അബൂദബി യാസ് ദ്വീപിൽ ഈദ് മുതൽ മൂന്നുദിവസം കരിമരുന്നു പ്രദർശനങ്ങൾ

അബൂദബി: പെരുന്നാൾ ദിനം മുതൽ മൂന്നു രാത്രികളിൽ യാസ് ദ്വീപിൽ കരിമരുന്നു പ്രദർശനങ്ങൾ നടക്കും. യാസ് ബേ വാട്ടർഫ്രണ്ടിൽ കരിമരുന്നു പ്രദർശനം ആദ്യമാണ്​ സംഘടിപ്പിക്കുന്നത്​. അഞ്ച് മിനിറ്റ് ദൈർഘ്യമുള്ള പരിപാടികൾ രാത്രി ഒമ്പതിന്​ ആരംഭിക്കും. യാസ് ഐലൻഡ് ഇൻസ്​റ്റഗ്രാം ചാനലിൽ തത്സമയ സംപ്രേക്ഷണം ഉണ്ടായിരിക്കും.

ദ്വീപിൽ കോവിഡ് -19 മുൻകരുതൽ നടപടികളുടെ ഭാഗമായി ഒത്തുചേരലുകൾ നിരോധിച്ചിരിക്കു​െന്നന്നും അധികൃതർ അറിയിച്ചു. അബൂദബി സാംസ്‌കാരിക ടൂറിസം വകുപ്പി​െൻറ സഹകരണത്തോടെയാണ് കരിമരുന്നു പ്രയോഗം നടക്കുക. മേയ് 11 മുതൽ (റമദാൻ 29) 14 വരെ പെരുന്നാൾ അവധി ദിനമായിരിക്കും. റമദാൻ 30 തികച്ചാൽ മേയ് 11 മുതൽ 15 വരെ അഞ്ചു ദിവസത്തെ അവധി ലഭിക്കും.