അ​ബൂ​ദ​ബി സ​മ്പ​ദ്​​വ്യ​വ​സ്​​ഥ​യു​ടെ ‘ടു​മോ​റോ 2021 പ്ലാ​ൻ’ ​പ്ര​ഖ്യാ​പി​ച്ചു

അ​ബൂ​ദ​ബി: അ​ബൂ​ദ​ബി എ​മി​റേ​റ്റി​​നെ കൂ​ടു​ത​ൽ സ​മൃ​ദ്ധ​മാ​യ ഭാ​വി​യി​ലേ​ക്ക്​ ന​യി​ക്കു​ന്ന​തി​ന്​ വേ​ ണ്ടി ‘ടു​മോ​റോ 2021 പ്ലാ​ൻ’ എ​ന്ന ബാ​ന​റി​ലു​ള്ള സാ​മ്പ​ത്തി​ക പ​രി​ഷ്​​ക​ണ പ​ദ്ധ​തി​ക​ൾ അ​ബൂ​ദ​ബി കി​രീ​ടാ​വ​കാ​ശി​യും യു.​എ.​ഇ സാ​യു​ധ സേ​നാ ഡെ​പ്യൂ​ട്ടി സു​പ്രീം ക​മാ​ൻ​ഡ​റു​മാ​യ ജ​ന​റ​ൽ ശൈ​ഖ് മു​ഹ​മ്മ​ദ് ബി​ൻ സാ​യി​ദ് ആ​ൽ ന​ഹ്​​യാ​ൻ ഞാ​യ​റാ​ഴ്​​ച പ്ര​ഖ്യാ​പി​ച്ചു. യു.​എ.​ഇ പൗ​ര​ന്മാ​ർ, പ്ര​വാ​സി​ക​ൾ, നി​ക്ഷേ​പ​ക​ർ എ​ന്നി​വ​രു​ടെ മു​ൻ​ഗ​ണ​ന​ക​ൾ പ്ര​തി​ഫ​ലി​പ്പി​ക്കു​ന്ന 50 സം​രം​ഭ​ങ്ങ​ൾ ഉ​ൾ​ക്കൊ​ള്ളു​ന്ന​താ​ണ്​ ‘ടു​മോ​റോ 2021 പ്ലാ​ൻ’ എ​ന്ന്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ പ​റ​ഞ്ഞു. നി​ക്ഷേ​പം ഉ​ത്തേ​ജി​പ്പി​ക്കാ​നും തൊ​ഴി​ലു​ക​ൾ സൃ​ഷ്​​ടി​ക്കാ​നും ന​വീ​ന ആ​ശ​യ​ങ്ങ​ളെ പ്രോ​ത്സാ​ഹി​പ്പാ​ക്കാ​നും എ​മി​റേ​റ്റി​ലെ ജീ​വി​ത​ത്തി​െ​ൻ​റ ​െമാ​ത്ത​ത്തി​ലു​ള്ള നി​ല​വാ​രം വ​ർ​ധി​പ്പി​ക്കാ​നും ല​ക്ഷ്യ​മി​ട്ട്​ എ​ണ്ണ​യ​ന​ന്ത​ര ലോ​ക​ത്തെ ഭാ​വി സ​മ്പ​ദ്​​വ്യ​വ​സ്​​ഥ​ക്കു​ള്ള കാ​ഴ്​​ച​പ്പാ​ട്​ രൂ​പ​വ​ത്​​ക​രി​ക്കു​ന്ന​തി​നു​ള്ള ആ​സൂ​ത്ര​ണ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യാ​ണ്​ ഇൗ ​ന​ട​പ​ടി. മൂ​ന്ന്​ വ​ർ​ഷ​ത്തേ​ക്കു​ള്ള 5000 കോ​ടി ദി​ർ​ഹ​ത്തി​െ​ൻ​റ സാ​മ്പ​ത്തി​ക ഉ​ത്തേ​ജ​ന പാ​ക്കേ​ജി​െ​ൻ​റ ഭാ​ഗ​മാ​യു​ള്ള വ്യാ​പ​ക​മാ​യ സാ​മ്പ​ത്തി​ക പ​രി​ഷ്​​കാ​ര ന​ട​പ​ടി​ക​ൾ സ്വീ​ക​രി​ക്കാ​ൻ സ​ർ​ക്കാ​ർ ഉ​ദ്യോ​ഗ​സ്​​ഥ​ർ​ക്ക്​ 90 ദി​വ​സ​ത്തെ സ​മ​യ​പ​രി​ധി നി​ശ്ച​യി​ച്ചി​ട്ടു​ണ്ടെ​ന്നും ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ട്വി​റ്റ​റി​ൽ കു​റി​ച്ചു.
2019ലെ ​വി​ക​സ​ന പാ​ക്കേ​ജു​ക​ൾ​ക്ക്​ വേ​ണ്ടി 2000 കോ​ടി ദി​ർ​ഹം അ​നു​വ​ദി​ക്കു​മെ​ന്നും അ​ദ്ദേ​ഹം വ്യ​ക്​​ത​മാ​ക്കി. ബി​സി​ന​സ്​^​നി​ക്ഷേ​പം, സ​മൂ​ഹം, വി​ജ​ഞാ​നം^​ന​വീ​ന ആ​ശ​യം, ജീ​വി​ത​രീ​തി എ​ന്നീ നാ​ല്​ മു​ഖ്യ അ​ടി​സ്​​ഥാ​ന​ങ്ങ​ളെ ആ​ധാ​ര​മാ​ക്കി അ​ബൂ​ദ​ബി​യു​ടെ മി​ക​വ്​ വ​ർ​ധി​പ്പി​ക്കു​ക​യാ​ണ്​ ‘ടു​മോ​റോ 2021 പ്ലാ​ൻ’ ല​ക്ഷ്യ​മാ​ക്കു​ന്ന​ത്. ബി​സി​ന​സ്​ സാ​ഹ​ച​ര്യം മെ​ച്ച​പ്പെ​ടു​ത്തു​ക എ​ന്ന ഉ​ദ്ദേ​ശ്യ​ത്തോ​ടെ പ്ലാ​നി​െ​ൻ​റ ഒ​ന്നാം ഘ​ട്ടം ആ​രം​ഭി​ച്ചി​ട്ടു​ണ്ട്. ചെ​ല​വ്​ കു​റ​ക്കാ​ൻ സ​ഹാ​യി​ക്കു​ന്ന ത​ര​ത്തി​ൽ ഒാ​ഫി​സു​ക​ളോ പ്ര​ത്യ​ക്ഷ സാ​ന്നി​ധ്യ​മോ ഇ​ല്ലാ​തെ ബി​സി​ന​സ്​ ആ​രം​ഭി​ക്കാ​വു​ന്ന ‘താ​ജി​ർ അ​ബൂ​ദ​ബി ഗോ​ൾ​ഡ​ൻ പാ​ക്കേ​ജ്​’ ഗ​ൾ​ഫ്​ രാ​ജ്യ​ങ്ങ​ളി​ലെ പൗ​ര​ന്മാ​ർ​ക്കും യു.​എ.​ഇ​യി​ലെ പ്ര​വാ​സി​ക​ൾ​ക്കും വേ​ണ്ടി വി​ശാ​ല​മാ​ക്കി​യ​ത്​ ഒ​രു ഉ​ദാ​ഹ​ര​ണ​മാ​ണ്.
രാ​ജ്യ​ത്തി​െ​ൻ​റ കു​ടി​യേ​റ്റ സം​വി​ധാ​ന​ത്തി​ൽ വ​ലി​യ മാ​റ്റ​ങ്ങ​ളാ​ണ്​ മ​ര​ന്തി​സ​ഭ പ്ര​ഖ്യാ​പി​ച്ചി​ട്ടു​ള്ള​ത്. ഡോ​ക്​​ട​ർ​മാ​ർ, എ​ൻ​ജി​നീ​യ​ർ​മാ​ർ തു​ട​ങ്ങി​യ പ്ര​ധാ​ന തൊ​ഴി​ലെ​ടു​ക്കു​ന്ന​വ​ർ​ക്കും അ​വ​രു​ടെ കു​ടും​ബ​ത്തി​നും ദീ​ർ​ഘ​കാ​ലം രാ​ജ്യ​ത്ത്​ താ​മ​സി​ക്കാ​ൻ ക​ഴി​യു​ന്ന ത​ര​ത്തി​ൽ പ​ത്ത്​ വ​ർ​ഷം വ​രെ കാ​ലാ​വ​ധി​യു​ള്ള വി​സ​ക്ക്​ അ​പേ​ക്ഷി​ക്കാ​ൻ സാ​ധി​ക്കും.
ഭാ​വി​ക്ക്​ വേ​ണ്ടി എ​മി​റേ​റ്റി​​നെ സ​ജ്ജ​മാ​ക്കു​ന്ന​തി​ന്​ നാ​ല്​ സാ​മ്പ​ത്തി​ക ഉ​പാ​ധി​ക​ൾ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ മു​ന്നോ​ട്ട്​ വെ​ച്ച​താ​യി ‘വാം’ ​ന്യൂ​സ്​ ഏ​ജ​ൻ​സി റി​പ്പോ​ർ​ട്ട്​ ചെ​യ്​​തു. ബി​സി​ന​സും നി​ക്ഷേ​പ​വും ഉ​ത്തേ​ജി​പ്പി​ക്കു​ക​യും സ്വ​കാ​ര്യ മേ​ഖ​​ല​ക്കും ചെ​റു​കി​ട ബി​സി​ന​സി​നു​മാ​യി സാ​മ്പ​ത്തി​ക വി​ക​സ​നം പ്രോ​ത്സാ​ഹി​പ്പി​ക്കു​ക​യും ചെ​യ്യു​​ന്ന​തോ​ടൊ​പ്പം ബ​ദ​ൽ ഉൗ​ർ​ജ മേ​ഖ​ല​ക്ക്​ സ​ഹാ​യ​ക​മാ​കു​ന്ന പ​ദ്ധ​തി​ക​​ളെ പി​ന്തു​ണ​ക്കു​ക​യും ചെ​യ്യു​ക എ​ന്ന​താ​ണ്​ ഇ​തി​ൽ ആ​ദ്യ​ത്തേ​ത്. പു​തി​യ ഭ​വ​ന​പ​ദ്ധ​തി​ക​ൾ അ​വ​ത​രി​പ്പി​ച്ചും മി​ത​മാ​യ ചെ​ല​വി​ൽ ഗു​ണ​മേ​ന്മ​യു​ള്ള വി​ദ്യാ​ഭ്യാ​സം ല​ഭ്യ​മാ​ക്കി​യും യു.​എ.​ഇ പൗ​ര​ന്മാ​ർ​ക്ക്​ തൊ​ഴി​ൽ ഉ​റ​പ്പാ​ക്കു​ക എ​ന്ന​താ​ണ്​ ര​ണ്ടാ​മ​ത്തെ ഉ​പാ​ധി. മൂ​ന്നാ​മ​ത്തേ​ത്​ സാ​േ​ങ്ക​തി​ക​വി​ദ്യ ക​മ്പ​നി​ക​ൾ, ഗ​വേ​ഷ​ണം, വി​ക​സ​ന കേ​ന്ദ്ര​ങ്ങ​ൾ, പ​രി​ശീ​ല​നം തു​ട​ങ്ങി​യ​വ പ്രോ​ത്സാ​ഹി​പ്പി​ച്ചു​കൊ​ണ്ട്​ വൈ​ജ്ഞാ​നി​ക മേ​ഖ​ല​യു​ടെ വി​ക​സ​ന​ത്തി​ൽ കേ​ന്ദ്രീ​ക​രി​ക്കു​ന്ന​താ​ണ്. വി​നോ​ദ^​സാം​സ്​​കാ​രി​ക^​കാ​യി​ക പ്ര​വ​ർ​ത്ത​ന​ങ്ങ​ൾ മെ​ച്ച​പ്പെ​ടു​ത്തി​യും ഗ​താ​ഗ​തം, ആ​ശ​യ​വി​നി​മ​യം, ന​ഗ​ര​വി​ക​സ​നം തു​ട​ങ്ങി​യ അ​ടി​സ്​​ഥാ​ന സൗ​ക​ര്യ വ​കി​സ​നം ന​ട​പ്പാ​ക്കി​യും അ​ബൂ​ദ​ബി​യി​ലെ ജീ​വി​ത​നി​ല​വാ​രം ഉ​യ​ർ​ത്തു​ക​യെ​ന്ന​താ​ണ്​ നാ​ലാ​മ​ത്തെ ല​ക്ഷ്യം.