ബസിൽ യാത്ര ചെയ്യുന്നവരാണോ ഇതെല്ലാം ശ്രദ്ധിക്കണം

ദുബൈ നഗരത്തിലൂടെ ദിവസവും 3.70 ലക്ഷം യാത്രികർ ബസിൽ യാത്ര ചെയ്യുന്നുണ്ടെന്നാണ്​ കണക്ക്​. 1518 ബസുകളാണ്​ ഇതിനായി അണിനിരത്തിയിരിക്കുന്നത്​. എന്നാൽ, പലർക്കും അറിയില്ല ബസ്​ യാത്രയിലെ നിബന്ധനകൾ. ഉച്ചത്തിൽ പാട്ട്​ വെക്കൽ, ഉറക്കം, ഭക്ഷണം കഴിക്കൽ, വെള്ളം കുടിക്കൽ തുടങ്ങിയവയെല്ലാം നിയമലംഘനമാണ്​​.

എന്നാൽ, ഇതൊന്നും അറിയാത്തതിനാൽ പിഴ വാങ്ങുന്നവരുമുണ്ട്​. 100 ദിർഹം മുതൽ 2000 ദിർഹം വരെയാണ്​ പിഴയെന്നത്​ മറക്കരുത്​. ബസുകളിൽ മാത്രമല്ല, ബസ്​ ഷെൽറ്ററുകളിലും പാലിക്കേണ്ട നിയമങ്ങൾ എന്തൊക്കെയാണെന്ന്​ നോക്കാം.

* ആൽക്കഹോൾ പോലുള്ളവ കയറ്റിയാൽ 500 ദിർഹം പിഴ

* ബസ്​ ഷെൽറ്ററുകളിലോ ബസിലോ ഉറങ്ങിയാൽ 200 ദിർഹം പിഴ

* ഡ്രൈവിങ്​ തടസപെടുത്തിയാൽ 200 ദിർഹം പിഴ

* ഓടിക്കൊണ്ടിരിക്കുന്ന ബസിൽ നിന്ന്​ ചാടുകയോ ബസിലേക്ക്​ ഓടിക്കയറുകയോ ചെയ്​താൽ 100 ദിർഹം പിഴ.

* ബസി​െൻറ ഡോർ തുറക്കുക യോ അടക്കുകയോ ചെയ്യുന്ന സമയത്ത്​ കയറാനോ ഇറങ്ങാനോ ശ്രമിച്ചാൽ 100 ദിർഹം പിഴ

* മൃഗങ്ങളെ കയറ്റിയാൽ 100 ദിർഹം പിഴ (കാഴ്​ചയില്ലാത്തവർക്ക്​ ഗൈഡ്​ നായകളെ കയറ്റാം)

* മറ്റ്​ യാത്രക്കാർക്ക്​ അസൗകര്യമാകുന്ന തരത്തിൽ ഉപകരണങ്ങൾ കയറ്റിയാൽ 100 ദിർഹം പിഴ

* മാലിന്യം ഇടുകയോ തുപ്പുകയോ പുകവലിക്കു​കയോ ചെയ്​താൽ 200 ദിർഹം

* സീറ്റിൽ കാലെടുത്ത്​ വെച്ചാൽ 1000 ദിർഹം

* ബസിലെ ഉപകരണങ്ങൾ നശിപ്പിക്കുകയോ കേട്​ വരുത്തുകയോ ചെയ്​താൽ 1000 ദിർഹം

* മറ്റ്​ യാത്രികർക്ക്​ ശല്യമാകുന്ന രീതിയിൽ ഉച്ചത്തിൽ പാട്ട്​ വെക്കുകയോ സംഗീതോപകരണങ്ങൾ ഉപയോഗിക്കുകയോ ചെയ്​താൽ 200 ദിർഹം

* സീറ്റിൽ കാലെടുത്ത്​ വെച്ചാൽ 100 ദിർഹം

* അനുവദിനീയമല്ലാത്ത സ്​ഥലത്ത്​ നിൽക്കുകയോ ​ഇരിക്കുകയോ ചെയ്​താൽ 100 ദിർഹം

* പരസ്യങ്ങൾക്കായി ഉപയോഗിച്ചാൽ 100 ദിർഹം

* ഇൻസ്​പക്​ടർമാരുടെ ജോലി തടസപെടുത്തിയാൽ 200 ദിർഹം

* ബസ്​ സ്​റ്റേഷനുകളിൽ ഡ്രൈവർമാർക്കും ജീവനക്കാർക്കും അനുവദിച്ചിരിക്കുന്ന സ്​ഥലങ്ങളിൽ പ്രവേശിച്ചാൽ 100 ദിർഹം

* വ്യാജ നോൾ കാർഡ്​ ഉപയോഗിച്ചാൽ 500 ദിർഹം

* പണം നൽകാതെ യാത്ര ചെയ്​താൽ 200 ദിർഹം

* അനുമതിയില്ലാതെ നോൾകാർഡ്​ വിറ്റാൽ 200 ദിർഹം