തൃശൂര്‍ സ്വദേശി റാസല്‍ഖൈമയില്‍ നിര്യാതനായി

റാസല്‍ഖൈമ: തൃശൂര്‍ കൂര്‍ക്കഞ്ചേരി സ്വദേശി ഭാസ്കരന്‍ ജിനന്‍ (63) റാസല്‍ഖൈമയില്‍ നിര്യാതനായി. ചൊവ്വാഴ്ച്ച വൈകുന്നേരം റാക് ഉബൈദുല്ലാഹ് ആശുപത്രിയില്‍ വെച്ചായിരുന്നു അന്ത്യം. ദേഹാസ്വാസ്ഥ്യത്തത്തെുടര്‍ന്ന് വെള്ളിയാഴ്ച്ച ആശുപത്രിയില്‍ പ്രവേശിപ്പിക്കുകയായിരുന്നു.

36 വര്‍ഷമായി യു.എ.യിലുള്ള ഭാസ്കരന്‍ ജിനന്‍ ജുപീറ്റര്‍ ജ്വല്ലറിയില്‍ ജോലി ചെയ്ത് വരികയായിരുന്നു. പടിയത്ത് ഭാസ്കരന്‍ - തങ്കമ്മ ദമ്പതികളുടെ മകനാണ്. ഭാര്യ: ശ്രീകല. മകന്‍: ശ്രീജിത്ത്. മരുമകള്‍: സ്നേഹ. നടപടികള്‍ പൂര്‍ത്തിയാക്കിയ മൃതദേഹം വ്യാഴാഴ്ച്ച രാത്രി നാട്ടിലേക്ക് കൊണ്ടുപോയി.