Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഇത്​ ദുബൈ നൽകിയ...

ഇത്​ ദുബൈ നൽകിയ അംഗീകാരം, ഗോൾഡൻ വിസ സ​ന്തോഷ​ത്തോടെ സ്വീകരിക്കുന്നുവെന്ന്​ പൃഥ്വിരാജ്

text_fields
bookmark_border
prithviraj
cancel
camera_alt

പൃഥ്വിരാജ്                ചിത്രം: അൻഷദ്​ ഗുരുവായൂർ

ദുബൈ: യു.എ.ഇയുടെ പത്ത്​ വർഷത്തെ ഗോൾഡൻ വിസ ദുബൈ സർക്കാർ നൽകിയ അംഗീകാരമാണെന്നും സ​ന്തോഷ​ത്തോടെ സ്വീകരിക്കുന്നുവെന്നും പൃഥ്വിരാജ്​. ഗോൾഡൻ വിസ സ്വീകരിക്കാൻ ദുബൈയിലെത്തിയ പൃഥ്വിരാജ്​ 'ഗൾഫ്​ മാധ്യമ'ത്തോട്​ സംസാരിക്കുകയായിരുന്നു.

മലയാളികളുടെ രണ്ടാം വീടാണ്​ ദുബൈ. അത്​ അടിവരയിടുന്നതാണ്​ ഇത്തരം നടപടികൾ. ഭാവിയിൽ മലയാള സിനിമയുടെ കേന്ദ്രമാകും ദുബൈ. ഇത്​ മലയാള സിനിമക്ക്​ ഗുണം ചെയ്യ​ും എന്ന്​ പ്രതീക്ഷിക്കുന്നു.

നിരവധി മലയാള സിനിമകൾ ഷൂട്ട്​ ചെയ്യുന്ന സ്​ഥലമാണ്​ ദുബൈ. പോസ്​റ്റ്​ പ്രൊഡക്ഷൻ ജോലികളും ഇവിടെ നടക്കുന്നുണ്ട്​. ഇതിനെല്ലാം പ്രോൽസാഹനമേകുന്നതാണ്​ ദുബൈയുടെ തീരുമാനം. കലാകാരൻമാരെ പ്രോൽസാഹിപ്പിക്കുന്നതിനുള്ള ഇത്തരം നടപടികൾ അഭിനന്ദനാർഹമാണ്​.

ഇത്​ സിനിമക്ക്​ ഏതു തരത്തിൽ ഗുണം ചെയ്യും എന്നത്​ തുടർ നടപടികളിലൂടെയും ചർച്ചകളിലൂടെയും ഉരുത്തിരിഞ്ഞു വരേണ്ട കാര്യങ്ങളാണ്​. അങ്ങിനെയാവ​ട്ടെയെന്ന്​ ആശംസിക്കുന്നുവെന്നും പൃഥ്വിരാജ്​ പറഞ്ഞു.

Show Full Article
TAGS:Prithviraj dubai emarat beats 
News Summary - the recognition given by Dubai -Prithviraj
Next Story