്​ സംഘടിപ്പിച്ചിരുന്നു.

മലയാളത്തിനുപുറമെ, ഇംഗ്ലീഷ്​, അറബിക്​, ഉർദു ഭാഷകളി​ല​ുള്ളവരെയും ലക്ഷ്യമിട്ട്​ നടത്തുന്ന കാമ്പയിനി​ൽ ഇതിനകം വെബ്​സൈറ്റിലും 'ഗൾഫ്​ മാധ്യമം' പത്രത്തിലുമായി ബോധവത്​കരണ ലേഖനങ്ങൾ പ്രസിദ്ധീകരിച്ചിട്ടുണ്ട്​.

കാമ്പയിൻ നൂട്രിഡോർ അബീവിയ, ഹോട്​പാക്ക്​, ജലീൽ കാഷ്​ ആൻഡ്​ കാരി, കെമക്​സ്​ ഹൈജീൻ കൺസപ്​റ്റ്​സ്​, ഈസ്​റ്റേൺ എന്നീ ഭക്ഷോൽപാദക-വിതരണ-ശുചീകരണ രംഗത്തെ പ്രമുഖ കമ്പനികളുടെ സഹകരണത്തോടെയാണ്​ നടപ്പാക്കുന്നത്​. ചടങ്ങിൽ ഗൾഫ്​ മാധ്യമം-മീഡിയവൺ മിഡിലീസ്​റ്റ്​ ഓപറേഷൻസ്​ ഡയറക്​ടർ സലീം അമ്പലൻ സംസാരിച്ചു. മാർക്കറ്റിങ്​ മാനേജർ ജെ.ആർ ഹാഷിം, ബിസിനസ്​ ഡെവലപ്​മെൻറ്​ മാനേജർമാരായ ഫാറൂഖ്​ മുണ്ടൂർ, ജുനൈദ്​ ഖാൻ എന്നിവർ നേതൃത്വം നൽകി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:restaurant
News Summary - Training by imparting restaurant management lessons
Next Story