പൂരം പൂത്തുലഞ്ഞു: തിരുവാതിര ചുവട്​ വെച്ചത്​ 1250 ഒാളം പ്രവാസി മങ്കമാർ

ദുബൈ: സെറ്റുമുണ്ടുടുത്ത്​ മുല്ലപ്പൂ മാല ചാർത്തി 1250 ഒാളം പ്രവാസി മങ്കമാർ താളത്തിൽ ചുവടുവെച്ച്​ തിരുവാതിരയാടിയപ്പോൾ ഇത്തിസലാത്ത്​ അക്കാദമി പരിസരം കുറച്ചുസമയം കൊച്ചു കേരളമായി. പൂരം ദുബൈ 2017​​െൻറ ഭാഗമായാണ്​ കൊച്ചുകുട്ടികൾ മുതൽ മുത്തശിമാർവരെ നൃത്ത വിരുന്നൊരുക്കിയത്​. തൃശൂർ പൂരത്തി​​െൻറ ചെറുപതിപ്പായാണ്​ പൂരം ദുബൈ  സംഘടിപ്പിച്ചത്​. മെഗാ തിരുവാതിര മേളക്കായി രണ്ട്​ മാസം മുമ്പ്​തന്നെ ഒരുക്കങ്ങൾ തുടങ്ങിയിരുന്നു. ഒഴിവ്​ സമയം കിട്ടു​േമ്പാഴൊക്കെ പാർക്കുകളിലും വീടുകളിലും തകൃതിയായ പരിശീലനം നടക്കുന്നുണ്ടായിരുന്നു. 15 മിനിറ്റ്​ 30 സെക്കൻറ്​ നീണ്ട അവതരണത്തിൽ യു.എ.ഇയിലെ വിവിധയിടങ്ങളിൽ നിന്നെത്തിയ 40 ഗ്രൂപ്പുകളാണ്​ പ​െങ്കടുത്തത്​.

സിനിമാ താരം ആശാ ശരത്ത്​ ആയിരുന്നു കോറിയോഗ്രാഫർ. വിവിധ മതവിശ്വാസികൾ മാത്രമല്ല മലയാളികളല്ലാത്ത 50 ഒാളം  സ്​ത്രീകളും ആവേശത്തോടെ ചുവടുവെച്ചു. ക്രിസ്​റ്റൽ ടോപ്​ ഇവൻറ്​ സംഘടിപ്പിച്ച പരിപാടിയിൽ,  തിമിലയിൽ  ചോറ്റാനിക്കര വിജയനും വൈക്കം ചന്ദ്രൻ മാരാരും പല്ലാവൂർ ശ്രീധരനും സംഘവും,  മദ്ദളത്തിൽ കുനിശ്ശേരി ചന്ദ്രനും കോട്ടക്കൽ രവിയും കൈലിയാട്​ മണികണ്ഠനും സംഘവും , ഇടക്കയിൽ പല്ലാവൂർ ശ്രീകുമാറും സന്തോഷും, അകമ്പടിയായി ഇലത്താളത്തിൽ പാഞ്ഞാൾ വേലുകുട്ടിയും  കൂട്ടരും , കൊമ്പിൽ വിളംബരമറിയിച്ചു തൃപ്പാളൂർ ശിവനും സംഘവും അണി നിരന്നു. കിഴക്കൂട് അനിയൻ മാരാരും സംഘവും നയിക്കുന്ന പാണ്ടിമേളവും കുടമാറ്റവും നടത്തിയാണ്​ പൂരം പൂർത്തിയായത്​. ആനയോളം വലിപ്പമുള്ള അഞ്ച്​ ആന പ്രതിമകൾ അണിനിരത്തിയാണ്​ കുടമാറ്റം നടത്തിയത്​.