ടോസ്​റ്റ്​ മാസ്​റ്റേഴ്സ് വിജയികൾ

ദുബൈ: ലോകമലയാളം ടോസ്​റ്റ്​മാസ്​റ്റേഴ്സ് നടത്തിയ അന്താരാഷ്​ട്ര മലയാള പ്രസംഗമത്സരത്തിൽ ഇന്ത്യ, യു.എസ്, സൗദി അറേബ്യ, യു.എ.ഇ, ബഹ്‌റൈൻ, കുവൈത്ത്​, ഖത്തർ, ഒമാൻ എന്നീ രാജ്യങ്ങളിൽനിന്നുള്ളവർ പ​ങ്കെടുത്തു. അന്താരാഷ്​ട്ര പ്രസംഗത്തിൽ ബോബി അബ്രഹാം (തേജസ്​ ടോസ്​റ്റ്​മാസ്​റ്റേഴ്സ് ക്ലബ് യു.എ.ഇ), പ്രസംഗ അവലോകനം മോഹനചന്ദ്രൻ (അനന്തപുരി ടോസ്​റ്റ്​മാസ്​റ്റേഴ്സ് ക്ലബ് ഇന്ത്യ), നർമപ്രസംഗം അമീനാ റസീൻ (എഫ്.സി.സി വനിതാ ടോസ്​റ്റ്​മാസ്​റ്റേഴ്സ് ക്ലബ് ഖത്തർ), തത്സമയ വിഷയ പ്രസംഗം അനൂപ് അനിൽ ദേവൻ (തേജസ്​ ടോസ്​റ്റ്​മാസ്​റ്റേഴ്സ് ക്ലബ് യു.എ.ഇ) എന്നിവർ ഒന്നാം സ്ഥാനം നേടി.

കവി വി. മധുസൂദനൻ നായർ, നോവലിസ്​റ്റ്​ ​പ്രഫ. ജോർജ് ഓണക്കൂർ എന്നിവർ മുഖ്യാതിഥികളായി. വിജി ജോൺ, ബിജു നായർ, ഷനിൽ പള്ളിയിൽ എന്നിവർ പരിപാടികൾക്ക് നേതൃത്വം നൽകി. മുൻ ലോക ടോസ്​റ്റ്​മാസ്​റ്റേഴ്സ് അന്താരാഷ്​ട്ര പ്രസംഗ മത്സരവിജയി മനോജ് വാസുദേവൻ പ​ങ്കെടുത്തു.അടുത്ത വർഷം ഖത്തറിലായിരിക്കും മത്സരമെന്ന്​ അധികൃതർ അറിയിച്ചു.