പു​തി​യ വാ​ണി​ജ്യ ച​ര​ക്കു​ഗ​താ​ഗ​ത ന​യ​ത്തി​ന്​ അ​ന്തി​മ​രൂ​പം ന​ൽ​കി ആ​ർ.​ടി.​എ

ദു​ബൈ: ഏ​ഴു​വ​ർ​ഷ​ത്തേ​ക്കു​ള്ള വാ​ണി​ജ്യ, ച​ര​ക്ക്, റോ​ഡ്​ ഗ​താ​ഗ​ത ന​യ​ത്തി​ന്​​ അ​ന്തി​മ​രൂ​പം ന​ൽ​കി ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). 2030ഓ​ടെ റോ​ഡ്​ ഗ​താ​ഗ​തം വ​ഴി​യു​ള്ള ച​ര​ക്കു നീ​ക്ക​ത്തി​ലൂ​ടെ ദു​ബൈ​യു​ടെ സാ​മ്പ​ത്തി​ക വ​ള​ർ​ച്ച​യി​ൽ ​1680 കോ​ടി ദി​ർ​ഹം സം​ഭാ​വ​ന ന​ൽ​കാ​ൻ ക​ഴി​യു​ന്ന പ​ദ്ധ​തി​ക​ൾ​ക്കാ​ണ്​ അ​ന്തി​മം ന​ൽ​കി​യി​രി​ക്കു​ന്ന​ത്.

ദു​ബൈ ഭ​ര​ണാ​ധി​കാ​രി​യും എ​ക്സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന എ​ക്സി​ക്യൂ​ട്ടി​വ്​ കൗ​ൺ​സി​ൽ യോ​ഗം പു​തി​യ ന​യ​ത്തി​ന്​ അം​ഗീ​കാ​രം ന​ൽ​കി. അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ൽ 75 ശ​ത​മാ​നം സാ​​ങ്കേ​തി​ക വ​ള​ർ​ച്ച ഉ​റ​പ്പാ​ക്കു​ന്ന​താ​ണ്​ പു​തി​യ ന​യം. കാ​ർ​ബ​ൺ ബ​ഹി​ർ​ഗ​മ​ന​ത്തി​ൽ 30 ശ​ത​മാ​നം കു​റ​വ്​ വ​രു​ത്താ​നും പ​ദ്ധ​തി ല​ക്ഷ്യ​മി​ടു​ന്നു. പ്ര​വ​ർ​ത്ത​ന കാ​ര്യ​ക്ഷ​മ​ത​യി​ൽ പ​ത്ത് ശ​ത​മാ​നം വ​ർ​ധ​ന ക​ണ​ക്കാ​ക്കു​ന്നു​ണ്ട്.

വാ​ണി​ജ്യ ഗ​താ​ഗ​ത രം​ഗ​ത്ത്​ 3,51,000 വാ​ഹ​ന​ങ്ങ​ളും 9,699 ക​മ്പ​നി​ക​ളു​മാ​ണ്​ ഇ​തി​ന​കം ര​ജി​സ്റ്റ​ർ ചെ​യ്​​തി​രി​ക്കു​ന്ന​ത്. പി​ന്നി​ട്ട അ​ഞ്ചു​വ​ർ​ഷ കാ​ല​യ​ള​വി​നു​ള്ളി​ൽ എ​ല്ലാ​ത​ല​ങ്ങ​ളി​ലു​മാ​യി 34 ശ​ത​മാ​നം വ​ള​ർ​ച്ച കൈ​വ​രി​ക്കാ​ൻ മേ​ഖ​ല​ക്ക്​ സാ​ധി​ച്ച​താ​യും അ​ധി​കൃ​ത​ർ വി​ല​യി​രു​ത്തി. 2022ൽ ​മാ​ത്രം പു​തു​താ​യി ഈ ​രം​ഗ​ത്ത്​ 2,42,000 തൊ​ഴി​ല​വ​സ​ര​ങ്ങ​ൾ​ ഉ​റ​പ്പാ​ക്കാ​ൻ ക​ഴി​ഞ്ഞു. വാ​ണി​ജ്യ ഗ​താ​ഗ​ത​രം​ഗ​ത്തെ പു​തി​യ ഉ​ണ​ർ​വി​ന്​ ആ​ക്കം കൂ​ട്ടാ​ൻ പു​തി​യ സാ​​​ങ്കേ​തി​ക സം​വി​ധാ​ന​ങ്ങ​ൾ ഫ​ല​പ്ര​ദ​മാ​യി പ്ര​യോ​ജ​ന​പ്പെ​ടു​ത്താ​നും പ​ദ്ധ​തി ല​ക്ഷ്യ​മി​ടു​ന്ന​താ​യി ആ​ർ.​ടി.​എ ഡ​യ​റ​ക്​​ട​ർ ജ​ന​റ​ൽ മ​താ​ർ അ​ൽ താ​യ​ർ പ​റ​ഞ്ഞു.

17 പ​ദ്ധ​തി​ക​ളാ​ണ് വാ​ണി​ജ്യ ഗ​താ​ഗ​ത മേ​ഖ​ല​യു​ടെ വ​ള​ർ​ച്ച​ക്കാ​യി​ ആ​ർ.​ടി.​എ ആ​വി​ഷ്​​ക​രി​ച്ചു ന​ട​പ്പാ​ക്കി​വ​രു​ന്ന​ത്. വി​വി​ധ മേ​ഖ​ല​യി​ൽ​നി​ന്നു​ള്ള പ​ങ്കാ​ളി​ക​ൾ, സ്വ​കാ​ര്യ ബി​സി​ന​സ്​ സ്ഥാ​പ​ന​ങ്ങ​ൾ, വി​ത​ര​ണ ഏ​ജ​ൻ​സി​ക​ൾ, വാ​ണി​ജ്യ ച​ര​ക്കു​ഗ​താ​ഗ​​ത രം​ഗ​ത്തെ ചെ​റു​കി​ട​ക്കാ​ർ എ​ന്നി​വ​രു​ടെ സ​ഹ​ക​ര​​ണ​ത്തോ​ടെ​യാ​ണ്​ പു​തി​യ ന​യം വി​ക​സി​പ്പി​ച്ച​ത്. ദു​ബൈ സാ​മ്പ​ത്തി​ക അ​ജ​ണ്ട​ക്ക് (ഡി33)​ ​പി​ന്തു​ണ ന​ൽ​കു​ന്ന​താ​ണ്​ പു​തി​യ ന​യ​മെ​ന്നും അ​ധി​കൃ​ത​ർ വ്യ​ക്ത​മാ​ക്കി.