ജുമൈറ ബീച്ചിൽ 16 കി.മീ സൈക്ലിങ്​ ട്രാക്ക്​ വരുന്നു

ദുബൈ: ജുമൈറ ബീച്ചിൽ 16 കി.മീ സൈക്ലിങ്​ ട്രാക്ക്​ നിർമിക്കാൻ ദുബൈ കിരീടാവകാശിയും എക്​സിക്യൂട്ടിവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം ഉത്തരവിട്ടു.

പുതിയ ട്രാക്ക് ദുബൈ വാട്ടർ കനാലിന് സമാന്തരമായി നിലവിലുള്ള ജുമൈറ സ്ട്രീറ്റ് സൈക്ലിങ്​ ട്രാക്കിനെയും ഇൻറർനെറ്റ് സിറ്റിയിൽ സ്ഥിതിചെയ്യുന്ന കിങ്​ സൽമാൻ ബിൻ അബ്​ദുൽ അസീസ് ആൽ സഊ​​ദ് സ്ട്രീറ്റിന്​ നേരെയുള്ള ​ട്രാക്കിനെയും ബന്ധിപ്പിക്കും. 2026 ഓടെ എമി​റേറ്റിലെ സൈക്കിൾപാതകളു​ടെ നീളം 739 കി.മീ എത്തിക്കുന്നതിന്​ അടുത്തവർഷങ്ങളിൽ 276 കി.മീ ട്രാക്ക്​ നിർമിക്കുമെന്നും ശൈഖ്​ ഹംദാൻ ട്വിറ്ററിലൂടെ അറിയിച്ചു. സമൂഹത്തെ കൂടുതൽ ആരോഗ്യകരമാക്കുന്നതിനും പരിസ്ഥിതി സുസ്ഥിരമായി നിലനിർത്തുന്നതിനും ബദലുകൾ പ്രയോഗിക്കുന്നതി​െൻറ ഭാഗമാണിതെന്നും അദ്ദേഹം പറഞ്ഞു.

സൈക്ലിങ്​ ട്രാക്കി​​െൻറ നിർമാണം ജനങ്ങളുടെ ജീവിതനിലവാരവും സന്തോഷവും വർധിപ്പിക്കുകയെന്ന യു.എ.ഇ ​വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ കാഴ്​ചപ്പാടിനെ സാക്ഷാത്കരിക്കാനുള്ള ശ്രമങ്ങളുടെ ഭാഗമാണെന്ന്​ റോഡ്​ ഗതാഗത അതോറിറ്റി (ആർ.ടി.എ) ഡയറക്​ടർ ജനർൽ മത്വാർ മുഹമ്മദ്​ ആൽ തയാർ പറഞ്ഞു. ദുബൈ നഗരത്തെ സൈക്കിൾ സൗഹൃദ പട്ടണമാക്കുകയെന്ന ശൈഖ്​ ഹംദാ​െൻറ നിർദേശമനുസരിച്ചാണ്​ നടപടിയെന്നും അദ്ദേഹം പറഞ്ഞു.

ദുബൈയെ ലോകത്തെ മികച്ച നഗരമാക്കി മാറ്റാൻ ലക്ഷ്യമിട്ടുള്ള 'ദുബൈ 2040 അർബൻ മാസ്​റ്റർ പ്ലാനി'ലേക്ക് ഇത് വലിയ സംഭാവന ചെയ്യുമെന്നും കായിക, വിനോദപ്രവർത്തനങ്ങൾ പ്രോത്സാഹിപ്പിക്കാനും സമൂഹത്തി​െൻറ ജീവിതനിലവാരവും ക്ഷേമവും കൂടുതൽ മെച്ചപ്പെടുത്താനും സർക്കാർ ഏറ്റെടുക്കുന്ന അടിസ്​ഥാന സൗകര്യ വികസനപദ്ധതികളുടെ ഭാഗമാണെന്നും അദ്ദേഹം വ്യക്​​തമാക്കി.

ജുമൈറ ബീച്ച്​ സൈക്ലിങ്​ ​ട്രാക്ക്​ ഉപയോഗിക്കുന്നവർക്ക്​ സൺസെറ്റ്​ മാൾ, അൽ മനാറ മോസ്​ക്​, ഉമ്മുസുഖൈം പാർക്​ എന്നിവിടങ്ങളിലെ ഷെയർ ബൈക്ക്​ സേവനം ഉപയോഗപ്പെടുത്താനാകും. മണിക്കൂറിൽ 20 കി. മീറ്ററാകും ഇവിടെ വേഗപരിധി.

കഴിഞ്ഞ വർഷം അവസാനം വരെ ദുബൈയിൽ നിർമിച്ച സൈക്ലിങ്​ ട്രാക്കി​െൻറ നീളം 463 കിലോമീറ്ററാണ്​. സാധാരണ ട്രാക്കുകളിൽ മണിക്കൂറിൽ 30 കി. മീറ്ററാണ്​ ആർ.ടി.എ നിശ്ചയിച്ച വേഗപരിധി. എന്നാൽ, നഗരപരിധികളിൽ 20 കി. മീറ്ററാണ്​. പരിശീലന ആവശ്യങ്ങൾക്കായി സൃഷ്​ടിച്ച സൈക്ലിങ്​ ട്രാക്കുകൾക്കായി പ്രത്യേക വേഗതപരിധി നിശ്ചയിച്ചിട്ടില്ല.കാൽനടക്കാരുടെയും സൈക്കിൾ യാത്രക്കാരുടെയും സുരക്ഷ ഉറപ്പാക്കാനാണ് വേഗതപരിധി നിശ്ചയിച്ചത്​.

സുരക്ഷിതമല്ലാത്ത സൈക്ലിങ്​: 7000 കേസെടുത്തു

ദുബൈ: സുരക്ഷിതമല്ലാത്ത സൈക്ലിങ്​ കാരണം ഈ വർഷം ഏഴായിരത്തിലേ​െറ പേർക്കെതിരെ കേസെടുത്തതായും 454 സൈക്കിളുകൾ പിടിച്ചെടുത്തതായും ദുബൈ പൊലീസ്​ അറിയിച്ചു. ദേര, ബർദുബൈ ഭാഗങ്ങളിൽ പൊലീസ്​ നടത്തിയ പരിശോധനയിലാണ്​ ഇത്രയും നിയമലംഘനങ്ങൾ കണ്ടെത്തിയതെന്ന്​ ദുബൈ പൊലീസ്​ ട്രാഫിക്​ ജനറൽ ഡയറക്​ടറേറ്റ് ഡയറക്​ടർ കേണൽ ജുമ ബിൻ സുവൈദാൻ പറഞ്ഞു. ​

സൈക്കിൾ ഉപയോഗിക്കുന്നവർ കൃത്യമായി നിയമങ്ങൾ പാലിക്കണമെന്നും അപകടങ്ങളിൽ നിരവധിപേർക്ക്​ പരിക്കേൽക്കുന്ന സാഹചര്യമുണ്ടെന്നും പൊലീസ്​ അറിയിച്ചു.