തൃശൂർ ജില്ല കെ.എം.സി.സി അഹ്‌ലൻ റബീഅ് വെള്ളിയാഴ്​ച

ദുബൈ: തൃശൂർ ജില്ല കെ.എം.സി.സിയുടെ മീലാദ് പ്രോഗ്രാം 'അഹ്‌ലൻ റബീഅ്' വെള്ളിയാഴ്​ച നടക്കും. ആർ.വി. അലി മുസ്‌ലിയാർ കേച്ചേരി (അജ്‌മാൻ) ഉദ്ബോധന പ്രഭാഷണം നടത്തും. പരിപാടിയുടെ ബ്രോഷർ പ്രകാശനം സമസ്​ത മുശാവറ അംഗവും ദുബൈ സുന്നി സെൻറർ പ്രസിഡൻറുമായ അബ്​ദുൽസലാം ബാഖവി നിർവഹിച്ചു.

ജില്ല പ്രസിഡൻറ്​ ജമാൽ മനയത്ത്, ദുബൈ കെ.എം.സി.സി സെക്രട്ടറി അഷറഫ് കൊടുങ്ങല്ലൂർ, മതകാര്യസമിതി ചെയർമാൻ ആർ.വി.എം മുസ്​തഫ, ഹുസൈൻ ദാരിമി, ഉബൈദ് ചേറ്റുവ, ജില്ല സെക്രട്ടറി മുസ്​തഫ വടുതല തുടങ്ങിയവർ പങ്കെടുത്തു. ജില്ല സെക്രട്ടറി അഷ്‌റഫ് കിള്ളിമംഗലം, ട്രഷറർ സമദ് ചാമക്കാല, ജില്ല ഭാരവാഹികളായ സത്താർ കരൂപ്പടന്ന, കബീർ ഒരുമനയൂർ, മുഹമ്മദ് അക്ബർ ചാവക്കാട്, സംഘാടകസമിതി ജനറൽ കൺവീനർ സുബൈർ കോട്ടോൽ, അംഗങ്ങളായ അബ്​ദുൽഹമീദ് വടക്കേക്കാട്, ഷക്കീർ കുന്നിക്കൽ, നസീം ചേലക്കോട്, അസ്​കർ പുത്തൻചിറ, അസീസ് പന്നിത്തടം എന്നിവർ ചർച്ചയിൽ പങ്കെടുത്തു.