ട്രെയിലറുകള്‍ ഡിസംബറില്‍ തന്നെ  രജിസ്​റ്റർ ചെയ്യണം- ഷാര്‍ജ പൊലീസ്

ഷാര്‍ജ: ചരക്ക് നീക്കത്തിനും മറ്റും ഉപയോഗിക്കുന്ന ട്രെയിലറുകളുടെ ലൈസന്‍സും രജിസ്ട്രഷനും പുതുക്കല്‍ ഡിസംബറില്‍ തന്നെ പൂര്‍ത്തിയാക്കണമെന്ന് ഷാര്‍ജ പൊലീസ് മുന്നറിയിപ്പ് നല്‍കി. ട്രാഫിക് ആന്‍ഡ് ലൈസന്‍സ് വകുപ്പി​​െൻറ ആര്‍ട്ടിക്കിള്‍ നമ്പര്‍ 96 പ്രകാരം  ഈ മാസം അവസാനം വരെ രജിസ്​റ്റര്‍ ചെയ്യാത്തവര്‍ക്ക് 1000 ദിര്‍ഹമാണ് പിഴ. 

റോഡ് ഉപയോക്താക്കളുടെ സുരക്ഷ ഉറപ്പുവരുത്തുന്നതില്‍ പൊലീസി​​െൻറ തന്ത്രപരമായ പദ്ധതിയുടെ ഭാഗമായാണ് ഈ നടപടി. കൂടാതെ, ട്രെയിലറുകള്‍ അപകടങ്ങളൊന്നും ഉണ്ടാകുന്നില്ലെന്ന് ഉറപ്പുവരുത്തുന്നതിനും നിലവാരങ്ങളൊന്നും പാലിക്കാത്ത ട്രെയിലറുകളെ കണ്ടെത്തുന്നതിനുമാണ് പൊലീസ് രംഗത്തുള്ളത്.  സുരക്ഷാപരിശോധന വഴി ട്രെയിലറുകള്‍ സുരക്ഷിതമാണെന്ന് ഉറപ്പാക്കാനും റോഡപകടങ്ങളും നിയമലംഘനങ്ങളും ചെറുക്കാനുള്ള ആഭ്യന്തര മന്ത്രാലയത്തി​​െൻറ തന്ത്രപ്രധാനമായ പദ്ധതിയുടെ ഭാഗമായാണ് ഈ നടപടി. രജിസ്​ട്രേഷൻ, ലൈസന്‍സ് നടപടികള്‍ മുറക്ക് പൂര്‍ത്തിയാക്കുന്ന വാഹന ഉടമകള്‍ക്ക് വിശദാംശങ്ങള്‍ നല്‍കും. 

നടപടികള്‍ പൂര്‍ത്തിയാക്കിയ ഓരോ ട്രെയിലറി​​െൻറയും പിന്‍ഭാഗത്തും ഒരു പ്ലേറ്റ്​​ നമ്പര്‍ ഉണ്ടായിരിക്കും. 
ഇത്തരം വാഹനങ്ങള്‍ എല്ലാ വര്‍ഷവും രജിസ്ട്രേഷന്‍ നടപടികള്‍ അനുവദിക്കപ്പെട്ട കേന്ദ്രങ്ങള്‍ വഴി നടത്തണമെന്നാണ് നിയമം. അടുത്ത വര്‍ഷാദ്യത്തില്‍ വീഴ്ച്ച വരുത്തിയ വാഹനങ്ങള്‍ക്കെതിരെ ശക്തമായ നടപടികള്‍ കൈകൊള്ളുമെന്ന് ഷാര്‍ജ പൊലീസിലെ മെഷിന്‍സ് ആന്‍ഡ് മോട്ടോറിസ്​റ്റ്​ ​െലെസന്‍സ് വിഭാഗം ഡപ്യൂട്ടി ഡയറക്​ടര്‍ ലെഫ്. 

കേണല്‍ ഹമീദ് ആല്‍ ജലാഫ് പറഞ്ഞു. ഷാര്‍ജ പൊലീസി​​െൻറ 50ാം വാര്‍ഷികാഘോഷങ്ങളുടെ ഭാഗമായി, ആദ്യ അമ്പത് അപേക്ഷകര്‍ രജിസ്ട്രേഷന്‍ ഫീസ് നല്‍കുന്നത് ഒഴിവാക്കും. ഉപഭോക്താക്കളുടെ സന്തുഷ്​ടി ഉയര്‍ത്തുന്നതിനും റോഡ് ഉപയോക്താക്കളുടെ സുരക്ഷ ഉറപ്പുവരുത്തുന്നതിനും ലക്ഷ്യമിട്ടുള്ള 'നിങ്ങളുടെ ട്രെയിലര്‍ രജിസ്​റ്റര്‍' എന്ന പേരില്‍ ട്രാഫിക് ലൈസന്‍സ് വകുപ്പ് നടത്തുന്ന കാമ്പയിനുമായി ബന്ധപ്പെട്ടാണ് ഈ ആനുകൂല്യമെന്ന് ജലാഫ് പറഞ്ഞു.