ലോകത്തിലെ ആദ്യ ഹരിത മസ്​ജിദ്​ ഹത്തയിൽ തുറന്നു

ദുബൈ: പ്രകൃതിസംരക്ഷണത്തിന്​ പ്രാധാന്യം നൽകി നിർമിച്ച ലോകത്തിലെ ആദ്യ ഗ്രീൻ മോസ്​ക്​ ദുബൈ ഹത്തയിൽ തുറന്നു. ദുബൈ ഇലക്​ട്രിസിറ്റി ആൻഡ്​ വാട്ടർ അതോറിറ്റിയുടെ (ദീവ) നേതൃത്വത്തിലാണ്​ 1050 ചതുരശ്ര മീറ്ററിൽ പള്ളി നിർമിച്ചത്​.

ഒരേസമയം 600 പേർക്ക്​ പ്രാർഥനാസൗകര്യമുണ്ട്​. യു.എസ്​ ഗ്രീൻ ബിൽഡിങ്​ കൗൺസിലി​െൻറ എനർജി ആൻഡ്​ എൻവയൺമെൻറൽ ഡിസൈ​െൻറ പ്ലാറ്റിനം റേറ്റിങ് ലഭിച്ച പള്ളിയിൽ വാഹനങ്ങൾ ചാർജ്​ ചെയ്യാനുള്ള ഗ്രീൻ ചാർജർ സ്​റ്റേഷനുമുണ്ട്​. ഇതുവഴി ഏകദേശം 26.5 ശതമാനം ഉൗർജവും 55 ശതമാനം ജലവും ലാഭിക്കാം. സോളാർ പാനലുകൾ സ്​ഥാപിച്ചിട്ടുണ്ട്​.

ജലനഷ്​ടം ഉണ്ടാകാതിരിക്കാൻ വെള്ളം പുനരുപയോഗം ചെയ്യാനുള്ള സൗകര്യം ഏർപ്പെടുത്തിയിട്ടുണ്ട്​. ഇൗ വെള്ളം കൃഷിക്കും ശുചീകരണത്തിനും ഉപയോഗിക്കാൻ കഴിയും.താഴികക്കുടത്തി​െൻറ ഉയരം​ 25 മീറ്റർ. കാർ, മോ​േട്ടാർ സൈക്കിൾ പാർക്കിങ്​ സൗകര്യമുണ്ട്​. പള്ളിയുടെ ഉൾഭാഗത്ത്​ ആരോഗ്യകരമായ അന്തരീക്ഷം ഒരുക്കുന്നതിന്​ വായുശുദ്ധീകരണ സംവിധാനം ഒരുക്കിയിട്ടുണ്ട്​. പുനരുപയോഗിക്കാവുന്ന വസ്​തുക്കൾ ഉപയോഗിച്ചാണ്​ നിർമാണം. പരിസ്​ഥിതി സംരക്ഷണവുമായി ബന്ധപ്പെട്ട എല്ലാ നിബന്ധനകളും പാലിച്ചതിനാലാണ്​ ലീഡ്​ പ്ലാറ്റിനം ​സർട്ടിഫിക്കേഷൻ ലഭിച്ചത്​.

യു.എ.ഇയുടെ 2040ലെ അർബൻ മാസ്​റ്റർ പ്ലാനി​െൻറ ഭാഗമാണിതെന്ന്​ ദീവ സി.ഇ.ഒയും മാനേജിങ്​ ഡയറക്​ടറുമായ സഇൗദ്​ മുഹമ്മദ്​ അൽ തായർ പറഞ്ഞു. ഹത്തയുടെ സാമൂഹിക, സാമ്പത്തിക, പാരിസ്ഥിതിക വികസനത്തിന്​ ഇത്​ ഉപകരിക്കുമെന്നും അദ്ദേഹം പറഞ്ഞു.

കാലാവസ്ഥാവ്യതിയാനത്തെ ചെറുക്കുന്ന യു.എ.ഇയുടെ നയങ്ങളെ ഇത്​ സഹായിക്കുമെന്ന്​ ദുബൈ ഇസ്​ലാമിക് അഫയേഴ്സ് ആൻഡ് ചാരിറ്റബിൾ ആക്റ്റിവിറ്റീസ് ഡിപ്പാർട്ട്മെൻറ്​ ഡയറക്ടർ ജനറൽ ഡോ. ഹമദ് അൽ ഷെയ്ഖ് അഹമ്മദ് അൽ ഷൈബാനി പറഞ്ഞു.