പിങ്ക് കാരവന് ഷാർജ പൊലീസ് വരവേൽപ് നൽകി

ഷാർജ: സ്തനാർബുദത്തിനെതിരെ സന്ധിയില്ലാ സമരം നയിക്കുന്ന ഷാർജയുടെ പിങ്ക് കാരവന് ഷാർജ ജയിലിൽ ഡയറക്ടർ ബ്രിഗേഡിയർ ജനറൽ അഹമ്മദ് അബ്​ദുൽ അസീസ് ഷാഹിലി​െൻറ നേതൃത്വത്തിൽ സ്വീകരണം നൽകി.അന്താരാഷ്​ട്ര സ്തനാർബുദ ബോധവത്​കരണ മാസമായ 'പിങ്ക് ഒക്ടോബർ' സ്തനാർബുദം നേരത്തേ കണ്ടെത്തുന്നതി​െൻറ പ്രാധാന്യം എടുത്തുകാണിക്കുന്നു. സ്ത്രീ തടവുകാർക്ക് ആരോഗ്യ പരിരക്ഷ നൽകുന്ന സംരംഭങ്ങളുടെ ഭാഗമായാണ് പിങ്കണിപ്പട ജയിലിൽ എത്തിയത്.

നിരവധി മെഡിക്കൽ പരിശോധനകൾ, സ്തനാർബുദത്തി​െൻറ അപകടസാധ്യതകൾ, അതി​െൻറ ലക്ഷണങ്ങൾ, തടയാനുള്ള വഴികൾ, സ്ത്രീകളെ ആനുകാലികമായി പരിശോധിക്കുന്നതി​െൻറ പ്രാധാന്യം, സ്തനാർബുദത്തെക്കുറിച്ച് അവബോധം വ്യാപിപ്പിക്കൽ എന്നിവ സന്ദർശനത്തിൽ ഉൾപ്പെടുന്നു. പിങ്ക് കാരവൻ മൊബൈൽ മെഡിക്കൽ ക്ലിനിക്കിലൂടെ സ്തനാർബുദം കണ്ടെത്താൻ സഹായിക്കുന്നതിൽ മാനുഷികമായ പങ്കി​െൻറ പ്രാധാന്യം എടുത്തുകാണിച്ച്​ ബ്രിഗേഡിയർ ജനറൽ അഹമ്മദ് അബ്​ദുൽ അസീസ് ഷാഹിൽ പിങ്ക് കാരവ​െൻറ മെഡിക്കൽ സ്​റ്റാഫിന് നന്ദി പറഞ്ഞു. മഹാമാരിയുടെ വെളിച്ചത്തിൽ പിങ്ക് കാരവ​െൻറ വെർച്വൽ പ്രഭാഷണങ്ങളെയും സെമിനാറുകളെയും അദ്ദേഹം പ്രശംസിച്ചു.