കണ്ടറിയണം; തരൂർ വീഴുമോ? വാഴുമോ?

റാ​സ​ൽ​ഖൈ​മ: പ്ര​വാ​സി വോ​ട്ട​വ​കാ​ശ​മെ​ന്ന​ത് മ​രീ​ചി​ക​യാ​യി തു​ട​രു​മ്പോ​ഴും ആ​വേ​ശം ഒ​ട്ടും ചോ​രാ​തെ ത​ങ്ങ​ളു​ടെ മു​ന്ന​ണി സ്ഥാ​നാ​ര്‍ഥി​ക​ള്‍ക്കു​വേ​ണ്ടി കൊ​ണ്ടും കൊ​ടു​ത്തു​മു​ള്ള പ്ര​ചാ​ര​ണ മു​ഖം തു​റ​ന്നി​രി​ക്കു​ക​യാ​ണ് യു.​എ.​ഇ​യി​ലെ പ്ര​വാ​സി​ക​ള്‍. ജ​ന​വി​ധി എ​ന്താ​കു​മെ​ന്ന് സ​ര്‍വ​രും ആ​കാം​ക്ഷ​യോ​ടെ കാ​തോ​ര്‍ക്കു​ന്ന സു​പ്ര​ധാ​ന മ​ണ്ഡ​ല​മാ​ണ് തി​രു​വ​ന​ന്ത​പു​രം. മ​ണ്ഡ​ല​ത്തി​ലെ തെ​ര​ഞ്ഞെ​ടു​പ്പ് ഫ​ല​ത്തെ​ക്കു​റി​ച്ച് ‘ഗ​ള്‍ഫ് മാ​ധ്യ​മ’​ത്തി​ന് വേ​ണ്ടി മ​ന​സ്സു​തു​റ​ക്കു​ക​യാ​ണ് തി​രു​വ​ന​ന്ത​പു​രം ലോ​ക്സ​ഭ മ​ണ്ഡ​ല​നി​വാ​സി​ക​ളി​ല്‍ ചി​ല​ര്‍.

വി​ശ്വ പൗ​ര​നാ​യ ശ​ശി ത​രൂ​രും വി​ശ്വ​സി​ക്കാ​വു​ന്ന പൗ​ര​നാ​യ പ​ന്ന്യ​ന്‍ ര​വീ​ന്ദ്ര​നും ഏ​റ്റു​മു​ട്ടു​ന്ന തി​രു​വ​ന​ന്ത​പു​രം ലോ​ക്സ​ഭ മ​ണ്ഡ​ല​ത്തി​ല്‍ നീ​തി​യും സ​ത്യ​വും പു​ല​രു​മെ​ന്ന് മൂ​ന്ന് പ​തി​റ്റാ​ണ്ടാ​യി യു.​എ.​ഇ​യി​ല്‍ പ്ര​വാ​സ​ജീ​വി​തം ന​യി​ക്കു​ന്ന തി​രു​വ​ന​ന്ത​പു​രം മ​ണ്ണ​ന്ത​ല സ്വ​ദേ​ശി​യും സി.​പി.​എം പ്ര​വ​ര്‍ത്ത​ക​നു​മാ​യ സു​രേ​ഷ് കൃ​ഷ്ണ അ​ഭി​പ്രാ​യ​പ്പെ​ട്ടു. 2019 ആ​വ​ര്‍ത്തി​ക്കി​ല്ല.

മ​നു​ഷ്യ മ​ന​സ്സു​ക​ളെ അ​ക​റ്റി ചേ​രി​തി​രി​വ് സൃ​ഷ്ടി​ക്കാ​ന്‍ ല​ക്ഷ്യ​മി​ടു​ന്ന​വ​ര്‍ക്ക് മ​നു​ഷ്യ​പ​ക്ഷ​ത്ത് നി​ല​യു​റ​പ്പി​ക്കു​ന്ന തി​രു​വ​ന​ന്ത​പു​ര​ത്തെ ജ​ന​ങ്ങ​ള്‍ക്ക് മു​ന്നി​ല്‍ കാ​ലി​ട​റും, അ​വ​ര്‍ വി​ശ്വ​സി​ക്കാ​വു​ന്ന പൗ​ര​നെ വി​ജ​യി​പ്പി​ക്കും. മാ​ന​വി​ക​മാ​യ നേ​ര്‍സാ​ക്ഷ്യ​ങ്ങ​ള്‍ കാ​ണു​ക​യും അ​നു​ഭ​വി​ക്കു​ക​യും ചെ​യ്യു​ന്ന​വ​രാ​ണ് തി​രു​വ​ന​ന്ത​പു​ര​ത്തെ വോ​ട്ട​ര്‍മാ​ര്‍. ഇ​ത് തെ​ര​ഞ്ഞെ​ടു​പ്പ് ഫ​ല​ത്തി​ല്‍ പ്ര​തി​ഫ​ലി​ക്കു​മെ​ന്നും സു​രേ​ഷ് കൃ​ഷ്ണ പ​റ​ഞ്ഞു.

കോ​ണ്‍ഗ്ര​സു​കാ​ര​നാ​യ​ല്ല, ക​ക്ഷി​രാ​ഷ്ട്രീ​യ​ത്തി​ന​തീ​ത​മാ​യാ​ണ് ശ​ശി ത​രൂ​രി​നെ തി​രു​വ​ന​ന്ത​പു​ര​ത്തെ ജ​നം കാ​ണു​ന്ന​തെ​ന്ന് 20 വ​ര്‍ഷ​മാ​യി ഷാ​ര്‍ജ​യി​ലു​ള്ള തി​രു​വ​ന​ന്ത​പു​രം ക​ട​ക​മ്പ​ള്ളി സ്വ​ദേ​ശി​യും കോ​ണ്‍ഗ്ര​സ് പ്ര​വ​ര്‍ത്ത​ക​നു​മാ​യ ബി​ജോ​യ് ദാ​സ് പ​റ​ഞ്ഞു. തി​രു​വ​ന​ന്ത​പു​രം ജി​ല്ല​ക്ക് മാ​ത്ര​മ​ല്ല, ഇ​ന്ത്യ​യു​ടെ​ത​ന്നെ ആ​വ​ശ്യ​മാ​ണ് ലോ​ക പൗ​ര​നാ​യ ശ​ശി ത​രൂ​ര്‍ പാ​ര്‍ല​മെ​ന്‍റി​ല്‍ ഉ​ണ്ടാ​ക​ണ​മെ​ന്ന​ത്. ഭി​ന്നി​പ്പി​ച്ച് ഭ​രി​ക്കു​ക​യെ​ന്ന ബ്രി​ട്ടീ​ഷ് ത​ന്ത്രം പ​യ​റ്റു​ന്ന ക​ക്ഷി​ക​ളെ തി​രു​വ​ന​ന്ത​പു​ര​ത്തെ ജ​നം അ​ക​റ്റി​നി​ര്‍ത്തും. തി​രു​വ​ന​ന്ത​പു​ര​ത്തു​നി​ന്ന് ശ​ശി ത​രൂ​ര്‍ ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ടു​മെ​ന്ന​തി​ല്‍ സം​ശ​യ​മേ​തു​മി​ല്ലെ​ന്നും ബി​ജോ​യ് ദാ​സ് പ​റ​യു​ന്നു.

എ​ല്‍.​ഡി.​എ​ഫ്- യു.​ഡി.​എ​ഫ് ക​ക്ഷി​ക​ള്‍ കാ​ല​ങ്ങ​ളാ​യി ജ​ന​ങ്ങ​ളെ ക​ബ​ളി​പ്പി​ക്കു​ന്ന​തി​നു​ള്ള മ​റു​പ​ടി​യാ​യി എ​ന്‍.​ഡി.​എ മു​ന്ന​ണി​ക്ക് തി​രു​വ​ന​ന്ത​പു​രം ലോ​ക്സ​ഭ മ​ണ്ഡ​ല​ത്തി​ലെ വോ​ട്ട​ര്‍മാ​ര്‍ വി​ജ​യം സ​മ്മാ​നി​ക്കു​മെ​ന്ന് 35 വ​ര്‍ഷ​മാ​യി യു.​എ.​ഇ​യി​ലു​ള്ള ബി.​ജെ.​പി എ​ന്‍.​ആ​ര്‍.​ഐ സെ​ല്‍ മു​ന്‍ സം​സ്ഥാ​ന ക​ണ്‍വീ​ന​റും തി​രു​വ​ന​ന്ത​പു​രം പി.​ടി.​പി ന​ഗ​ര്‍ സ്വ​ദേ​ശി​യു​മാ​യ ഹ​രി​കു​മാ​ര്‍ അ​ഭി​പ്രാ​യ​പ്പെ​ട്ടു. ക​ഴി​വും യോ​ഗ്യ​ത​യു​മു​ള്ള സ്ഥാ​നാ​ര്‍ഥി​യാ​ണ് രാ​ജീ​വ് ച​ന്ദ്ര​ശേ​ഖ​ര്‍. ഇ​ക്കു​റി ശ​ശി ത​രൂ​രി​നെ ജ​നം ത​ള്ളും.

രാ​ജ്യ​ത്തി​ന​ക​ത്തും പു​റ​ത്തു​മു​ള്ള ഇ​ന്ത്യ​ക്കാ​ര്‍ക്ക് ആ​ത്മ​വി​ശ്വാ​സം ന​ല്‍കു​ന്ന ന​യ​മാ​ണ് മോ​ദി സ​ര്‍ക്കാ​ര്‍ പു​ല​ര്‍ത്തി​വ​രു​ന്ന​ത്. തി​രു​വ​ന​ന്ത​പു​ര​ത്തെ വോ​ട്ട​ര്‍മാ​ര്‍ ഇ​ത് തി​രി​ച്ച​റി​ഞ്ഞ് രാ​ജീ​വ് ച​ന്ദ്ര​ശേ​ഖ​റി​നെ വി​ജ​യി​പ്പി​ക്കു​മെ​ന്നും ഹ​രി​കു​മാ​ര്‍ പ​റ​യു​ന്നു.

തി​രു​വ​ന​ന്ത​പു​രം ലോ​ക്സ​ഭാ മ​ണ്ഡ​ല​ത്തി​ല്‍ ശ​ശി ത​രൂ​രി​ന് ത​ന്നെ​യാ​ണ് ഇ​ക്കു​റി​യും വി​ജ​യ സാ​ധ്യ​ത​യെ​ന്നാ​ണ് 25 വ​ര്‍ഷ​മാ​യി യു.​എ.​ഇ​യി​ല്‍ പ്ര​വാ​സ ജീ​വി​തം ന​യി​ക്കു​ന്ന കു​മാ​ര​പു​രം സ്വ​ദേ​ശി അ​ഡ്വ. ഷാ​ന​വാ​സി​ന്‍റെ പ​ക്ഷം. ചി​ല പ്ര​സ്താ​വ​ന​ക​ള്‍ ന്യൂ​ന​പ​ക്ഷ വി​ഭാ​ഗ​ങ്ങ​ള്‍ക്കി​ട​യി​ല്‍ ശ​ശി ത​രൂ​രി​നെ​തി​രെ അ​തൃ​പ്തി​യു​ണ്ടെ​ങ്കി​ലും അ​ത് പോ​ളി​ങ്ങി​ല്‍ പ്ര​തി​ഫ​ലി​ക്കാ​നി​ട​യി​ല്ല.

നേ​ര​ത്തേ തി​രു​വ​ന​ന്ത​പു​ര​ത്തു​നി​ന്ന് ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടി​ട്ടു​ള്ള പ​ന്ന്യ​ന്‍ ര​വീ​ന്ദ്ര​ന്‍ രം​ഗ​ത്തു​ള്ള​ത് മ​ത്സ​രം ക​ടു​പ്പ​മാ​ക്കു​ന്നു​ണ്ട്. എ​ന്‍.​ഡി.​എ സ്ഥാ​നാ​ര്‍ഥി രാ​ജീ​വ് ച​ന്ദ്ര​ശേ​ഖ​റി​ന് ന​ല്ല വോ​ട്ടു​ക​ള്‍ പി​ടി​ക്കാ​നാ​കും. എ​ന്നാ​ൽ, ബി.​ജെ.​പി​യു​ടെ വി​ജ​യ കി​നാ​വ് ആ​വി​യാ​കു​മെ​ന്നും അ​ഡ്വ. ഷാ​ന​വാ​സ് പ​റ​യു​ന്നു.