അ​തി​ശ​യം നി​റ​ച്ച്​ ‘വാ​ച്ച് ആ​ൻ​ഡ്​ ജ്വ​ല്ല​റി ഷോ’​ക്ക്​ സ​മാ​പ​നം

ഷാ​ർ​ജ: രൂ​പ​ക​ൽ​പ​ന​യാ​ലും മ​നോ​ഹാ​രി​ത​യാ​ലും അ​തി​ശ​യം നി​റ​ച്ച നി​ര​വ​ധി ആ​ഭ​ര​ണ​ങ്ങ​ളു​ടെ പ്ര​ദ​ർ​ശ​ന​ത്തി​ന്​ സാ​ക്ഷ്യം​വ​ഹി​ച്ച 55ാമ​ത് വാ​ച്ച് ആ​ൻ​ഡ് ജ്വ​ല്ല​റി മി​ഡി​ലീസ്റ്റ് ഷോ ​സ​മാ​പി​ച്ചു. ഷാ​ർ​ജ എ​ക്സ്പോ സെ​ന്റ​റി​ൽ ഞാ​യ​റാ​ഴ്ച സ​മാ​പി​ച്ച മേ​ള​യി​ൽ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന്​ 500ൽ ​ഏ​റെ പ്ര​ദ​ർ​ശ​ക​രാ​ണ്​ പ​​ങ്കെ​ടു​ത്ത​ത്.

ആ​ഭ​ര​ണ, വാ​ച്ച് വ്യ​വ​സാ​യ​ങ്ങ​ളു​ടെ ഒ​രു പ്ര​മു​ഖ പ്രാ​ദേ​ശി​ക, ആ​ഗോ​ള ല​ക്ഷ്യ​സ്ഥാ​ന​മാ​യി വാ​ച്ച് ആ​ൻ​ഡ് ജ്വ​ല്ല​റി മി​ഡി​ൽ ഈ​സ്റ്റ് ഷോ ​സ്ഥാ​നം ഉ​റ​പ്പി​ക്കു​ന്ന​ത് തു​ട​രു​ക​യാ​ണെ​ന്ന് ഷാ​ർ​ജ എ​ക്സ്പോ സെ​ന്റ​ർ സി.​ഇ.​ഒ സൈ​ഫ്​ മു​ഹ​മ്മ​ദ് അ​ൽ മി​ദ്​​ഫ പ​റ​ഞ്ഞു. ഈ ​വ​ർ​ഷ​ത്തെ ഇ​മാ​റാ​ത്തി വ​നി​താ ഡി​സൈ​ന​ർ​മാ​രു​ടെ ശ്ര​ദ്ധേ​യ​മാ​യ സാ​ന്നി​ധ്യ​ത്തെ അ​ദ്ദേ​ഹം പ്ര​ശം​സി​ക്കു​ക​യും ചെ​യ്തു. 20 ഇ​മാ​റാ​ത്തി വ​നി​താ ഡി​സൈ​ന​ർ​മാ​ർ രൂ​പ​ക​ൽ​പ​ന ചെ​യ്ത ആ​ഭ​ര​ണ​ങ്ങ​ൾ ഇ​ത്ത​വ​ണ പ്ര​ദ​ർ​ശ​ന​ത്തി​നു​ണ്ടാ​യി​രു​ന്നു.

പ്ര​ദ​ർ​ശ​ന​ത്തി​ൽ നി​ര​വ​ധി അ​പൂ​ർ​വ സ്വ​ർ​ണാ​ഭ​ര​ണ​ങ്ങ​ൾ, ആ​ഡം​ബ​ര വാ​ച്ചു​ക​ൾ, സി​ഗ്നേ​ച്ച​ർ ഡ​യ​മ​ണ്ട് ശേ​ഖ​ര​ങ്ങ​ൾ എ​ന്നി​വ​യും സ്ഥാ​നം​പി​ടി​ച്ചി​രു​ന്നു. യു.​എ.​ഇ​ക്ക്​ പു​റ​മെ, ഇ​ന്ത്യ, ഇ​റ്റ​ലി, യു.​കെ, അ​മേ​രി​ക്ക, സിം​ഗ​പ്പൂ​ർ, ചൈ​ന, ജ​പ്പാ​ൻ, തു​ർ​ക്കി, സൗ​ദി അ​റേ​ബ്യ, ബ​ഹ്‌​റൈ​ൻ, ല​ബ​നാ​ൻ എ​ന്നി​വ​യു​ൾ​പ്പെ​ടെ വി​വി​ധ രാ​ജ്യ​ങ്ങ​ളെ പ്ര​തി​നി​ധാ​നം​ചെ​യ്യു​ന്ന പ്ര​മു​ഖ ബ്രാ​ൻ​ഡു​ക​ളും ഡി​സൈ​ന​ർ​മാ​രും പ്ര​ദ​ർ​ശ​ന​ത്തി​നെ​ത്തി. വ​ള​രെ​യ​ധി​കം സ​ന്ദ​ർ​ക​രെ ആ​ക​ർ​ഷി​ക്കാ​റു​ള്ള ഷോ​യി​ൽ റ​ഷ്യ, മെ​ക്‌​സി​ക്കോ, താ​ൻ​സ​നി​യ, ഈ​ജി​പ്ത് തു​ട​ങ്ങി​യ രാ​ജ്യ​ങ്ങ​ൾ ഇ​ത്ത​വ​ണ ആ​ദ്യ​മാ​യി സാ​ന്നി​ധ്യ​മ​റി​യി​ച്ചി​ട്ടു​ണ്ട്.

708ച​തു​ര​ശ്ര മീ​റ്റ​ർ സ്ഥ​ല​ത്ത്​ ത​യാ​റാ​ക്കി​യി​രി​ക്കു​ന്ന ഇ​റ്റാ​ലി​യ​ൻ പ​വി​ലി​യ​നാ​ണ്​ ഏ​റ്റ​വും ശ്ര​ദ്ധേ​യ​മാ​യ​ത്. 50 പ്ര​ദ​ർ​ശ​ക​ർ ഈ ​പ​വി​ലി​യ​നി​ലു​ണ്ടാ​യി​രു​ന്നു. സ്വ​ർ​ണം പൂ​ശി​യ 36.7ല​ക്ഷം ദി​ർ​ഹം വി​ല​യു​ള്ള കാ​ർ അ​ട​ക്കം ഇ​ത്ത​വ​ണ​ത്തെ മേ​ള​യി​ൽ ഏ​റെ ആ​ക​ർ​ഷ​ക​മാ​യ കാ​ഴ്ച​ക​ളു​ണ്ടാ​യി​രു​ന്നു. ജാ​പ്പ​നീ​സ് ക​ലാ​കാ​ര​നാ​യ ത​കാ​ഹി​ക്കോ ഇ​സാ​വ​യും കു​ഹ​ൽ റേ​സി​ങ് ക​മ്പ​നി​യു​മാ​ണ് കാ​ർ നി​ർ​മി​ച്ച​ത്. കാ​റി​ന്റെ ബോ​ഡി മു​ഴു​വ​നും 24 കാ​ര​റ്റ്​ സ്വ​ർ​ണ​മാ​ണ്​ പൂ​ശി​യി​രു​ന്ന​ത്.