യുക്രെയ്നിന് 50 ലക്ഷം ഡോളർ സഹായവുമായി യു.എ.ഇ

ദുബൈ: യുദ്ധക്കെടുതി നേരിടുന്ന യുക്രെയ്നിന് 50 ലക്ഷം ഡോളർ സഹായം പ്രഖ്യാപിച്ച് യു.എ.ഇ. സംഘർഷത്തിന്‍റെ ഇരകൾക്ക് സഹായം എത്തിക്കാൻ ലക്ഷ്യമിട്ടാണ് പ്രഖ്യാപനം. യുക്രെയ്നിൽ സഹായമെത്തിക്കാൻ ഐക്യരാഷ്ട്രസഭ നടപ്പാക്കുന്ന പദ്ധതിയുടെ ഭാഗാമായാണ് യു.എ.ഇയും സഹായമെത്തിക്കുന്നത്. യുക്രെയ്നിൽ സഹായമെത്തിക്കുമെന്ന് കഴിഞ്ഞ ദിവസം ഐക്യരാഷ്ട്രസഭ സെക്രട്ടറി ജനറൽ അൻറോണിയോ ഗുട്ടെറസ് അറിയിച്ചിരുന്നു. ഇതി‍െൻറ ഭാഗമായി ചേർന്നായിരിക്കും യു.എ.ഇയും പ്രവർത്തിക്കുക. യുക്രെയ്നിലെ പൗരന്മാരുടെ മനുഷ്യാവകാശം സംരക്ഷിക്കപ്പെടണമെന്ന് യു.എ.ഇ ഐക്യരാഷ്ട്രസഭയിൽ ആവശ്യപ്പെട്ടിരുന്നു.