ദുബൈയിലിറങ്ങിയ​ 'പുലി' പൂച്ചയായി

ദുബൈ: മൂന്ന്​ ദിവസമായി ദുബൈ സ്​പ്രിങ്​ മേഖലയിലെ താമസക്കാരുടെ ഉറക്കംകെടുത്തിയ 'വന്യമൃഗ'ത്തെ ഒടുവിൽ തിരിച്ചറിഞ്ഞു. അതൊരു പൂച്ചയായിരുന്നു. പുലിയാണെന്നും കടുവയാണെന്നും കിംവദന്തി ഉയർന്നതിന്​ പിന്നാലെ നടത്തിയ അന്വേഷണത്തിനൊടുവിലാണ്​ പുലി പൂച്ചയായത്​.ചൊവ്വാഴ്​ചയാണ്​ പ്രദേശവാസികളെ പരിഭ്രാന്തിയിലാക്കി 'പുലി'യിറങ്ങിയത്​.

പുലി​ക്ക്​ സമാനമായ മൃഗത്തി​െൻറ വിഡിയോ പ്രചരിച്ചതോടെ പൊലീസും ഇടപെട്ടു. ഇറങ്ങിയത്​ വന്യമൃഗമാണോ എന്ന്​ സംശയമുണ്ടെന്നും ജനങ്ങൾ ജ​ാഗ്രത പാലിക്കണമെന്നും പൊലീസും പറ​ഞ്ഞു. ഇതോടെ, കോവിഡ്​ കാലത്തുപോലും വീട്ടിൽ ഇരിക്കാത്ത പലരും മുറിയിൽ നിന്ന്​ പുറത്തിറങ്ങാതെ വാതിലടച്ചു. ഡ്രോൺ ഉൾപ്പെടെ വെച്ച്​ പൊലീസ്​ തിരഞ്ഞെങ്കിലും വന്യമൃഗത്തെ കണ്ടെത്താനായില്ല. ഒടുവിൽ, മൃഗത്തി​െൻറ കാൽപാടുകളും വിഡിയോ ദൃശ്യവും ശാസ്​ത്രീയ പരിശോധനക്ക്​ വിധേയമാക്കിയപ്പോഴാണ്​ പൂച്ചയാണെന്ന്​ തെളിഞ്ഞത്​.

ഇതു സംബന്ധിച്ച്​ ഇമാർ കമ്യൂണിറ്റി മാനേജ്​മെൻറ്​ ടീം താമസക്കാർക്ക്​ നോട്ടീസ്​ നൽകി. വിഡിയോയിൽ കണ്ടത്​ പൂച്ചയായിരുന്നുവെന്നും ഇക്കാര്യം അധികൃതർ സ്​ഥിരീകരിച്ചിട്ടുണ്ടെന്നും താമസക്കാർക്ക്​ ധൈര്യമായി പുറത്തിറങ്ങാമെന്നും അവർ നോട്ടീസിൽ അറിയിച്ചു.guar cat