പേമാരി നിലച്ചു; ദുരന്തനിവാരണം സജീവം

ദുബൈ: തി​ങ്ക​ളാ​ഴ്ച വൈ​കു​ന്നേ​ര​ത്തോ​ടെ ആ​രം​ഭി​ച്ച്​ ചൊ​വ്വാ​ഴ്ച ത​ക​ർ​ത്ത്​ പെ​യ്ത മ​ഴ നി​ല​ച്ച​പ്പോ​ൾ ദു​രി​തം ബാ​ക്കി. രാ​ജ്യ​ത്തെ എ​ല്ലാ എ​മി​റേ​റ്റു​ക​ളെ​യും ന​ഗ​ര​ങ്ങ​ളെ​യും ബാ​ധി​ച്ച മ​ഴ ദു​ബൈ​യി​ലും ഷാ​ർ​ജ​യി​ലും അ​പ്ര​തീ​ക്ഷി​ത​മാ​യ രീ​തി​യി​ൽ വെ​ള്ളം ഉ​യ​രാ​ൻ കാ​ര​ണ​മാ​യി. അ​തേ​സ​മ​യം, അ​ധി​കൃ​ത​ർ മ​ഴ മു​ൻ​കൂ​ട്ടി ക​ണ്ട്​ സ്വീ​ക​രി​ച്ച ന​ട​പ​ടി​ക​ൾ അ​പ​ക​ട​ങ്ങ​ൾ കു​റ​യാ​ൻ കാ​ര​ണ​മാ​യി.

സ്കൂ​ളു​ക​ളും സ​ർ​ക്കാ​ർ ജീ​വ​ന​ക്കാ​രു​ടെ പ്ര​വ​ർ​ത്ത​ന​വും പൂ​ർ​ണ​മാ​യും ഓ​ൺ​ലൈ​നി​ലാ​ക്കി​യ​തും അ​നാ​വ​ശ്യ​മാ​യി പു​റ​ത്തി​റ​ങ്ങ​രു​തെ​ന്ന്​ നി​ർ​ദേ​ശം ന​ൽ​കി​യ​തും അ​പ​ക​ട​ങ്ങ​ൾ കു​റ​ച്ചു. ഇ​തി​ന​കം ഒ​രു മ​ര​ണം മാ​ത്ര​മാ​ണ്​ റെ​ക്കോ​ർ​ഡ്​ പേ​മാ​രി​ക്കി​ട​യി​ൽ റി​പ്പോ​ർ​ട്ട്​ ചെ​യ്തി​ട്ടു​ള്ള​ത്.

റാ​സ​ല്‍ഖൈ​മ ദ​ക്ഷി​ണ മേ​ഖ​ല​യി​ലെ വാ​ദി സിഫ്നിയി​ല്‍ മ​ല​വെ​ള്ള​പ്പാ​ച്ചി​ലി​ൽ​പെ​ട്ട വാ​ഹ​നം മ​റി​ഞ്ഞാ​ണ്​ ത​ദ്ദേ​ശീ​യ​നാ​യ 70കാ​ര​ന് ദാ​രു​ണാ​ന്ത്യം സം​ഭ​വി​ച്ച​ത്. ചൊ​വ്വാ​ഴ്ച വൈ​കീ​ട്ട് ഇ​ദ്ദേ​ഹം സ​ഞ്ച​രി​ച്ച വാ​ഹ​നം വാ​ദി ഇ​സ്ഫ്നി​യി​ല്‍ പ്ര​വേ​ശി​ച്ച​യു​ട​ന്‍ മ​ല​വെ​ള്ള​പ്പാ​ച്ചി​ലി​ൽ അ​ക​പ്പെ​ടു​ക​യാ​യി​രു​ന്നു. വാ​ഹ​നം ഒ​ഴു​ക്കി​ൽ​പെ​ട്ട വി​വ​രം റാ​ക് പൊ​ലീ​സ് ഓ​പ​റേ​ഷ​ന്‍ റൂ​മി​ല്‍ ദൃ​ക്സാ​ക്ഷി​ക​ള്‍ വി​ളി​ച്ച​റി​യി​ക്കു​ക​യാ​യി​രു​ന്നു​വെ​ന്ന് അ​ധി​കൃ​ത​ര്‍ പ​റ​ഞ്ഞു.

മ​ഴ​യി​ല്‍ ക​ണ​ക്കു​കൂ​ട്ട​ലു​ക​ള്‍ക്ക​പ്പു​റ​മാ​യി​രു​ന്നു വാ​ദി​ക​ളി​ല്‍ ജ​ല​ത്തി​ന്‍റെ തോ​ത്. മു​ന്‍ക​രു​ത​ല്‍ നി​ർ​ദേ​ശ​ങ്ങ​ള്‍ അ​വ​ഗ​ണി​ച്ച് താ​ഴ്വ​ര​യി​ലേ​ക്ക് പ്ര​വേ​ശി​ക്കാ​ന്‍ ശ്ര​മി​ച്ച​താ​ണ് ദൗ​ര്‍ഭാ​ഗ്യ​ക​ര​മാ​യ സം​ഭ​വ​ത്തി​ന് കാ​ര​ണം. വാ​ദി ഇ​സ്ഫ്നി​യി​ലേ​ക്ക് വാ​ഹ​നം ഒ​ഴു​കി​പ്പോ​യ വി​വ​രം പൊ​ലീ​സ് ഓ​പ​റേ​ഷ​ന്‍ റൂ​മി​ല്‍ ല​ഭി​ച്ച​യു​ട​ന്‍ സ​ന്ന​ദ്ധ​സേ​ന സം​ഭ​വ​സ്ഥ​ല​ത്തെ​ത്തു​ക​യും മൃ​ത​ദേ​ഹം ക​ണ്ടെ​ടു​ക്കു​ക​യാ​യി​രു​ന്നു.

ബു​ധ​നാ​ഴ്ച രാ​വി​ലെ​മു​ത​ൽ തെ​ളി​ഞ്ഞ കാ​ലാ​വ​സ്ഥ ല​ഭ്യ​മാ​യ​തോ​ടെ ദു​ര​ന്ത​നി​വാ​ര​ണ പ്ര​വ​ർ​ത്ത​ന​ങ്ങ​ളു​മാ​യി അ​ധി​കൃ​ത​ർ സ​ജീ​വ​മാ​യി​ട്ടു​ണ്ട്. വി​വി​ധ സ​ർ​ക്കാ​ർ ഏ​ജ​ൻ​സി​ക​ൾ വെ​ള്ള​ക്കെ​ട്ടു​ക​ൾ നീ​ക്കം ചെ​യ്യാ​നും ഗ​താ​ഗ​തം പു​നഃ​സ്ഥാ​പി​ക്കാ​നും സ​ജീ​വ​മാ​യി പ്ര​വ​ർ​ത്തി​ച്ചു​വ​രി​ക​യാ​ണ്. പ​ല റോ​ഡു​ക​ളി​ലും ബു​ധ​നാ​ഴ്ച രാ​ത്രി​യും വെ​ള്ള​ക്കെ​ട്ട്​ നി​ല​വി​ലു​ണ്ട്. ടാ​ങ്ക​ർ ലോ​റി​ക​ളി​ൽ വെ​ള്ളം മോ​ട്ടോ​ർ വ​ഴി അ​ടി​ച്ച്​ വ​റ്റി​ക്കു​ന്ന പ്ര​വ​ർ​ത്ത​ന​മാ​ണ്​ മു​നി​സി​പ്പാ​ലി​റ്റി വൃ​ത്ത​ങ്ങ​ളു​ടെ നേ​തൃ​ത്വ​ത്തി​ൽ ന​ട​ക്കു​ന്ന​ത്.

പ​ല പാ​ർ​ക്കി​ങ്​ സ്ഥ​ല​ങ്ങ​ളി​ലും വെ​ള്ളം ക​യ​റി​യ​തു​മൂ​ലം നി​ര​വ​ധി വാ​ഹ​ന​ങ്ങ​ൾ​ക്ക്​ കേ​ടു​പാ​ടു​ക​ൾ സം​ഭ​വി​ച്ചി​ട്ടു​ണ്ട്. നൂ​റു​ക​ണ​ക്കി​ന്​ വാ​ഹ​ന​ങ്ങ​ളാ​ണ്​ യാ​ത്ര​ക്കി​ട​യി​ൽ വ​ഴി​യി​ൽ അ​ക​പ്പെ​ട്ട​ത്. ഇ​വ അ​റ്റ​കു​റ്റ​പ​ണി​ക​ൾ​ക്കാ​യി മാ​റ്റു​ന്ന​ത്​ തു​ട​രു​ക​യാ​ണ്. റോ​ഡി​ലും പാ​ർ​ക്കി​ങ്​ സ്ഥ​ല​ങ്ങ​ളി​ലും വെ​ള്ളം കെ​ട്ടി​നി​ൽ​ക്കു​ന്ന സാ​ഹ​ച​ര്യ​ത്തി​ൽ സ്വ​കാ​ര്യ ക​മ്പ​നി​ക​ളി​ലും ഓ​ഫി​സു​ക​ളി​ലും ബു​ധ​നാ​ഴ്ച ഹാ​ജ​ർ​നി​ല കു​റ​വാ​യി​രു​ന്നു.

രാ​ജ്യ​ത്തി​ന്‍റെ ന​ഗ​ര​പ്ര​ദേ​ശ​ങ്ങ​ളെ പോ​ലെ വ​ലി​യ കെ​ടു​തി​യാ​ണ്​ ഗ്രാ​മീ​ണ, മ​ല​യോ​ര മേ​ഖ​ല​ക​ളി​ലു​മു​ണ്ടാ​യി​ട്ടു​ള്ള​ത്. കാ​ർ​ഷി​ക മേ​ഖ​ല​ക​ളി​ൽ വ​ലി​യ ന​ഷ്ട​മാ​ണ്​ രേ​ഖ​പ്പെ​ടു​ത്തി​യി​ട്ടു​ള്ള​ത്.

പ​ല ഫാ​മു​ക​ളും കൃ​ഷി​യി​ട​ങ്ങ​ളും പൂ​ർ​ണ​മാ​യും ന​ശി​ച്ച സാ​ഹ​ച​ര്യ​മാ​ണു​ള്ള​ത്. നി​ര​വ​ധി വ​ള​ർ​ത്തു​മൃ​ഗ​ങ്ങ​ൾ ച​ത്തു​പോ​യി​ട്ടു​മു​ണ്ട്. പ​ല സ്ഥ​ല​ങ്ങ​ളി​ലും വ്യാ​പാ​ര​സ്ഥാ​പ​ന​ങ്ങ​ളി​ലും താ​മ​സ​സ്ഥ​ല​ങ്ങ​ളി​ലും വെ​ള്ളം ക​യ​റി​യി​ട്ടു​ണ്ട്. വ്യാ​പാ​ര​സ്ഥാ​പ​ന​ങ്ങ​ൾ പ​ല​തും ബു​ധ​നാ​ഴ്ച രാ​വി​ലെ തു​റ​ന്ന​പ്പോ​ഴാ​ണ്​ വെ​ള്ളം ക​യ​റി​യ​ത്​ ശ്ര​ദ്ധ​യി​ൽ​പെ​ട്ട​ത്.

സ്കൂളുകൾക്ക്​ ഇന്നും നാളെയും വിദൂര പഠനം

ദുബൈ: രാ​ജ്യ​ത്തെ സ​ർ​ക്കാ​ർ സ്കൂ​ളു​ക​ൾ​ക്ക്​ വ്യാ​ഴം, വെ​ള്ളി ദി​വ​സ​ങ്ങ​ളി​ലും ഓ​ൺ​ലൈ​ൻ പ​ഠ​നം പ്ര​ഖ്യാ​പി​ച്ച്​ എ​മി​റേ​റ്റ്​​സ്​ സ്കൂ​ൾ ഫൗ​ണ്ടേ​ഷ​ൻ. നേ​ര​ത്തെ ചൊ​വ്വ, ബു​ധ​ൻ ദി​വ​സ​ങ്ങ​ളി​ൽ വി​ദൂ​ര പ​ഠ​ന​ത്തി​ന്​ നി​ർ​ദേ​ശം ന​ൽ​കി​യി​രു​ന്നു. എ​ന്നാ​ൽ, മ​ഴ​ക്കെ​ടു​തി പൂ​ർ​ണ​മാ​യും നീ​ങ്ങാ​ത്ത സാ​ഹ​ച​ര്യ​ത്തി​ലാ​ണ്​ ഓ​ൺ​ലൈ​ൻ പ​ഠ​നം ദീ​ർ​ഘി​പ്പി​ച്ച​ത്.

ദു​ബൈ​യി​ലും ഷാ​ർ​ജ​യി​ലും സ്വ​കാ​ര്യ സ്കൂ​ളു​ക​ൾ​ക്കും വി​ദൂ​ര പ​ഠ​നം പ്ര​ഖ്യാ​പി​ച്ചി​ട്ടു​ണ്ട്. ദു​ബൈ​യി​ൽ നോ​ള​ജ്​ ആ​ൻ​ഡ്​ ഹ്യു​മ​ൻ ഡെ​വ​ല​പ്​​മെ​ന്‍റ്​ അ​തോ​റി​റ്റി​യാ​ണ്​ ഇ​ക്കാ​ര്യം അ​റി​യി​ച്ച​ത്. ശ​നി, ഞാ​യ​ർ ദി​വ​സ​ങ്ങ​ൾ വാ​രാ​ന്ത്യ അ​വ​ധി ദി​ന​ങ്ങ​ളാ​യ​തി​നാ​ൽ തി​ങ്ക​ളാ​ഴ്ച​യാ​കും സ്കൂ​ളു​ക​ളി​ൽ നേ​രി​ട്ടു​ള്ള പ​ഠ​നം ആ​രം​ഭി​ക്കു​ക.

ദുബൈ, ഷാർജ വിമാനത്താവളങ്ങളിൽ സർവിസുകൾ മുടങ്ങി

ദുബൈ: ക​ന​ത്ത മ​ഴ​യെ​തു​ട​ർ​ന്ന്​ ദു​ബൈ, ഷാ​ർ​ജ വി​മാ​ന​ത്താ​വ​ള​ങ്ങ​ളി​ൽ​നി​ന്നു​ള്ള നി​ര​വ​ധി സ​ർ​വി​സു​ക​ൾ റ​ദ്ദാ​ക്കു​ക​യും തി​രി​ച്ചു​വി​ടു​ക​യും ചെ​യ്തു. അ​നി​വാ​ര്യ​മ​ല്ലെ​ങ്കി​ൽ വി​മാ​ന​ത്താ​വ​ള​ത്തി​ലേ​ക്ക്​ യാ​ത്ര​ചെ​യ്യ​രു​തെ​ന്ന്​ യാ​ത്ര​ക്കാ​രോ​ട്​ ദു​ബൈ വി​മാ​ന​ത്താ​വ​ള അ​ധി​കൃ​ത​ർ ആ​വ​ശ്യ​പ്പെ​ട്ടു.

എ​മി​റേ​റ്റ്​​സും ​ഫ്ലൈ​ദു​ബൈ​യും ചെ​ക്​ ഇ​ൻ സ​ർ​വി​സു​ക​ൾ ബു​ധ​നാ​ഴ്ച നി​ർ​ത്തി​വെ​ച്ച​താ​യി അ​റി​യി​ച്ചി​ട്ടു​മു​ണ്ട്. പ​ല വി​മാ​ന​ങ്ങ​ളും തി​രി​ച്ചു​വി​ടു​ക​യും റ​ദ്ദാ​ക്കു​ക​യും ചെ​യ്ത​തോ​ടെ നി​ര​വ​ധി യാ​ത്ര​ക്കാ​ർ വി​മാ​ന​ത്താ​വ​ള​ങ്ങ​ളി​ൽ കു​ടു​ങ്ങു​ക​യും ചെ​യ്തു. പ്ര​വ​ർ​ത്ത​നം പൂ​ർ​വ​സ്ഥി​തി​യി​ലാ​ക്കാ​ൻ സ​ജീ​വ​മാ​യി അ​ധി​കൃ​ത​ർ ന​ട​പ​ടി​ക​ൾ സ്വീ​ക​രി​ച്ചു​വ​രി​ക​യാ​ണ്.

എ​യ​ർ അ​റേ​ബ്യ ഷാ​ർ​ജ വി​മാ​ന​ത്താ​വ​ള​ത്തി​ൽ​നി​ന്നു​ള്ള സ​ർ​വി​സു​ക​ളു​ടെ ചെ​ക്​-​ഇ​ൻ വ്യാ​ഴാ​ഴ്ച പു​ല​ർ​ച്ച 2 മ​ണി​വ​രെ റ​ദ്ദാ​ക്കി​യ​താ​യാ​ണ്​ അ​റി​യി​ച്ച​ത്. ജീ​വ​ന​ക്കാ​രു​ടെ​യും യാ​ത്ര​ക്കാ​രു​ടെ​യും സു​ര​ക്ഷ ക​ണ​ക്കി​ലെ​ടു​ത്താ​ണ്​ ഇ​ത്ത​ര​മൊ​രു ന​ട​പ​ടി​യെ​ന്നും പ്ര​സ്താ​വ​ന​യി​ൽ അ​റി​യി​ച്ചു.

ദു​ബൈ​യി​ൽ​നി​ന്ന്​ തി​രി​ച്ചു​വി​ട്ട 21 വി​മാ​ന​ങ്ങ​ൾ അ​ബൂ​ദ​ബി സാ​യി​ദ്​ ഇ​ന്‍റ​ർ​നാ​ഷ​ന​ൽ എ​യ​ർ​പോ​ർ​ട്ടി​ലാ​ണ്​ ഇ​റ​ങ്ങി​യ​ത്. ഇ​തി​ൽ 20 എ​ണ്ണം പാ​സ​ഞ്ച​ർ വി​മാ​ന​ങ്ങ​ളും ഒ​ന്ന്​ കാ​ർ​ഗോ വി​മാ​ന​വു​മാ​ണ്. പ്ര​തി​കൂ​ല​മാ​യ കാ​ലാ​വ​സ്ഥ​യി​ലും സാ​യി​ദ്​ വി​മാ​ന​ത്താ​വ​ളം പൂ​ർ​ണ​മാ​യും പ്ര​വ​ർ​ത്ത​ന​സ​ജ്ജ​മാ​ണെ​ന്നും അ​ധി​കൃ​ത​ർ പ്ര​സ്താ​വ​ന​യി​ൽ അ​റി​യി​ച്ചു.

ദു​ബൈ, ഷാ​ർ​ജ വി​മാ​ന​ത്താ​വ​ള​ങ്ങ​ളു​ടെ പ്ര​വ​ർ​ത്ത​നം വ്യാ​ഴാ​ഴ്ച പൂ​ർ​വ സ്ഥി​തി​യി​ലാ​കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്.

റോഡുകൾ പലതും അടച്ചിട്ടു; പലരും ഓഫിസുകളിൽ കുടുങ്ങി

ദു​ബൈ: ശ​ക്ത​മാ​യ മ​ഴ​യി​ൽ വെ​ള്ളം ക​യ​റി​യ നി​ര​വ​ധി റോ​ഡു​ക​ൾ അ​ട​ച്ചി​ട്ട്​ അ​ധി​കൃ​ത​ർ. യാ​ത്ര​ക്കാ​രു​ടെ സു​ര​ക്ഷ പ​രി​ഗ​ണി​ച്ചാ​ണ്​ റോ​ഡു​ക​ളി​ൽ ഗ​താ​ഗ​തം ത​ട​ഞ്ഞ​ത്. എ​മി​റേ​റ്റ്സ് റോ​ഡി​ന്‍റെ ഉ​മ്മു​ൽ ഖു​വൈ​നി​ൽ​നി​ന്ന് റാ​സ​ൽ​ഖൈ​മ​യി​ലേ​ക്കു​ള്ള ഭാ​ഗം അ​ട​ച്ചി​ട്ടു​ണ്ട്. ബ​ദ​ൽ പാ​ത​യാ​യി ശൈ​ഖ് മു​ഹ​മ്മ​ദ് ബി​ൻ സാ​യി​ദ് റോ​ഡ് ഉ​പ​യോ​ഗി​ക്കാ​ൻ യാ​ത്ര​ക്കാ​രോ​ട് അ​ഭ്യ​ർ​ഥി​ച്ചി​ട്ടു​ണ്ട്.

ഉ​മ്മു​ൽ ഖു​വൈ​നി​ലെ ബ​യാ​ത പ്ര​ദേ​ശ​ത്തി​ന് സ​മീ​പ​മു​ള്ള ശൈ​ഖ്​ സാ​യി​ദ് റോ​ഡും ഇ​രു​ദി​ശ​ക​ളി​ലേ​ക്കും അ​ട​ച്ചി​ട്ടു​ണ്ട്. ക​ന​ത്ത മ​ഴ​യി​ൽ വാ​ദി ബ​ത്ത​യി​ൽ വെ​ള്ളം ക​യ​റി​യ​തി​നെ​തു​ട​ർ​ന്നാ​ണ് ന​ട​പ​ടി സ്വീ​ക​രി​ച്ച​ത്. ദു​ബൈ ശൈ​ഖ്​ സാ​യി​ദ്​ റോ​ഡി​ൽ മ​ണി​ക്കൂ​റു​ക​ളോ​ളം ഗ​താ​ഗ​ത​ക്കു​രു​ക്കു​ണ്ടാ​വു​ക​യും ചെ​യ്തു. മ​റ്റു എ​മി​റേ​റ്റു​ക​ളി​ലും ത​ക​ർ​ന്ന റോ​ഡു​ക​ളി​ലും വെ​ള്ളം നി​റ​ഞ്ഞ റോ​ഡു​ക​ളി​ലും ഗ​താ​ഗ​തം വി​ല​ക്കി​യി​ട്ടു​ണ്ട്. ബു​ധ​നാ​ഴ്ച രാ​ത്രി​യോ​ടെ അ​ട​ച്ചി​ട്ട ചി​ല റോ​ഡു​ക​ൾ തു​റ​ന്നി​ട്ടു​ണ്ട്.

റെക്കോഡുകൾ തകർത്ത​ മഴ

ദുബൈ: ചൊ​വ്വാ​ഴ്ച രാ​ജ്യ​ത്ത്​ പെ​യ്ത മ​ഴ 75 വ​ർ​ഷ​ത്തെ എ​ല്ലാ റെ​ക്കോ​ഡു​ക​ളും അ​പ്ര​സ​ക്ത​മാ​ക്കു​ന്ന​താ​യി​രു​ന്നു​വെ​ന്ന്​ ദേ​ശീ​യ കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം അ​റി​യി​ച്ചു. രാ​ജ്യ​ത്ത്​ മ​ഴ വി​വ​ര​ങ്ങ​ൾ ശേ​ഖ​രി​ക്കാ​ൻ ആ​രം​ഭി​ച്ച 1949ന്​ ​ശേ​ഷം ഇ​ത്ര​യും വ​ലി​യ മ​ഴ രേ​ഖ​പ്പെ​ടു​ത്തി​യി​ട്ടി​ല്ല. രാ​ജ്യ​ത്ത്​ ഏ​റ്റ​വും കൂ​ടു​ത​ൽ മ​ഴ ല​ഭി​ച്ച​ത്​ അ​ൽ​ഐ​നി​ലെ ഖ​തം അ​ൽ ശ​ക്​​ല പ്ര​ദേ​ശ​ത്താ​ണ്. ഇ​വി​ടെ മ​ഴ 254 മി.​മീ​റ്റ​റാ​ണ്​ ഒ​രു ദി​വ​സ​ത്തി​നി​ടെ പെ​യ്ത​ത്. ഈ ​വ​ർ​ഷം നേ​ര​ത്തെ​യും ശ​ക്​​ത​മാ​യ മ​ഴ പ​ല സ്ഥ​ല​ങ്ങ​ളി​ലും ല​ഭി​ച്ചി​ട്ടു​ണ്ടെ​ങ്കി​ലും രാ​ജ്യ​ത്തൊ​ന്ന​ട​ങ്കം ബാ​ധി​ച്ചി​രു​ന്നി​ല്ല.

റാസല്‍ഖൈമയില്‍ രക്ഷാപ്രവര്‍ത്തനം സജീവം

റാസല്‍ഖൈമ: ബു​ധ​നാ​ഴ്ച രാ​വി​ലെ റാ​സ​ല്‍ഖൈ​മ​യി​ല്‍ കാ​ലാ​വ​സ്ഥ സാ​ധാ​ര​ണ നി​ല കൈ​വ​രി​ച്ച​തോ​ടെ ര​ക്ഷാ​പ്ര​വ​ർ​ത്ത​നം സ​ജീ​വ​മാ​യി. ചൊ​വ്വാ​ഴ്ച​ത്തെ ക​ന​ത്ത മ​ഴ​യി​ലും കാ​റ്റി​ലും പ​ല​യി​ട​ങ്ങ​ളി​ലും രൂ​പ​പ്പെ​ട്ട ത​ട​സ്സ​ങ്ങ​ള്‍ നീ​ക്കു​ന്ന​തി​നും വെ​ള്ള​ക്കെ​ട്ട് ഒ​ഴി​വാ​ക്കു​ന്ന​തി​നും ര​ക്ഷാ സേ​ന​യു​ടെ പ്ര​വ​ര്‍ത്ത​ന​ങ്ങ​ള്‍ക്ക്​ വേ​ഗം കൈ​വ​രി​ക്കു​ന്ന​തി​നും സു​ഖ​ക​ര​മാ​യ കാ​ലാ​വ​സ്ഥ സ​ഹാ​യി​ച്ചു.

പ​ബ്ലി​ക് വ​ര്‍ക്സ് വ​കു​പ്പ്, സി​വി​ല്‍ ഡി​ഫ​ന്‍സ് തു​ട​ങ്ങി വി​വി​ധ വ​കു​പ്പു​ക​ളു​മാ​യു​ള്ള സം​യു​ക്ത പ്ര​വ​ര്‍ത്ത​ന​ങ്ങ​ളി​ലൂ​ടെ റാ​സ​ല്‍ഖൈ​മ​യി​ലെ​ങ്ങും ര​ക്ഷാ പ്ര​വ​ര്‍ത്ത​നം സ​ജീ​വ​മാ​ണെ​ന്ന് റാ​ക് പൊ​ലീ​സ് വ​കു​പ്പ് വൃ​ത്ത​ങ്ങ​ള്‍ പ​റ​ഞ്ഞു. എ​മി​റേ​റ്റി​ലു​ട​നീ​ളം ശു​ചീ​ക​ര​ണ പ്ര​വൃ​ത്തി​ക​ൾ പു​രോ​ഗ​മി​ക്കു​ക​യാ​ണെ​ന്ന് അ​ധി​കൃ​ത​ര്‍ വ്യ​ക്ത​മാ​ക്കി.

അ​ബൂ​ദ​ബി-​ദു​ബൈ ബോ​ര്‍ഡ​ര്‍ അ​ല്‍ ഫ​ഖ മേ​ഖ​ല​യി​ലെ തോ​ട്ട​ത്തി​ല്‍ ക​ന​ത്ത മ​ഴ​യി​ലും ശ​ക്ത​മാ​യ കാ​റ്റി​ലും വീ​ണ മ​ര​ങ്ങ​ള്‍

ഷാ​ർ​ജ​യി​ൽ റോ​ഡി​ലെ വെ​ള്ള​ക്കെ​ട്ടി​ൽ കു​ടു​ങ്ങി​യ വാ​ഹ​നം ത​ള്ളി​നീ​ക്കു​ന്നു

റോ​ഡി​ൽ കു​ടു​ങ്ങി​യ യാ​ത്ര​ക്കാ​ര​നെ സ​ഹാ​യി​ക്കു​ന്ന ദു​ബൈ പൊ​ലീ​സ്​

യാ​ത്ര​ക്കാ​ർ​ക്ക്​ ദു​ബൈ ആ​ർ.​ടി.​എ ഏ​ർ​പ്പെ​ടു​ത്തി​യ ബ​സ്​ സ​ർ​വി​സ്​