ഈ​ദ്​ ആ​ഘോ​ഷ​ത്തി​നൊ​രു​ങ്ങി രാ​ജ്യം

ദു​ബൈ: സു​ര​ക്ഷ​യും സൗ​ക​ര്യ​ങ്ങ​ളു​മൊ​രു​ക്കി ബ​ലി​പെ​രു​ന്നാ​ൾ ആ​ഘോ​ഷ​ത്തി​നൊ​രു​ങ്ങി രാ​ജ്യം. സ്വ​ദേ​ശി​ക​ളും വി​വി​ധ രാ​ജ്യ​ക്കാ​രാ​യ പ്ര​വാ​സി​ക​ളും ഒ​രു​മ​യോ​ടെ ആ​ഘോ​ഷി​ക്കു​ന്ന പെ​രു​ന്നാ​ളി​ന്‍റെ ഭാ​ഗ​മാ​യ പൊ​തു അ​വ​ധി​ദി​ന​ങ്ങ​ൾ വ്യാ​ഴാ​ഴ്ച ആ​രം​ഭി​ച്ചു. ക​ന​ത്ത ചൂ​ടാ​ണെ​ങ്കി​ലും ആ​ഘോ​ഷ​ത്തി​ന്‍റെ പൊ​ലി​മ ഒ​ട്ടും കു​റ​യാ​ത്ത ഒ​രു​ക്ക​ങ്ങ​ളാ​ണ്​ എ​ല്ലാ എ​മി​റേ​റ്റു​ക​ളും ന​ട​ക്കു​ന്ന​ത്. ​അ​തി​രാ​വി​ലെ ന​ട​ക്കു​ന്ന ഈ​ദ്​ ന​മ​സ്കാ​ര​ത്തോ​ടെ​യാ​ണ്​ പെ​രു​ന്നാ​ൾ ദി​നം ആ​രം​ഭി​ക്കു​ന്ന​ത്. ഇ​തി​നാ​യി ഈ​ദ്​ ഗാ​ഹു​ക​ളി​ലും പ​ള്ളി​ക​ളി​ലും ഒ​രു​ക്ക​ങ്ങ​ൾ പൂ​ർ​ത്തി​യാ​ക്കി​യി​ട്ടു​ണ്ട്.

ദുബൈയിൽ ഈ​ദ്​ ന​മ​സ്കാ​ര​ങ്ങ​ൾ ന​ട​ക്കു​ന്ന ആ​റ്​ പ്ര​ധാ​ന സ്ഥ​ല​ങ്ങ​ളി​ൽ പീ​ര​ങ്കി മു​ഴ​ക്ക​വു​മു​ണ്ടാ​കും. അ​ൽ ബ​റാ​ഹ ഈ​ദ്​ ഗാ​ഹ്, നാ​ദ​ൽ ഹ​മ​ർ ഈ​ദ്​ ഗാ​ഹ്, സ​അ​ബീ​ൽ ഗ്രാ​ൻ​ഡ് മോ​സ്ക്, ഹ​ത്ത ഈ​ദ്​ ഗാ​ഹ്, ഉ​മ്മു​സു​ഖൈം ഈ​ദ്​​ഗാ​ഹ്, അ​ൽ ബ​ർ​ഷ ഈ​ദ്​ ഗാ​ഹ്​ ​എ​ന്നി​വി​ട​ങ്ങ​ളി​ലാ​ണ്​ പീ​ര​ങ്കി മു​ഴ​ങ്ങു​ക. ദി​വ​സ​ങ്ങ​ൾ​ക്ക്​ മു​മ്പ്​ ത​ന്നെ തെ​രു​വു​ക​ളി​ൽ ഈ​ദ്​ ആ​​ശം​സ നേ​ർ​ന്നു​കൊ​ണ്ടു​ള്ള അ​ല​ങ്കാ​ര​ങ്ങ​ൾ പ​ല​യി​ട​ങ്ങ​ളി​ലും സ്ഥാ​പി​ച്ചി​രു​ന്നു. വി​വി​ധ എ​മി​റേ​റ്റു​ക​ളി​ൽ വെ​ടി​ക്കെ​ട്ട്​ അ​ട​ക്ക​മു​ള്ള ആ​ഘോ​ഷ പ​രി​പാ​ടി​ക​ൾ വ​രും​ദി​വ​സ​ങ്ങ​ളി​ൽ അ​ര​​ങ്ങേ​റും. ദു​ബൈ, അ​ബൂ​ദ​ബി, ഷാ​ർ​ജ എ​ന്നി​വി​ട​ങ്ങ​ളി​ൽ ക​രി​മ​രു​ന്ന്​ പ്ര​യോ​ഗ​ങ്ങ​ൾ ആ​സ്വ​ദി​ക്കാ​നാ​കും.

രാ​ജ്യ​ത്തെ പ്ര​ധാ​ന വി​നോ​ദ​സ​ഞ്ചാ​ര പ്ര​ദേ​ശ​ങ്ങ​ളെ​ല്ലാം സ​ഞ്ചാ​രി​ക​ളെ സ്വീ​ക​രി​ക്കാ​നാ​യി ഒ​രു​ക്ക​ങ്ങ​ൾ പൂ​ർ​ത്തി​യാ​ക്കി​യി​ട്ടു​ണ്ട്.ദു​ബൈ​യി​ൽ നാ​ല്​ ബീ​ച്ചു​ക​ൾ ഈ​ദ്​ അ​വ​ധി ദി​ന​ങ്ങ​ളി​ൽ കു​ടും​ബ​ങ്ങ​ൾ​ക്ക്​ വേ​ണ്ടി മാ​ത്ര​മാ​യി​രി​ക്കു​മെ​ന്ന്​ മു​നി​സി​പ്പാ​ലി​റ്റി ക​ഴി​ഞ്ഞ ദി​വ​സം അ​റി​യി​പ്പ്​ പു​റ​പ്പെ​ടു​വി​ച്ചി​ട്ടു​ണ്ട്. ചൂ​ട്​ കാ​ല​മാ​യ​തി​നാ​ൽ ഏ​റെ​പേ​ർ വൈ​കു​ന്നേ​ര​ങ്ങ​ളി​ൽ ബീ​ച്ച്​ ആ​സ്വ​ദി​ക്കാ​നെ​ത്തു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. ജു​മൈ​റ 2, ജു​മൈ​റ 3, ഉ​മ്മു​സു​ഖൈം 1, ഉ​മ്മു​സു​ഖൈം 2 എ​ന്നീ ബീ​ച്ചു​ക​ളാ​ണ്​ കു​ടും​ബ​ങ്ങ​ൾ​ക്ക്​ മാ​ത്ര​മാ​യി സം​വ​ര​ണം ചെ​യ്തി​രി​ക്കു​ന്ന​ത്. ഇ​തു​വ​ഴി കു​ടും​ബ​ങ്ങ​ൾ​ക്ക്​ കൂ​ടു​ത​ൽ സു​ഖ​ക​ര​വും സു​ര​ക്ഷി​ത​വു​മാ​യ ബീ​ച്ച്​ സ​ന്ദ​ർ​ശ​നം സാ​ധ്യ​മാ​ക്കു​ക​യാ​ണ്​ അ​ധി​കൃ​ത​ർ ല​ക്ഷ്യ​മി​ടു​ന്ന​ത്.

ബ​ലി പെ​രു​ന്നാ​ൾ അ​വ​ധി ദി​ന​ങ്ങ​ൾ​ക്ക്​ മു​ന്നോ​ടി​യാ​യി പൊ​തു​ജ​നാ​രോ​ഗ്യ സു​ര​ക്ഷ ഉ​റ​പ്പാ​ക്കു​ന്ന​തി​നാ​യി ദു​ബൈ മു​നി​സി​പ്പാ​ലി​റ്റി പ​രി​ശോ​ധ​ന​ക​ൾ സ​ജീ​വ​മാ​ക്കി​യി​ട്ടു​ണ്ട്. പ​രി​ശോ​ധ​ന​ക​ൾ​ക്കാ​യി എ​മി​റേ​റ്റി​ൽ ഏ​ക​ദേ​ശം 150 പ്ര​ത്യേ​ക ഇ​ൻ​സ്പെ​ക്ട​ർ​മാ​രെ​യും ഫീ​ൽ​ഡ് മോ​ണി​റ്റ​ർ​മാ​രെ​യും വി​ന്യ​സി​ക്കു​മെ​ന്നും​ അ​ധി​കൃ​ത​ർ വ്യ​ക്​​ത​മാ​ക്കി​യി​രു​ന്നു.

ആ​ഘോ​ഷ​ങ്ങ​ളു​ടെ മു​ന്നോ​ടി​യാ​യി ഭ​ക്ഷ്യ​സു​ര​ക്ഷാ വ​കു​പ്പി​ലെ ഫീ​ൽ​ഡ് ടീ​മം​ഗ​ങ്ങ​ൾ മാ​ർ​ക്ക​റ്റു​ക​ൾ, റീ​ട്ടെ​യി​ൽ ഔ​ട്ട്ല​റ്റു​ക​ൾ, ഇ​റ​ച്ചി​ക്ക​ട​ക​ൾ, ഷോ​പ്പി​ങ്​ സെ​ന്റ​റു​ക​ൾ തു​ട​ങ്ങി​യ വി​വി​ധ സ്ഥാ​പ​ന​ങ്ങ​ളി​ൽ സ​മ​ഗ്ര​മാ​യ പ​രി​ശോ​ധ​ന​ക​ൾ ന​ട​ത്തി​വ​രു​ക​യാ​ണ്.

ഈ​ദ് ആ​ഘോ​ഷ വേ​ള​യി​ൽ ഭ​ക്ഷ​ണ കൈ​കാ​ര്യം ചെ​യ്യു​ന്ന​തി​ന്റെ എ​ല്ലാ ഘ​ട്ട​ങ്ങ​ളി​ലും ക​ർ​ശ​ന​മാ​യ സു​ര​ക്ഷാ മാ​ന​ദ​ണ്ഡ​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കു​ന്ന​തി​ലാ​ണ് പ​രി​ശോ​ധ​ന​ക​ൾ ല​ക്ഷ്യ​മി​ടു​ന്ന​ത്. അ​റ​വു​ശാ​ല​ക​ൾ ഉ​യ​ർ​ന്ന പൊ​തു​ജ​നാ​രോ​ഗ്യ മാ​ന​ദ​ണ്ഡ​ങ്ങ​ൾ പാ​ലി​ക്കു​ന്നു​ണ്ടെ​ന്ന് ക​ഴി​ഞ്ഞ മാ​സം ദു​ബൈ മു​നി​സി​പ്പാ​ലി​റ്റി വ്യ​ക്​​ത​മാ​ക്കി​യി​രു​ന്നു.

സു​ര​ക്ഷി​ത​വും സ​ന്തോ​ഷ​ക​ര​വു​മാ​യ ബ​ലി​പെ​രു​ന്നാ​ൾ ആ​ഘോ​ഷം ഉ​റ​പ്പാ​ക്കാ​നു​ള്ള ത​യാ​റെ​ടു​പ്പ് പൂ​ർ​ത്തി​യാ​യ​താ​യി ദു​ബൈ ഇ​വ​ന്റ് സെ​ക്യൂ​രി​റ്റി ക​മ്മി​റ്റി ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു. 34 മ​റൈ​ൻ സെ​ക്യൂ​രി​റ്റി ബോ​ട്ടു​ക​ൾ, ര​ണ്ട് ഹെ​ലി​കോ​പ്ട​റു​ക​ൾ, 139 ആം​ബു​ല​ൻ​സ് പോ​യ​ന്റു​ക​ൾ, അ​ഞ്ച് റെ​സ്ക്യൂ ബോ​ട്ടു​ക​ൾ, 52 സൈ​ക്കി​ൾ പ​ട്രോ​ളി​ങ്, 515 സെ​ക്യൂ​രി​റ്റി പ​ട്രോ​ളി​ങ്, 130 സി​വി​ൽ ഡി​ഫ​ൻ​സ് വാ​ഹ​ന​ങ്ങ​ൾ, 24 ചെ​റി​യ ക്രെ​യി​നു​ക​ൾ, 21 ലാ​ൻ​ഡ് റെ​സ്ക്യൂ പ​ട്രോ​ളി​ങ്, അ​ഞ്ച് സി.​ബി.​ആ​ർ.​എ​ൻ റെ​സ്പോ​ണ്ട​റു​ക​ൾ, നാ​ല് ഓ​പ​റേ​ഷ​ൻ റൂ​മു​ക​ൾ, ര​ണ്ട് ആം​ബു​ലേ​റ്റ​റി ബോ​ട്ടു​ക​ൾ എ​ന്നി​വ ദു​ബെ​യി​ൽ വി​ന്യ​സി​ക്കു​മെ​ന്നുംഅ​ധി​കൃ​ത​ർ വ്യ​ക്​​ത​മാ​ക്കി​യി​ട്ടു​ണ്ട്.