ഇന്ന്​ അധ്യാപക ദിനം: നളിനി ടീച്ചർ, ആ പേര്​ എങ്ങനെ മറക്കും

മ​റ്റൊ​രു അ​ധ്യാ​പ​ക​ദി​നം​കൂ​ടി​യെ​ത്തു​ന്നു. അ​ധ്യാ​പി​ക​യു​ടെ ക​സേ​ര​യി​ലേ​ക്ക്​ എ​ന്നെ കൈ​പി​ടി​ച്ചു​യ​ർ​ത്തി​യ ഗു​രു​ക്ക​ൻ​മാ​രെ ഓ​ർ​ക്കാ​തെ ഒ​രു അ​ധ്യാ​പ​ക ദി​ന​വും പൂ​ർ​ണ​മാ​വി​ല്ല. ഒ​ന്നാം ക്ലാ​സി​ൽ മ​ഞ്ചേ​രി ടൗ​ണി​ലെ സെൻറ് ജ​മ്മാ​സ് മി​ഷ​ൻ സ്കൂ​ളി​ലേ​ക്ക് അ​ലു​മി​നി​യം​പെ​ട്ടി പോ​ല​ത്തെ സ്കൂ​ൾ ബാ​ഗും നീ​ല നി​റ​ത്തി​ലു​ള്ള വ​ള്ളി​പ്പാ​വാ​ട​യും വെ​ള്ള ഷ​ർ​ട്ടും ഇ​ട്ട് അ​ച്ഛ​െൻറ ചെ​റി​യ പെ​ങ്ങ​ളു​ടെ കൈ ​പി​ടി​ച്ച് വേ​ഗ​ത്തി​ൽ റോ​ഡ് മു​റി​ച്ചു​ക​ട​ക്കു​ന്ന​താ​ണ്​ എ​െൻറ കു​ട്ടി​ക്കാ​ല ഓ​ർ​മ. ആ ​സ്കൂ​ളി​ലെ മി​ല​ൻ എ​ന്ന മെ​ലി​ഞ്ഞു വെ​ളു​ത്ത ക​ണ​ക്ക് ടീ​ച്ച​റു​ടെ മു​ഖം ഇ​പ്പോ​ഴും ഓ​ർ​ക്കു​ന്നു. എ​പ്പോ​ഴും ദേ​ഷ്യം ഉ​ള്ള​തു​പോ​ലെ ആ​യി​രു​ന്നു.

മ​ഞ്ചേ​രി മി​ല​ൻ എ​ന്ന പേ​രി​ൽ തു​ണി​ക്ക​ട​യും ഉ​ണ്ടാ​യി​രു​ന്ന​തി​നാ​ലാ​ണ്​ ആ ​പേ​ര്​ ഇ​പ്പോ​ഴും ഓ​ർ​മ​യി​ലു​ള്ള​ത്. ര​ണ്ടും മൂ​ന്നും ക്ലാ​സു​ക​ൾ ആ​ല​ത്തി​യൂ​ർ പൂ​ഴി​ക്കു​ന്ന് എ​ൽ.​പി സ്കൂ​ളി​ൽ. ത​വി​ട് അ​ധി​കം ക​ള​യാ​തെ ഇ​ടി​ച്ച ക​ട്ട​മോ​ട​ൻ അ​രി​കൊ​ണ്ട് ഉ​ണ്ടാ​ക്കു​ന്ന പ​ല​ഹാ​ര​വും ക​ഴി​ച്ച്​ തു​ണി​സ​ഞ്ചി​യും തൂ​ക്കി​യാ​യി​രു​ന്നു സ്​​കൂ​ളി​ലേ​ക്കു​ള്ള യാ​ത്ര. വീ​ട് സ്കൂ​ളി​െൻറ അ​ടു​ത്ത് ആ​യ​തി​നാ​ൽ ആ​ദ്യം സ്കൂ​ളി​ൽ എ​ത്തു​ന്ന വി​ല്ല​ത്തി​ക​ൾ ഞ​ങ്ങ​ൾ ത​ന്നെ ആ​യി​രു​ന്നു. വ​ള​രെ വൈ​കാ​തെ ഇ​ര​ട്ട കു​ട്ടി​ക​ൾ ആ​യ ആ​യി​ഷ​യും ആ​മി​ന​യും എ​ത്തും. ആ​ദ്യ​ത്തെ പി​രി​യ​ഡ് എ​ന്നും മ​ല​യാ​ള​മാ​ണ്. മ​ല​യാ​ളം പാ​ഠാ​വ​ലി​യി​ൽ നി​ന്ന് ടീ​ച്ച​ർ ഉ​ച്ച​ത്തി​ൽ ചൊ​ല്ലും

'പ​ല​പ​ല നാ​ളു​ക​ൾ ഞാ​നൊ​രു പു​ഴു​വാ​യ്

പ​വി​ഴ​ക്കൂ​ട്ടി​ലു​റ​ങ്ങി

ഇ​രു​ളും വെ​ട്ട​വു​മ​റി​യാ​ത​ങ്ങ​നെ

ഇ​രു​ന്നു നാ​ളു​ക​ൾ നീ​ക്കി'........

ഇ​ട​വേ​ള​യ്ക്ക് ആ ​ക​വി​ത മ​ന​സ്സി​ൽ ഓ​ർ​ത്തു​കൊ​ണ്ട് ഞ​ങ്ങ​ൾ ഓ​രോ ചെ​ടി​യു​ടെ​യും അ​ടി​യി​ൽ അ​രു​മ​ക്കി​ങ്ങി​ണി​യു​ണ്ടോ എ​ന്ന് തേ​ടി ന​ട​ക്കും. നാ​ലാം ക്ലാ​സി​ൽ വീ​ണ്ടും തി​രി​ച്ച് അ​ച്ഛ​ൻ വീ​ടാ​യ മ​ഞ്ചേ​രി എ​ത്തി. വാ​യ​പ്പാ​റ​പ്പ​ടി സ്കൂ​ളി​ൽ ചേ​ർ​ന്നു. മ​ല​യാ​ള സാ​ഹി​ത്യ​ത്തി​ൽ മ​ഹാ​കാ​വ്യം എ​ഴു​തി ശ്ര േ​ദ്ധ​യ​നാ​യ കൈ​ത​ക്ക​ൽ ജാ​ത​വേ​ദ​ൻ ന​മ്പൂ​തി​രി ആ​യി​രു​ന്നു മ​ല​യാ​ളം അ​ധ്യാ​പ​ക​ൻ. ചൂ​ര​ൽ​ക്ക​ഷാ​യം ഏ​റെ കി​ട്ടി​യ​തും അ​ദ്ദേ​ഹ​ത്തി​ൽ​നി​ന്നു ത​ന്നെ. തോ​മ​സ് മാ​ഷ്, ത്രേ​സ്യാ​മ്മ ടീ​ച്ച​ർ അ​ങ്ങ​നെ ഏ​റെ സ്നേ​ഹ​വും ഭ​യ​വും തോ​ന്നി​യി​രു​ന്ന ബ​ന്ധ​ങ്ങ​ൾ.

അ​ഞ്ചു​മു​ത​ൽ പ​ത്തു​വ​രെ മ​ഞ്ചേ​രി ഹി​ദാ​യ​ത്തു​ൽ മു​സ്‌​ലി​മി​ൻ യ​ത്തീം​ഖാ​ന സ്കൂ​ളി​ൽ. അ​തൊ​രു വ​ല്ലാ​ത്ത കാ​ല​മാ​യി​രു​ന്നു. ഒ​രു​പാ​ട് കൂ​ട്ടു​കാ​ർ, ന​ല്ല അ​ധ്യാ​പ​ക​ർ, ഓ​ടി​ച്ചാ​ടി ക​ളി​ച്ചു ന​ട​ക്കാ​ൻ ഉ​ള്ള സ്വാ​ത​ന്ത്ര്യം. ഏ​റ്റ​വും ഇ​ഷ്​​ട​പ്പെ​ട്ട വി​ഷ​യം മ​ല​യാ​ള​വും ച​രി​ത്ര​വും ആ​യി​രു​ന്നു. ആ ​ക്ലാ​സ​നു​ഭ​വ​ങ്ങ​ൾ ആ​ണ് ഒ​രു അ​ധ്യാ​പി​ക​യാ​വാ​നു​ള്ളി​ൽ മോ​ഹ​മു​ദി​പ്പി​ച്ച കാ​ല​വും.

ഞ​ങ്ങ​ളു​ടെ ന​ളി​നി ടീ​ച്ച​റെ എ​ങ്ങ​നെ മ​റ​ക്കാ​നാ​കും. ക​ഞ്ഞി​പ്പ​ശ​മു​ക്കി​യ ഇ​ളം​നി​റ​ത്തി​ലു​ള​ള കോ​ട്ട​ൺ സാ​രി​യു​മു​ടു​ത്ത് പു​ല​ർ​ക്കാ​ല തെ​ളി​മ​പോ​ലെ നേ​ർ​മ​യു​ള​ള സു​ഗ​ന്ധ​ത്തോ​ടെ ക്ലാ​സി​ലെ​ത്തും. ചു​വ​ന്ന വ​ട്ട​പ്പൊ​ട്ടും നേ​ർ​ത്ത ച​ന്ദ​ന​ക്കു​റി​യും തൊ​ട്ട പ്ര​സ​ന്ന​വ​ദ​ന​യാ​യി. നീ​ള​മു​ള്ള മു​ടി വെ​റു​തെ​യൊ​ന്നു ഇ​ഴ​പി​രി​ച്ചു തു​മ്പു​കെ​ട്ടി അ​തി​നി​ട​യി​ൽ ഒ​രു തു​ള​സി​ക്ക​തി​രോ ഒ​രു ചെ​മ്പ​ക​മോ ചേ​ർ​ത്തു​വ​ക്കും. ഒ​രൊ​റ്റ മു​ടി​യി​ഴ​യി​ൽ വീ​ഴാ​തെ നി​ൽ​ക്കു​ന്ന ചെ​മ്പ​ക​പ്പൂ​വ് നോ​ക്കി ഞ​ങ്ങ​ൾ അ​ദ്ഭു​ത​ത്തോ​ടെ ഇ​രി​ക്കും. ടീ​ച്ച​റു​ടെ മ​നോ​ഹ​ര​മാ​യ പ​തി​ഞ്ഞ ശ​ബ്​​ദം. എ​പ്പോ​ഴും ചി​രി​ച്ച മു​ഖം. വ​ല്ലാ​ത്ത ആ​രാ​ധ​ന​യാ​യി​രു​ന്നു എ​നി​ക്ക്. അ​ടു​ത്ത് വ​രു​മ്പോ​ൾ ആ ​സാ​രി​യൊ​ന്ന് തൊ​ടാ​ൻ, ഹാ​ജ​ർ വി​ളി​ക്കു​മ്പോ​ൾ കൈ​പൊ​ക്കി മു​ഖ​ത്ത് നോ​ക്കി ചി​രി​ക്കാ​ൻ. ടീ​ച്ച​റു​ടെ ഓ​രോ നോ​ട്ട​ത്തി​ലു​മു​ണ്ടാ​യി​രു​ന്നു എ​ന്നും സ്കൂ​ളി​ൽ വ​രാ​ൻ തോ​ന്നി​ക്കു​ന്ന ഊ​ർ​ജം. ഇ​ത്ര​മേ​ൽ ഇ​ഷ്​​ടം തോ​ന്നി​യ ഒ​ര​ധ്യാ​പി​ക​യും എ​നി​ക്ക് കു​ഞ്ഞോ​ർ​മ​ക​ളി​ൽ വേ​റെ​യി​ല്ല. ഞ​ങ്ങ​ളെ പ​ഠി​പ്പി​ച്ച അ​ധ്യാ​പ​ക​ർ​ക്ക് കു​ട്ടി​ക​ളോ​ടു​ണ്ടാ​യി​രു​ന്ന ക​രു​ത​ലും സ്നേ​ഹ​വും ത​ന്നെ​യാ​ണ് ഞാ​നു​ൾ​പ്പെ​ടെ​യു​ള​ള ടീ​ച്ച​റു​ടെ ശി​ഷ്യ​ഗ​ണ​ത്തി​ൽ​പെ​ട്ട അ​ധ്യാ​പ​ക സു​ഹൃ​ത്തു​ക്ക​ൾ​ക്ക് ജീ​വി​ത​ത്തി​ൽ മു​ന്നോ​ട്ടു​നീ​ങ്ങാ​നു​ള്ള ക​രു​ത്തു​പ​ക​രു​ന്ന​ത്.