യു.എ.ഇയുടെ വളർച്ചയിൽ മലയാളിസമൂഹം വലിയ പിന്തുണ നൽകി –ബ്രിഗേഡിയർ ജനറൽ അബ്ദുല്ല ഖാദിം
text_fieldsദുബൈ: സുവർണ ജൂബിലി ആഘോഷനിറവിൽ നിൽക്കുന്ന യു.എ.ഇക്ക് ഒരിക്കലും വിസ്മരിക്കാനാവാത്ത ജനസമൂഹമാണ് മലയാളികളെന്ന് ദുബൈ പൊലീസ് ഡയറക്ടർ ബോർഡ് ചെയർമാൻ ബ്രിഗേഡിയർ ജനറൽ അബ്ദുല്ല ഖാദിം സുറൂർ അൽ മസാം. യു.എ.ഇയുടെ വളർച്ചയിൽ ഒപ്പം നിന്ന് മലയാളികൾ നൽകിയ സംഭാവനകൾ മാതൃകാപരവും ഇമറാത്തിയുടെ ഹൃദയത്തിൽ ഇടംപിടിച്ചതുമാണെന്നും അദ്ദേഹം കൂട്ടിച്ചേർത്തു.
യു.എ.ഇ നടപ്പാക്കുന്ന എല്ലാ നിയമങ്ങളും തികഞ്ഞ ആദരവോടെ അനുസരിക്കുന്നവർ എന്ന നിലയിൽ മതിപ്പ് പിടിച്ചുപറ്റിയവരാണ് മലയാളികളെന്നും പ്രവാസി സമൂഹത്തെ ഈ രാജ്യം വളരെയധികം സ്നേഹിക്കുന്നതായും അദ്ദേഹം കൂട്ടിച്ചേർത്തു. ദേശീയ ദിനാഘോഷത്തോടനുബന്ധിച്ച് ദുബൈ കെ.എം.സി.സി നടത്തിവരുന്ന 50 ഇന പരിപാടികളുടെ ഭാഗമായി സംഘടിപ്പിച്ച നേതൃസ്മൃതി ഉദ്ഘാടനം ചെയ്യുകയായിരുന്നു ബ്രിഗേഡിയർ ജനറൽ. പ്രോഗ്രാം കമ്മിറ്റി ചെയർമാൻ ഇബ്രാഹിം മുറിച്ചാണ്ടി അധ്യക്ഷത വഹിച്ചു.
മാധ്യമ പ്രവർത്തകനും ഓവർസീസ് കെ.എം.സി.സി ചീഫ് ഓർഗനൈസറുമായ സി.വി.എം വാണിമേൽ മുഖ്യപ്രഭാഷണം നടത്തി. യഹ്യ തളങ്കര, പി.കെ. അൻവർ നഹ, ഹുസൈനാർ ഹാജി എടച്ചാക്കൈ എന്നിവർ സംസാരിച്ചു. പ്രോഗ്രാം കോഓഡിനേറ്റർ ഇസ്മായിൽ ഏറാമല സ്വാഗതം പറഞ്ഞു. കായക്കൊടി ഇബ്രാഹിം മുസ്ലിയാർ, മുസ്തഫ തിരൂർ, പി.കെ. ഇസ്മായിൽ, ഹംസ തൊട്ടി, അഡ്വ. സാജിദ് അബൂബക്കർ, ഒ.കെ. ഇബ്രാഹിം, റഈസ് തലശ്ശേരി, ഹനീഫ് ചെർക്കള, അബ്ദുൽ ഖാദർ അരിപ്പാമ്പ്ര, എൻ.കെ. ഇബ്രാഹിം, ആർ. ഷുക്കൂർ, ഇസ്മായിൽ അരൂക്കുറ്റി, അഷ്റഫ് കൊടുങ്ങല്ലൂർ, കെ.പി.എ. സലാം, അഡ്വ. ഇബ്രാഹിം ഖലീൽ, ഒ. മൊയ്തു, ഹസൻ ചാലിൽ, എസ്. നിസാമുദ്ദീൻ, എ.പി. അബ്ദുൽ ബാഖി എന്നിവർ സംബന്ധിച്ചു.
പ്രവാസത്തിെൻറ 50 വർഷം പൂർത്തിയാക്കിയവരെ ചടങ്ങിൽ പൊന്നാട അണിയിച്ച് ആദരിച്ചു. 76 മണിക്കൂർ തുടർച്ചയായി ബിസിനസ് ട്രെയ്നിങ് നടത്തി ഗിന്നസ് വേൾഡ് റെക്കോഡിൽ ഇടംനേടിയ എം.പി. റഷീദ്, ബിസിനസ് പ്രമുഖൻ തറാൽ സൂപ്പി ഹാജി എന്നിവരെ ഉപഹാരം നൽകി ആദരിച്ചു. ദുബൈ നഗരത്തിെൻറ വളർച്ചയും കെ.എം.സി.സിയുടെ ചരിത്രവും ഉൾക്കൊള്ളിച്ച് നിർമിച്ച പ്രത്യേക ഡോക്യുമെൻററി പ്രദർശനവുമുണ്ടായി. മാധ്യമപ്രവർത്തകരായ ജലീൽ പട്ടാമ്പി, എൻ.എ.എം. ജാഫർ, സൈനുദ്ദീൻ ചേലേരി എന്നിവരാണ് ഡോക്യുമെൻററി സ്ക്രിപ്റ്റ് തയാറാക്കിയത്. ചടങ്ങിൽ മൂസ മുഹ്സിൻ നന്ദി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.