കാർ ടയറുകൾ ​േമാഷ്​ടിച്ചു വിൽക്കുന്നവർ പിടിയിൽ 

ദുബൈ: പാർക്കിങ്​ സ്​ഥലത്തുനിന്ന്​ കാർ ടയറുകൾ മോഷ്​ടിച്ചു വിൽക്കുന്ന മൂവർ സംഘത്തെ പൊലീസ്​ പിടികൂടി. ഏഷ്യൻ വംശജരാണ്​ ഇവർ. അലക്ഷ്യമായി പാർക്ക്​ ചെയ്​തിരിക്കുന്നതും ആരുടെയും ശ്രദ്ധയിൽപെടാത്തതുമായ കാറുകളാണ്​ ഇവർ മോഷണത്തിന്​ തെരഞ്ഞെടുത്തിരുന്നത്​. മൂവർക്കും പരമാവധി ശിക്ഷ നൽകണമെന്ന്​ ബർ ദുബൈ പ്രൊസിക്യൂഷനിലെ സീനിയർ ചീഫ്​ പ്രൊസിക്യൂട്ടർ കൗൺസിലർ ഖാലിദ്​ സലീമ അൽ അലാവി കോടതിയോട്​ ആവശ്യപ്പെട്ടു. മൂർച്ചയേറിയ ആയുധങ്ങളുമായിട്ടാണ്​ ഇവർ കവർച്ചക്ക്​ ഇറങ്ങിയിരുന്നത്​. തടയാനെത്തുന്നവരെ ആക്രമിക്കാനാണ്​ ഇവ കൈയ്യിൽ കരുതിയിരുന്നതെന്നും അദ്ദേഹം ആരോപിച്ചു. മോഷ്​ടിക്കുന്ന ടയറുകൾ ആക്രി കടകളിൽ വിൽക്കുകയാണ്​ ഇവർ ചെയ്​തിരുന്നത്​. പിടിയിലാകു​േമ്പാൾ ഒരു സ്വകാര്യ സ്​ഥാപനത്തി​​​െൻറ കാറുകളുടെ ടയറുകൾ മോഷ്​ടിക്കാനുള്ള തയാറെടുപ്പിലായിരുന്നു ഇവരെന്നും ആരോപിക്കപ്പെട്ടിട്ടുണ്ട്​. രണ്ട്​ പേർ കാവൽ നിൽക്കു​േമ്പാൾ മൂന്നാമനാണ്​ പ്രത്യേക ഉപകരണങ്ങൾ ഉപ​േയാഗിച്ച്​ ടയറുകൾ അഴിച്ചു മാറ്റിയിരുന്നത്​.