ഒരുലക്ഷം രൂപയുടെ പേരിൽ സംഘർഷം; നാഇഫിൽ മൂന്ന്​ പേർ മരിച്ചു

ദുബൈ: 5000 ദിർഹമി​െൻറ (ലക്ഷം രൂപ) പേരിലുണ്ടായ സംഘർഷത്തിൽ മൂന്ന്​ പേർ മരിച്ചു. ദുബൈ നാഇഫിലാണ്​ സംഭവം. പത്ത്​ ഏഷ്യൻ സ്വദേശികളെ അറസ്​റ്റ്​ ചെയ്​തതായി പൊലീസ്​ പറഞ്ഞു. മരിച്ചവരുടെയും പ്രതികളുടെയും വിവരങ്ങൾ പുറത്തുവിട്ടിട്ടില്ല.

13 പേർ ഏറ്റുമുട്ടുന്നതായി വിവരം ലഭിച്ചതിനെ തുടർന്നാണ്​ ദുബൈ പൊലീസ്​ സംഭവ സ്​ഥലത്തെത്തിയത്​. എന്നാൽ, മൂന്ന്​ പേരുടെ മൃതദേഹങ്ങളാണ്​ ഇവിടെ നിന്ന്​ കണ്ടെത്താൻ കഴിഞ്ഞത്​. ഏഴ്​ പേർ സ്​ഥലത്തുനിന്ന്​ രക്ഷപ്പെട്ടിരുന്നു. പരിക്കേറ്റവരെ ആശുപത്രിൽ എത്തിച്ചു.

കത്തിയും മരക്കഷണങ്ങളും ഉപയോഗിച്ചായിരുന്നു ആക്രമണം. രക്ഷപ്പെട്ട പ്രതികളെ 24 മണിക്കൂറിനുള്ളിൽ പിടികൂടിയതായി പൊലീസ്​ ക്രിമിനൽ ഇൻവസ്​റ്റിഗേഷൻ ഡയറക്​ടർ ജമാൽ സാലിം അൽ ജല്ലാഫ്​ അറിയിച്ചു. ദുബൈ പൊലീസി​െൻറ ആർട്ടിഫിഷ്യൽ ഇൻറലിജൻറ്​സ്​ സംവിധാനം വഴിയാണ്​ പ്രതികളെ വേഗത്തിൽ തിരിച്ചറിഞ്ഞത്​.