തും​ബെ ഗ്രൂ​പ്​ ആ​രോ​ഗ്യ പ്ര​വ​ർ​ത്ത​ക​രെ ആ​ദ​രിക്കു​ന്നു

ദു​ബൈ: തും​ബെ മീ​ഡി​യ​യു​മാ​യി ചേ​ർ​ന്ന് ഹെ​ൽ​ത്ത് മാ​ഗ​സി​ൻ ന​ൽ​കു​ന്ന വാ​ർ​ഷി​ക ആ​രോ​ഗ്യ പു​ര​സ്കാ​രം 2025ലേ​ക്ക്​ നാ​മ​നി​ർ​ദേ​ശം ക്ഷ​ണി​ച്ചു. ​യു.​എ.​ഇ​യി​ലെ ആ​രോ​ഗ്യ പ​രി​ച​ര​ണ രം​ഗ​ത്തു​ള്ള​വ​രെ ആ​ദ​രി​ക്കു​ന്ന ഏ​റ്റ​വും മി​ക​ച്ച വേ​ദി​യാ​യി​രി​ക്കും പു​ര​സ്കാ​ര ച​ട​ങ്ങെ​ന്ന്​ തും​ബെ ഗ്രൂ​പ്​ വാ​ർ​ത്താ​ക്കു​റി​പ്പി​ൽ അ​റി​യി​ച്ചു.

വ്യ​ത്യ​സ്ത ആ​രോ​ഗ്യ വി​ഭാ​ഗ​ങ്ങ​ളി​ലാ​യി മി​ക​ച്ച പ്ര​ക​ട​നം കാ​ഴ്ച​വെ​ച്ച 46 പേ​ർ​ക്കൊ​പ്പം യു.​എ.​ഇ പൗ​​ര​ന്മാ​രാ​യ 15 ആ​രോ​ഗ്യ പ്ര​വ​ർ​ത്ത​ക​രെ​യും ച​ട​ങ്ങി​ൽ ആ​ദ​രി​ക്കും. ഒ​ക്​​ടോ​ബ​ർ ഒ​മ്പ​തി​ന്​ രാ​വി​ലെ 11ന്​ ​ദു​ബൈ ഗ്രാ​ൻ​ഡ്​ ഹ​യാ​ത്ത്​ ദു​ബൈ​യി​ൽ​വെ​ച്ചാ​ണ്​ പു​ര​സ്കാ​ര പ്ര​ഖ്യാ​പ​നം. ആ​രോ​ഗ്യ സേ​വ​നം, ശ​സ്ത്ര​ക്രി​യ നേ​ട്ട​ങ്ങ​ൾ, ആ​രോ​ഗ്യ മേ​ഖ​ല​യി​ലെ ന​വീ​ക​ര​ണം, രോ​ഗീ പ​രി​ച​ര​ണം, ആ​രോ​ഗ്യ വി​ദ്യാ​ഭ്യാ​സം തു​ട​ങ്ങി 46 വി​ഭാ​ഗ​ങ്ങ​ളി​ൽ​നി​ന്ന് നേ​ട്ട​ങ്ങ​ൾ കൈ​വ​രി​ച്ച​വ​ർ​ക്കാ​ണ്​ പു​ര​സ്കാ​ര​ങ്ങ​ൾ ന​ൽ​കു​ക.

ഇ​താ​ദ്യ​മാ​യാ​ണ് 15 ഇ​മാ​റാ​ത്തി ആ​രോ​ഗ്യ വി​ദ​ഗ്ധ​ർ​ക്ക് അ​വാ​ർ​ഡ്​ ന​ൽ​കു​ന്ന​തെ​ന്ന്​ തും​ബെ മീ​ഡി​യ ചീ​ഫ് ഓ​പ​റേ​റ്റി​ങ്​ ഓ​ഫി​സ​ർ വി​ഗ്നേ​ഷ് എ​സ്. ഉ​ന​ട്ക​ത് പ​റ​ഞ്ഞു. നാ​മ​നി​ർ​ദേ​ശ​ങ്ങ​ൾ https://www.healthmagazine.ae/awards/ എ​ന്ന ലി​ങ്കി​ലൂ​ടെ അ​യ​ക്കാം. നാ​മ​നി​ർ​ദേ​ശം സ​മ​ർ​പ്പി​ക്കാ​നു​ള്ള അ​വ​സാ​ന തീ​യ​തി സെ​പ്റ്റം​ബ​ർ 20 ആ​ണ്. മു​തി​ർ​ന്ന ആ​രോ​ഗ്യ വി​ദ​ഗ്ധ​ർ, അ​ക്കാ​ഡ​മി​സ്റ്റു​ക​ൾ, വ്യ​വ​സാ​യ പ്ര​മു​ഖ​ർ എ​ന്നി​വ​ര​ട​ങ്ങി​യ സ്വ​ത​ന്ത്ര ജൂ​റി പാ​ന​ലാ​യി​രി​ക്കും നാ​മ​നി​ർ​ദേ​ശ​ങ്ങ​ൾ വി​ല​യി​രു​ത്തു​ക. തു​ട​ർ​ന്ന്​ ഒ​ക്ടോ​ബ​ർ ഒ​മ്പ​തി​ന്​ ന​ട​ക്കു​ന്ന വേ​ദി​യി​ൽ ജേ​താ​ക്ക​ളെ പ്ര​ഖ്യാ​പി​ക്കും.