ഇമാറാത്തി​െൻറ 'ഒരുമ'ക്ക്​ മലയാളത്തി​െൻറ ​സ്​നേഹം

ദുബൈ: യു.എ.ഇയുടെ ഐക്യം ലോകത്തിന്​ മുന്നിൽ വിളിച്ചുപറയാൻ മലയാളിയായ സച്ചിൻ രാംദാസ്​ സംവിധാനം ചെയ്​ത ഹ്രസ്വചിത്രം 'മഅൻ' (ഒരുമ) പുറത്തിറങ്ങി. ക്രിയേറ്റിവ് ഏജൻസിയായ വി ഫോർ ഗുഡ്​ ഒരുക്കിയ ചിത്രത്തിന്​ നാലു​ മിനിറ്റും 20 സെക്കൻഡും ദൈർഘ്യമുണ്ട്​. യൂ ട്യൂബിലാണ്​ ചിത്രം പുറത്തിറക്കിയത്​. വിദ്യ മൻമോഹ​െൻറ ആശയത്തിലാണ് ചിത്രം ഒരുക്കിയത്. മഅൻ എന്ന അറബി വാക്കി​െൻറ അർഥം ഒരുമ എന്നാണ്. വിവിധ രാജ്യങ്ങൾ ഒരുമയോടെ അധിവസിക്കുന്ന യു.എ.ഇയോടുള്ള ആദരവായാണ് ചിത്രം സമർപ്പിച്ചിരിക്കുന്നത്.

ലക്ഷക്കണക്കിന് പ്രവാസികൾക്ക് മെച്ചപ്പെട്ട ജീവിതം ഒരുക്കിനൽകുന്ന യു.എ.ഇയുടെ ദേശീയദിനത്തിൽ ആ രാജ്യത്തോടുള്ള സ്നേഹവും ആദരവുമാണ് ചിത്രത്തിലൂടെ അവതരിപ്പിച്ചിരിക്കുന്നതെന്ന് സംവിധായകൻ സച്ചിൻ രാംദാസ് പറഞ്ഞു. മംമ്ത​ മോഹൻദാസ്​ കേന്ദ്രകഥാപാത്രമായെത്തി പ്രേക്ഷക പ്രശംസ നേടിയ 'തേടൽ' എന്ന മ്യൂസിക്കൽ വിഡിയോക്കുശേഷം സച്ചിൻ രാംദാസ് ഒരുക്കിയ ചിത്രംകൂടിയാണിത്​. യു.എ.ഇയുടെ ടൈം ലാപ്സ് ദൃശ്യവിസ്മയമൊരുക്കി രാജ്യാന്തര പുരസ്കാരങ്ങൾ നേടിയ യുവസംവിധായകനാണ് സച്ചിൻ രാംദാസ്. യു.എ.ഇയിൽ താമസിക്കുന്ന 32ഓളം രാജ്യങ്ങളിൽനിന്നുള്ളവർ അഭിനയത്തിലൂടെയും സാങ്കേതികപ്രവർത്തനങ്ങളിലൂടെയും ചിത്രത്തി​െൻറ ഭാഗമായിട്ടുണ്ടെന്ന് നിർമാതാവ് വിദ്യ മൻമോഹൻ വ്യക്തമാക്കി.

ആശയരൂപവത്​കരണം മുതൽ റിലീസ് വരെ മൂന്നാഴ്ചയോളമെടുത്താണ് ചിത്രം പൂർത്തിയാക്കിയത്. നാലു ദിവസങ്ങളിലായി ദുബൈയിലായിരുന്നു ചിത്രീകരണം. ക്രൊയേഷ്യൻ സ്വദേശി ടോം ലെബാറിക്കാണ് ചിത്രത്തി​െൻറ കാമറ കൈകാര്യം ചെയ്തിരിക്കുന്നത്. ഇമാറാത്തി സംഗീതജ്ഞൻ സജാദ് അസീസി​േൻറതാണ് സംഗീതം. പ്രവാസിമലയാളിയായ ജിജോ വർഗീസാണ് ഗ്രേഡിങ് നിർവഹിച്ചത്.