'കുഞ്ഞുകാര്യങ്ങളുടെ ഫോട്ടോഗ്രാഫർ'; മാക്രോ ലോകത്തേക്ക് കാമറ തിരിച്ച് അനീഷ് കരിങ്ങാട്ടിൽ

വ​ലു​പ്പ​വും പൊ​ക്ക​വും അ​തി​വേ​ഗം എ​ല്ലാ​വ​രു​ടെ​യും ക​ണ്ണി​ലു​ട​ക്കും. ക​ണ്ണു​ക​ളെ ആ​ക​ർ​ഷി​ക്കു​ന്ന​തെ​ന്തും കാ​മ​റ​ക​ളെ​യും ആ​ക​ർ​ഷി​ക്കും. കെ​ട്ടി​ട​ങ്ങ​ളി​ൽ ബു​ർ​ജ്​ ഖ​ലീ​ഫ​യും ജീ​വി​ക​ളി​ൽ ആ​ന​യു​മൊ​ക്കെ കാ​മ​റ​യി​ൽ നി​ത്യേ​ന പ​തി​യു​ന്ന​ത്​ അ​തി​നാ​ലാ​വ​ണം. എ​ന്നാ​ൽ ഇ​വി​ടെ​യൊ​രാ​ൾ പ്ര​പ​ഞ്ച​ത്തി​ലെ അ​തി​നി​സ്സാ​ര​മെ​ന്ന്​ തോ​ന്നി​ക്കു​ന്ന, എ​ന്നാ​ൽ അ​തി​ശ​യി​പ്പി​ക്കു​ന്ന സൗ​ന്ദ​ര്യ​ത്തി​ന്‍റെ ക​ല​വ​റ​യാ​യ​ കു​ഞ്ഞു ജീ​വി​ക​ളി​ലേ​ക്ക്​ കാ​മ​റ തി​രി​ച്ചു​വെ​ച്ചി​രി​ക്ക​യാ​ണ്. അ​നീ​ഷ്​ ക​രി​ങ്ങാ​ട്ടി​ൽ എ​ന്ന ദു​ബൈ പ്ര​വാ​സി​യാ​ണ്​ ‘കു​ഞ്ഞു​കാ​ര്യ​ങ്ങ​ളു​ടെ ഫോ​ട്ടോ​ഗ്രാ​ഫ​റാ’​യി ശ്ര​ദ്ധേ​യ​നാ​കു​ന്ന​ത്.

തൃ​ശൂ​ർ ജി​ല്ല​യി​ലെ വ​ല​പ്പാ​ട്​ സ്വ​ദേ​ശി​യാ​യ അ​നീ​ഷി​ന്‍റെ​ ​ഫോ​ ട്ടോ​ഗ്ര​ഫി പ്രേ​മ​ത്തി​ന്​ ചി​റ​ക്​ മു​ള​ച്ച​ത്​ പ്ര​വാ​സി ജീ​വ​ത​ത്തി​​ലാ​ണ്. വി​ദ്യാ​ർ​ഥി കാ​ല​ത്ത്​ നാ​ട്ടി​ൽ കാ​മ​റ വാ​ങ്ങാ​നും പ​രീ​ക്ഷി​ക്കാ​നും ഒ​ന്നും സാ​ഹ​ച​ര്യ​മു​ണ്ടാ​യി​രു​ന്നി​ല്ല. 2006ലാ​ണ്​ ജീ​വി​ത സ്വ​പ്ന​ങ്ങ​ളു​മാ​യി ദു​ബൈ​യി​ൽ കാ​ലു​കു​ത്തു​ന്ന​ത്. ഇ​ന്‍റീ​രി​യ​ർ ഡി​സൈ​ന​റാ​യി ജോ​ലി ല​ഭി​ച്ച ആ​ദ്യ​കാ​ല​ത്തു​ത​ന്നെ ഒ​രു ഡി.​എ​സ്.​എ​ൽ.​ആ​ർ കാ​മ​റ സ്വ​ന്ത​മാ​ക്കി. 15വ​ർ​ഷം മു​മ്പ്​ 2008ൽ ​ഫോ​ട്ടോ​ഗ്ര​ഫി​യി​ലെ ബാ​ല​പാ​ഠ​ങ്ങ​ൾ മാ​ത്ര​മ​റി​യു​ന്ന അ​വ​സ്ഥ​യി​ൽ കാ​മ​റ ക​യ്യി​ലേ​ന്തി. ഫോ​ട്ടോ​ഗ്ര​ഫി​യു​ടെ പാ​ഠ​ങ്ങ​ൾ സ്വ​ന്തം ത​ന്നെ പ​ഠി​ച്ചെ​ടു​ക്കു​ക​യാ​യി​രു​ന്നു. ഒ​ഴി​വു​ദി​ന​ങ്ങ​ളി​ൽ കാ​മ​റ​യും​തൂ​ക്കി സ​ഞ്ചാ​രം തു​ട​ങ്ങി. ദു​ബൈ​യി​ലും പ​രി​സ​ര​ത്തു​മു​ള്ള നി​ര​വ​ധി സു​ന്ദ​ര ചി​ത്ര​ങ്ങ​ൾ കാ​മ​റ​ക്കു​ള്ളി​ലാ​ക്കി. മ​ല​യാ​ളി ഫോ​ട്ടോ​ഗ്രാ​ഫ​ർ​മാ​രു​ടെ ദു​ബൈ​യി​ലെ വാ​ട്​​സ്​​ആ​പ്പ്​ കൂ​ട്ടാ​യ്മ​യി​ൽ അം​ഗ​മാ​യ​ത്​ പ​ല​രു​ടെ​യും അ​ഭി​പ്രാ​യ​ങ്ങ​ള​റി​യാ​നും ഉ​പ​ദേ​ശ​ങ്ങ​ൾ സ്വീ​ക​രി​ക്കാ​നും സ​ഹാ​യ​ക​മാ​യി. അ​തി​ലു​പ​രി ത​ന്നെ​പ്പോ​ലെ ഫോ​ട്ടോ​ഗ്ര​ഫി​യെ പാ​ഷ​നാ​യി കൊ​ണ്ടു​ന​ട​ക്കു​ന്ന നി​ര​വ​ധി പേ​രെ പ​രി​ച​യ​പ്പെ​ടാ​ൻ കാ​ര​ണ​വു​മാ​യി. വ​ഴി​കാ​ട്ടി​യാ​യി മു​ഹ​മ്മ​ദ്‌ അ​ർ​ഫാ​ൻ ആ​സി​ഫ് എ​ന്ന സു​ഹൃ​ത്തു​മ​ണ്ടോ​യി​രു​ന്നു. ദു​ബൈ ന​ഗ​ര​ത്തി​ന്‍റെ കാ​ഴ്ച​ക​ൾ​ക്ക്​ പു​റ​മെ നാ​ട്ടി​ലെ വി​വി​ധ സ്ഥ​ല​ങ്ങ​ളി​ലെ ദൃ​ശ്യ​ങ്ങ​ളും അ​തി​നി​ട​യി​ൽ കാ​മ​റ​യി​ൽ പ​തി​ഞ്ഞു.

ഒ​രു മേ​ഖ​ല​യി​ൽ സ്​​പെ​ഷ​ലെ​സ്​​ഡ്​ ആ​കു​ന്ന​ത്​ ആ​ദ്യ​കാ​ല​ത്തൊ​ന്നും പ​രി​ഗ​ണ​ന​യാ​യി​രു​ന്നി​ല്ല. എ​ന്നാ​ൽ ഓ​രോ ഫോ​ട്ടോ​ഗ്രാ​ഫ​ർ​ക്കും സ്വ​ന്ത​മാ​യ ചി​ല പ്ര​ത്യേ​ക​ത​ക​ളു​ണ്ടാ​കു​മ​ല്ലോ? അ​ത്ത​ര​ത്തി​ൽ അ​നീ​ഷ്​ പ​ക​ർ​ത്തി​യ കു​ഞ്ഞു ജീ​വി​ക​ളു​ടെ ചി​ത്ര​ങ്ങ​ളെ കു​റി​ച്ച്​ പ​ല​രും മി​ക​ച്ച അ​ഭി​പ്രാ​യ​ങ്ങ​ൾ പ​റ​യാ​ൻ തു​ട​ങ്ങി. പ്ര​കൃ​തി​യി​ലെ മി​ക്ക​വ​രും പ​ല​പ്പോ​ഴും ശ്ര​ദ്ധി​ക്കാ​തെ പോ​കു​ന്ന കു​ഞ്ഞു ജീ​വി​ക​ളാ​ണ​തി​ൽ ചി​ത്ര​ങ്ങ​ളാ​യ​ത്. അ​ങ്ങ​നെ​യെ​ങ്കി​ൽ കു​ഞ്ഞു​ലോ​ക​ത്തെ ചി​ത്ര​ങ്ങ​ൾ മാ​ത്ര​മാ​യി പ്ര​ദ​ർ​ശി​പ്പി​ക്കാ​മെ​ന്ന ചി​ന്ത​യു​ദി​ച്ചു. അ​തി​ന്‍റെ ഉ​ത്ത​ര​മാ​യാ​ണ്​ ഇ​ന്‍സ്റ്റ​ഗ്രാ​മി​ൽ ‘ak_macro_world​’ എ​ന്ന പേ​ജ്​ തു​ട​ങ്ങു​ന്ന​ത്. നാ​ൽ​പ​തി​നാ​യി​ര​ത്തോ​ളം ഫോ​ളോ​വേ​ഴ്​​സു​ള്ള ശ്ര​ദ്ധേ​യ​മാ​യ പേ​ജാ​ണി​തി​ന്ന്. ഇ​ത്ര​യും സൗ​ന്ദ​ര്യം ഈ ​മ​ണ്ണി​ലു​ണ്ടോ എ​ന്ന്​ സം​ശ​യി​ച്ചു​പോ​കു​ന്ന ത​ര​ത്തി​ൽ അ​ൽ​ഭു​ത​ക​ര​മാ​യ ചി​ത്ര​ങ്ങ​ൾ ഇ​ക്കൂ​ട്ട​ത്തി​ൽ കാ​ണാ​നാ​കും. ഇ​ല​ക​ളി​ലും പൂ​ക്ക​ളി​ലും ഓ​ടി​യും ചാ​ടി​യും പ​റ​ന്നും സ​ഞ്ച​രി​ക്കു​ന്ന ഈ ​ജീ​വി​ക​ളെ കാ​മ​റ​യി​ലാ​ക്കു​ന്ന​ത്​ എ​ളു​പ്പ​മൊ​ന്നു​മ​ല്ല. അ​തീ​വ ശ്ര​ദ്ധ​യോ​ടെ ചെ​യ്യേ​ണ്ട ജോ​ലി​യാ​ണ​ത്.

ദു​ബൈ, ഷാ​ർ​ജ, റാ​സ​ൽ​ഖൈ​മ തു​ട​ങ്ങി​യ സ്ഥ​ല​ങ്ങ​ളി​ലെ ഫാ​മു​ക​ളി​ലും കു​ന്നി​ൽ പു​റ​ങ്ങ​ളി​ലും മ​രു​ഭൂ​മി​യി​ലു​മൊ​ക്കെ മ​ണി​ക്കൂ​റു​ക​ൾ ചി​ല​വ​ഴി​ച്ചാ​ണ്​ ചി​ത്ര​ങ്ങ​ൾ പ​ക​ർ​ത്തു​ന്ന​ത്. അ​നീ​ഷി​ന്‍റെ മാ​ക്രോ വേ​ൾ​ഡി​ൽ ക​ട​ന്നു ചെ​ന്നാ​ൽ കു​ടി​ക്കാ​ല​ത്ത്​ വ​യ​ൽ​വ​ര​മ്പു​ക​ളി​ലും പാ​ട​ത്തും പ​റ​മ്പി​ലു​മൊ​ക്കെ ക​ണ്ടു മ​റ​ന്ന പ​ല ജീ​വി​ക​ളെ​യും കാ​ണാ​നാ​കും. പൂ​മ്പാ​റ്റ, പ​ച്ച​ത്തു​ള്ള​ൻ, ത​വ​ള, തേ​നീ​ച്ച, ചീ​വീ​ട്, ഏ​ട്ടു​കാ​ലി, ഉ​റു​മ്പ്, വ​ണ്ട്, കൊ​തു​ക്, പ​ല്ലി, പാ​മ്പ്​ തു​ട​ങ്ങി​യ ഇ​ന​ങ്ങ​ളി​ൽ ഉ​ൾ​പ്പെ​ട്ട നൂ​റു​ക്ക​ണ​ക്കി​ന്​ ജീ​വി​ക​ളു​ടെ ചി​ത്ര​ങ്ങ​ൾ ഇ​ക്കൂ​ട്ട​ത്തി​ലു​ണ്ട്. കൃ​ത്രി​മ​ത്വം തീ​ര​യി​ല്ലാ​തെ എ​ല്ലാം പ്ര​കൃ​തി​യി​ൽ നി​ന്ന്​ പ​ക​ർ​ത്തി​യ​താ​ണെ​ന്ന​താ​ണ്​ ഇ​വ​യു​ടെ ഏ​റ്റ​വും വ​ലി​യ പ്ര​ത്യേ​ക​ത. സൂ​ക്ഷ​മ​മാ​യ ചി​ത്ര​ങ്ങ​ളി​ൽ ചെ​റു ജീ​വി​ക​ളു​ടെ സൗ​ന്ദ​ര്യം പൂ​ർ​ണ​മാ​യും പ​ക​ർ​ത്താ​ൻ അ​നീ​ഷി​ന്‍റെ കാ​മ​റ​ക്ക്​ സാ​ധി​ച്ച​താ​യി ആ​രും സ​മ്മ​തി​ക്കും.

ഫോ​ട്ടോ​ഗ്ര​ഫ​യി​ൽ ലോ​കോത്ത​ര​മാ​യ അം​ഗീ​കാ​ര​ങ്ങ​ളും നേ​ടാ​ൻ ഇ​ക്കാ​ല​ത്തി​നി​ട​യി​ൽ ​അ​നീ​ഷി​ന്​ സാ​ധി​ച്ചി​ട്ടു​ണ്ട്. ഫോ​ട്ടോ​ഗ്ര​ഫി സൊ​സൈ​റ്റി ഓ​ഫ്​ അ​മേ​രി​ക്ക, ഇ​ന്‍റ​ർ​നാ​ഷ​ണ​ൽ ​ഫെ​ഡ​റേ​ഷ​ൻ ഓ​ഫ്​ ഫോ​ട്ടോ​ഗ്രാ​ഫി​ക്​ ആ​ർ​ട്, അ​സോ​സി​യേ​റ്റ്​ ഇ​മേ​ജ്​ കോ​ളേ​ജ്​ സൊ​സൈ​റ്റി യു.​എ​സ്.​എ എ​ന്നി​വ​യു​ടെ അം​ഗീ​കാ​ര​ങ്ങ​ൾ നേ​ടി​യെ​ടു​ത്തു. മാ​​ക്രോ ഫോ​ട്ടോ​ഗ്ര​ഫി​യി​ൽ കൂ​ടു​ത​ൽ ആ​ളു​ക​ളി​ല്ലാ​ത്ത​തും ഈ ​മേ​ഖ​ല​യി​ൽ ന​ല്ല ചി​ത്ര​ങ്ങ​ൾ പ​ക​ർ​ത്താ​ൻ ക​ഴി​യു​ന്ന​തു​മാ​ണ്​ സ്​​പെ​ഷ​ലൈ​സേ​ഷ​ന്​ ഈ ​സെ​ഗ്​​മെ​ന്‍റ്​ തെ​ര​ഞ്ഞെ​ടു​ക്കാ​ൻ കാ​ര​ണ​മെ​ന്ന്​ അ​നീ​ഷ്​ പ​റ​യു​ന്നു. വ​രും​കാ​ല​ത്തും ഈ ​മേ​ഖ​ല​യി​ൽ ത​ന്നെ ന​ല്ല ചി​ത്ര​ങ്ങ​ൾ പ​ക​ർ​ത്തി മു​ന്നോ​ട്ടു​പോ​ക​ണ​മെ​ന്നാ​ണ്​ ആ​ഗ്ര​ഹം. കു​ടും​ബ​ത്തോ​ടൊ​പ്പ​മാ​ണ്​ ദു​ബൈ​യി​ൽ ഇ​പ്പോ​ൾ ക​ഴി​യു​ന്ന​ത്. ഭാ​ര്യ ലോ​ഷ്യാ അ​നീ​ഷ് ദു​ബൈ​യി​ൽ ത​ന്നെ അ​ക്കൗ​ണ്ട​ൻ​റാ​യി ജോ​ലി ചെ​യ്യു​ന്നു. ഏ​ക​മ​ക​ൾ ശ​ങ്ക​രി അ​നീ​ഷ്‌ ഔ​വ​ർ ഓ​ൺ ഇം​ഗ്ലീ​ഷ്​ സ്​​കൂ​ൾ ഷാ​ർ​ജ​യി​ൽ ഗ്രേ​ഡ് ഒന്നിൽ ​പ​ഠി​ക്കു​ക​യാ​ണ്. അ​ച്ഛ​നെ​പ്പോ​ലെ ശ​ങ്ക​രി​യും ഫോ​ട്ടോ​ഗ്ര​ഫി​യി​ൽ ത​ൽ​പ​ര​യാ​ണ്.