പരിക്കേറ്റ കടലാമകളെ പരിചരിച്ച്​ കടലിലെത്തിച്ചു

ദുബൈ: വംശനാശ ഭീഷണി നേരിടുന്ന കടലാമകൾക്ക്​ പുതു ജീവനൊരുക്ക​ുന്ന ജുമൈറയിലെ അൽ നസീം റിഹാബിലിറ്റേഷൻ ലഗൂൺ ദുബൈ കടലാമ പുനരധിവാസ പദ്ധതി (ഡി.ടി.ആർ.പി) മുഖേന  സംരക്ഷിച്ച്​ കടലിലെത്തിച്ച ആമകളുടെ എണ്ണം  1175 ആയി. ഇക്കുറി 76എണ്ണത്തെ പുനരധിവസിപ്പിക്കാൻ ദുബൈ ബ്രിട്ടീഷ്​ സ്​കൂളിലെ ഇളം കൈകളുടെ താങ്ങുമുണ്ടാക്കി കൂട്ടിന്​. കടലിലേക്കയച്ച ആമകളെ ഉപഗ്രഹ സഹായത്തോടെ നിരീക്ഷിക്കാനും അവയുടെ പുരോഗതി ഒാൺലൈനിൽ അറിയാനും സംവിധാനം തയ്യാറാക്കിയിട്ടുണ്ട്​.

മറൈൻ ബയോളജിസ്​റ്റ്​ വാറൻ ബാവെർസ്​റ്റോക്കി​​​െൻറ നേതൃത്വത്തിലെ സംഘമാണ്​ ആമകളുടെ രക്ഷാ പ്രവർത്തനത്തിന്​ ചുക്കാൻ പിടിക്കുന്നത്​.  75 ഹോക്ക്​ ബിൽ ഇനത്തിൽ പെട്ട ആമകളും ഒരു ഒലിവ്​ റിഡ്​ലി പെണ്ണാമയുമാണ്​  ഇക്കുറി പുനരധിവസിപ്പിക്കപ്പെട്ടത്​. ഒലീവ്​ റിഡ്​ലികൾ അറബിക്കടലിൽ അപൂർവമാണെന്നും ഒമാനിലെ മസീറ ദ്വീപിലാണ്​ അവ കൂടുകൂട്ടുകയെന്നും ബാവെർസ്​റ്റോക്ക്​ പറയുന്നു.

 കടലാമകളെയ​ും കുഞ്ഞുങ്ങളെയും ഒറ്റപ്പെ​േട്ടാ പരിക്കുപറ്റിയ നിലയിലോ കാണുന്ന പൊതുജനങ്ങളും പരിസ്​ഥിതി പ്രവർത്തകരുമാണ്​ പുനരധിവാസ സംഘത്തെ വിവരമറിയിക്കുന്നത്​. ഡിസംബർ മുതൽ ഫെബ്രുവരി വരെയുള്ള മാസങ്ങളിൽ കാലാവസ്​ഥാ മാറ്റത്തെ തുടർന്ന്​ കുഞ്ഞനാമകളാണ്​ കരക്കടിയാറ്​. പ്ലാസ്​റ്റിക്​ മാലിന്യങ്ങൾ ഭക്ഷിച്ചും ബോട്ടുകൾ തട്ടി പരിക്കു പറ്റിയും അവശനിലയിലായും പുറം തോട്​ പൊട്ടിയും ആമകളെയും പലപ്പോഴും കണ്ടുകിട്ടാറുണ്ട്​.

അവ​െയ ആദ്യ ഘട്ടത്തിൽ പ്രത്യേകമായി തയ്യാറാക്കിയ ലഗൂണിലാണ്​ സൂക്ഷിക്കുക. സുഖം പ്രാപിക്കുകയും കാലാവസ്​ഥ അനുകൂലമാവുകയും ചെയ്​ത ശേഷം കടൽ വെള്ളത്തിലൊഴുക്കുകയും ഉപഗ്രഹ ടാഗിംഗ്​ വഴി നീക്കങ്ങൾ നിരീക്ഷിക്കുകയുമാണ്​ രീതി. കടലിലേക്ക്​ മടക്കുന്ന ചടങ്ങിന്​   യു.എ.ഇ പരിസ്​ഥിതി^കാലാവസ്​ഥ മാറ്റ മന്ത്രി ഡോ. താനിഅൽ സയൂദിയുമെത്തിയിരുന്നു.