ഷാർജ ഷീസ് ഉദ്യാനത്തിലെത്തിയത് 20,000 സന്ദർശകർ

ഷാർജ: കഴിഞ്ഞ ഒക്ടോബറിൽ പ്രവർത്തനം തുടങ്ങിയ ഷീസ് പർവത ഉദ്യാനത്തിൽ ഇതുവരെ 20,000ത്തോളം സന്ദർശകരാണ് എത്തിയതെന്ന് ഖോർഫക്കാനിലെ ഷീസ് മേഖല ഡെപ്യൂട്ടി ഗവർണർ മുഹമ്മദ് ഖാമിസ് അൽ നഖ്ബി പറഞ്ഞു. ഷാർജയുടെ കിഴക്കൻ മേഖലയിലെ പുതിയ ഫാമിലി ടൂറിസം കേന്ദ്രങ്ങളിലൊന്നായ ഷീസ് പാർക്ക് സന്ദർശകരുടെ ഇഷ്​ടകേന്ദ്രമായി മാറി. സന്ദർശകർക്കായി പാർക്കിങ്​ ഏരിയ വിപുലീകരിക്കുന്നതിനൊപ്പം പാർക്കിന് മുന്നിൽ ഒരു പള്ളിയും ഷാർജ ഭരണാധികാരിയുടെ നിർദേശപ്രകാരം നിർമിക്കുന്നുണ്ട്. പാർക്കിൽ വികസന പ്രവർത്തനങ്ങൾ തുടരുകയാണെന്ന് അൽ നഖ്ബി പറഞ്ഞു.