വാഷിങ്​ മെഷീൻ പൊട്ടിത്തെറിച്ചു; കെട്ടിടത്തിൽ തീപിടിത്തം

ഫുജൈറ: വാഷിങ്​ മെഷീൻ പൊട്ടിത്തെറിച്ച്​ കെട്ടിടത്തിൽ തീപിടിത്തം. ഫുജൈറയിലെ ഈദ് മുസല്ലയോട് ചേർന്ന അഞ്ചുനില കെട്ടിടത്തിലെ വാഷിങ്​ മെഷീനാണ്​ പൊട്ടിത്തെറിച്ചതെന്ന്​ സിവിൽ ഡിഫൻസ് അധികൃതർ പറഞ്ഞു. ചൊവ്വാഴ്ച ഉച്ചയോടെയാണ് സംഭവം.

സിവിൽ ഡിഫൻസ് അധികൃതരുടെ ഇടപെടൽ കാരണം വൻ അപകടം ഒഴിവായി. കെട്ടിടത്തിലെ താമസക്കാർ ഉടൻ താഴെയിറങ്ങിയിരുന്നു.കനത്ത വേനൽചൂടിൽ അധികൃതരുടെ രക്ഷാപ്രവർത്തനം വൻദുരന്തം ഒഴിവാക്കിയതായി താമസക്കാർ പറഞ്ഞു.ഫുജൈറയിൽ കെട്ടിടത്തിലുണ്ടായ തീപിടിത്തം