സ​ഹാ​യ​ വസ്തുക്കളു​ടെ പാ​ക്കി​ങ്​ ആ​രം​ഭി​ച്ചു

ദു​ബൈ: ഇ​സ്രാ​യേ​ൽ യു​ദ്ധ​ത്തി​ൽ ദു​രി​ത​മ​നു​ഭ​വി​ക്കു​ന്ന ഫ​ല​സ്തീ​ൻ നി​വാ​സി​ക​ളെ സ​ഹാ​യി​ക്കു​ന്ന​തി​നാ​യി എ​മി​റേ​റ്റ്​​സ്​ റെ​ഡ്​ ക്ര​സ​ന്‍റും ദു​ബൈ കെ​യേ​ഴ്​​സും​ ശേ​ഖ​രി​ച്ച ഉ​ൽ​പ​ന്ന​ങ്ങ​ൾ പാ​ക്ക്​ ചെ​യ്യു​ന്ന പ്ര​വൃ​ത്തി ദു​ബൈ​യി​ൽ ആ​രം​ഭി​ച്ചു. ശ​നി​യാ​ഴ്ച രാ​വി​ലെ എ​ട്ടു മ​ണി​യോ​ടെ ദു​ബൈ-​അ​ൽ ഐ​ൻ റോ​ഡി​ലെ ഖ​ലാ​ത്ത്​ അ​ൽ​റി​മാ​ൽ ഹാ​ളി​ലാ​ണ്​ പാ​ക്കി​ങ്ങി​ന്‍റെ ഒ​ന്നാം ഘ​ട്ടം ആ​രം​ഭി​ച്ച​ത്. ദു​ബൈ​യു​ടെ വി​വി​ധ ഭാ​ഗ​ങ്ങ​ളി​ൽ നി​ന്നാ​യി എ​ത്തി​യ ആ​യി​ര​ത്തോ​ളം പേ​രാ​ണ്​ പാ​ക്കി​ങ്​ ന​ട​ത്തു​ന്ന​ത്. ആ​കെ 25,000 പൊ​തി​ക​ൾ​ പാ​ക്ക്​ ചെ​യ്യാ​നാ​ണ്​ പ​ദ്ധ​തി. പാ​ക്കി​ങ്ങി​ന്‍റെ ര​ണ്ടാം ഘ​ട്ടം ഞാ​യ​റാ​ഴ്ച അ​ബൂ​ദ​ബി​യി​ൽ തു​ട​രു​മെ​ന്ന് അ​ധി​കൃ​ത​ർ അ​റി​യി​ച്ചു. വേ​ൾ​ഡ്​ ഫു​ഡ്​ പ്രോ​ഗ്രാ​മി​ന്‍റെ സ​ഹ​ക​ര​ണ​ത്തോ​ടെ വി​ദേ​ശ​കാ​ര്യ മ​ന്ത്രാ​ല​യ​ത്തി​ന്‍റെ മേ​ൽ​നോ​ട്ട​ത്തി​ലാ​ണ്​ പാ​ക്കി​ങ്​ പ്ര​വൃ​ത്തി​ക​ൾ പു​രോ​ഗ​മി​ക്കു​ന്ന​ത്. ക​മ്യൂ​ണി​റ്റി വി​ക​സ​ന മ​ന്ത്രാ​ല​യ​ത്തി​നാ​ണ്​ സം​രം​ഭ​ത്തി​ന്‍റെ ഏ​കീ​ക​ര​ണ ചു​മ​ത​ല.

ഗ​സ്സ അ​തി​ർ​ത്തി​യി​ൽ ദു​രി​ത​മ​നു​ഭ​വി​ക്കു​ന്ന ഫ​ല​സ്തീ​ൻ ജ​ന​ത​യെ സ​ഹാ​യി​ക്കാ​നാ​യി യു.​എ.​ഇ ആ​രം​ഭി​ച്ച ‘ത​രാ​ഹും’ സം​രം​ഭ​ത്തി​ന് ദു​ബൈ​യി​ൽ​നി​ന്ന്​​ വ​ൻ പ്ര​തി​ക​ര​ണം ല​ഭി​ച്ചി​രു​ന്നു. നി​വാ​സി​ക​ൾ​ക്കൊ​പ്പം ദു​ബൈ​യി​ലെ പ്ര​വാ​സി സ​മൂ​ഹ​വും ഷോ​പ്പു​ട​മ​ക​ളും വ​ലി​യ തോ​തി​ലു​ള്ള സ​ഹാ​യ​മാ​ണ്​ സം​രം​ഭ​ത്തി​ലേ​ക്ക്​ സം​ഭാ​വ​ന​യാ​യി ന​ൽ​കി​വ​രു​ന്ന​ത്.

സ്ത്രീ​ക​ളും കു​ട്ടി​ക​ളും രാ​വി​ലെ പാ​ക്കി​ങ്ങി​നാ​യി സ​ജ്ജ​മാ​യി​രു​ന്നു. ത​ങ്ങ​ളു​ടെ സ​ഹോ​ദ​ര​ങ്ങ​ൾ​ക്ക്​ ക​ഴി​യാ​വു​ന്ന സ​ഹാ​യ​ങ്ങ​ൾ എ​ത്തി​ക്കു​ക​യാ​ണ്​ ല​ക്ഷ്യ​മെ​ന്ന്​ ഷാ​ർ​ജ​യി​ൽ നി​ന്നു​ള്ള മ​റി​യം പ​റ​ഞ്ഞു. അ​വ​ശ്യ​വ​സ്തു​ക്ക​ൾ ഗു​ണ​നി​ല​വാ​ര നി​യ​ന്ത്ര​ണ സ​മി​തി പ​രി​ശോ​ധി​ച്ച്​ ഉ​റ​പ്പു​വ​രു​ത്തി​യ ശേ​ഷ​മാ​ണ്​ പാ​ക്കി​ങ്​ ന​ട​ത്തി സീ​ൽ ചെ​യ്യു​ന്ന​ത്. ഈ ​പാ​ക്കു​ക​ൾ ക​യ​റ്റി അ​യ​ക്കു​ന്ന​തി​നാ​യി എ​മി​റേ​റ്റ്​​സ്​ റെ​ഡ്​ ക്ര​സ​ന്‍റി​ന്‍റെ ഗോ​ഡൗ​ണി​ലേ​ക്ക്​ മാ​റ്റും. അ​ന്താ​രാ​ഷ്ട്ര അ​തോ​റി​റ്റി​ക​ളു​ടെ അ​നു​മ​തി ല​ഭി​ക്കു​ന്ന മു​റ​ക്ക്​ ഉ​ൽ​​പ​ന്ന​ങ്ങ​ൾ ഈ​ജി​പ്തി​ലേ​ക്കും അ​വി​ടെ നി​ന്ന്​ റ​ഫ അ​തി​ർ​ത്തി വ​ഴി ഗ​സ്സ​യി​ലും എ​ത്തി​ക്കാ​നാ​ണ്​ പ​ദ്ധ​തി.